قصة تضحك .. قومو صلو....ههههههههههههه

[خاتم الجابري]

قصة تضحك .. قومو صلو....ههههههههههههه

السلام عليكم ورحمة الله وبركاته

قصة تضحك .. قومو صلو....ههههههههههههه

كان فيه شاب وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير
المهم امه العجوز شارت عليه وقالتله يا ولدي ليش ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمر طوييل
المهم الحت عليه وهو وافق
--------


وخطبت له امه البنيه اللي كلها حلا
بسم الله عليها من الحسد

الولد عقب العرس ..ماينلام استانس بحرمته
وتوافق هو وياااها الحمدلله
كل واحد يحب الثاني ويوده
--------

لكن المشكله عاد ب( المامي) تضايقت شوي من الوضع وانقهرت --- و هذي فطره عند اغلب الحريم خاصة مع عيالهم
--------

بدت إذا جاء الولد عقب الظهر داايخ

من الشغل وده يتغدا ويناام قبل العصر.
أول مايصك باب الغرفه هو وزوجته إلاّ والوالده تضرب عليهم الباااب ( تنكيد يعني)
قوموا صللوا يالله

وان كان هو ماأذن تطق وتقول قوموا توضوا قبل الاذاان..
وجالسه مقابل باب الغرفه
وتنهبل لو أنصك عليهم الباب

والولد ماغير ( يقول إنا لله وانا اليه راجعوون ) وش جاها أمي

وتطوور الوضع بدت العجوز إذا صار بالليل
واوّل ما يناموا تطق الباب قوموا صلّوا صلاة الليل... قوموا أوتروا.. قومو قومو..
وماهي تاركتنهم لا بالليل ولا بالنهار
--------

المهم الولد تضايق وايد تنكّدت عيشته مايدري وش يسوي الوالده
صارت قشرا ما تشوفهم داخليين بالغرفه تنهبل على طول...
ومرّه الولد كان عند رفيقه ابوصالح (معرووف بالعياااره )
كان يتقهوى ومع السواليف قص عليه سّالفته مع أمه وشكى له حاله
قال ابوصالح انا اعرف علاج امّك زيين بس طاوعني؟؟
قال الولد ارجوك اللي تبيه
بس فكّنا من هالحالة ياشيخ



قال : نبي نسوّي خطّه انا وانت بس لازم تطبقها تمام والا ترى امك بتخرب عليك
قال الولد .. ارجوك خبرني
المهم قاله الطريقه واتفقوا

عقب العصر
جاء ابوصالح لبيت الولد وطق عليه الباب
طلع الولد قال
ياهلاااااا ابو صالح علومك ...اخبارك
ادخل تقهوى
قال ابوصالح
لاوالله أنا مستعجل بس جيت ابي منك طلب وابمشي
(طبعا رافعيين اصوااتهم علشان تسمع العجوز- وهي ماقصّرت بالتسنط
قال الولد ادخل زين في المجلس واطلب الّي تبي

قال ابوصالح .. الّي ابي؟؟
ماتردّني
قال الولد : والله ماأردّك لو تبي كل بيتي واللي فيه .. إلاّ شي واحد ماأعطيك أياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر كل شي إلاّ هذي ..
قال ابوصالح ليش؟؟

قال الولد : والله ما مقصره لها الاجر
تقوّمنا لصلات العصر قبل ما يأذّن وتقومنا بالليل .
وتقومنا نووتر قبل الفجر . وتقومنا للفجر حريصة علينا
والله ما أقبل ابد الله يخلّيها لنا ان شاء الله
--------

قال ابوصالح : والله الصّراحه أنا جااي أخطب الوالده
قاال الولد لااااا ياخووي
مع السلامه . والوالده مسكينة ما معرسه من توفى زوجها

( كل هالكلااااام وامه تسمع!! ومنهبله)
راح ابوصالح والولد صك الباب
دخل الولد والى الوالده بوجهه قالت من هذااا؟؟
وش يبي؟؟؟
قال يا امي هذا خبل وطلب منّي طلب وطردته ( مابقا إلاّ هي بعد)
سكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال لها ها يا امي سلامااات؟؟
ماقوّمتينا للصلاة الفجر ولا الظهر
عسى مااااشر ؟؟

قاالت الأم: قوموا أنتم وحدكم فيكم الضمخ ما تسمعوا الاذان
..... عسااكم ما صليتوا
خلاااص انا دايمة لكم
المهم زعلت

وصارت ماتظرب الباب عليهم وافتكّو من شرّها

__________________

[الفقير الي ربه]

قصة طيبة والحمد لله أنة ماطردها من ألبيت وطريقتة مع أبو صالح فكتة من غيرة امة وترا كثير من ألأمهات تعمل كذا وأكثر نسأل الله لهنة الخاتمة شكرأ اخي الكريم

[نسيم السروات]

قصة فعلاً مضحكة الله يهدي بعض العجائز تصير مثل الحزاة في الحلق ههههههههههه

الله لا يجعلني مثلها إذا زوجت أولادي أن شاء الله ، باخليهم في شأنهم من العيب التدخل بين الرجل وزوجته

حتى لو كان ولدها ، يعني ما أخذت في دنياها نعمه وكانت تسرح وتمرح مع زوجها زمان يوم جاء ولدها يبي

يجلس مع زوجته صار عندها شي يزعل عجييييييب أمرها .

لا وبعد شارهه تتزوج جارهم أبو صالح الصلاح من الله .

أخاف أن القصة فيها إنا على الحريم مساكين غريبة سوات هذه الكهلة المخرفة هههههههه


ألف شكر وتقدير لك أخي خاتم الجابري على هذه القصة الممتعة والمضحكة

وبما أنها ليست من تراث زهران وليست أيضاً بلهجة زهران فأني

أستميحك العذر بنقلها إلى القسم المناسب لها إلى ( الإستراحة ).

[عبد الكريم العدواني]

ههههههههههههههه حلوة ^^

[سعد الحبيطه]

قصــه جميلة ورائعة

كل الشكر عزيزي
دمت بود

[أبوعدي]

قصة رائعه ... سلمت يداك

[شتآتـ]

حلوه القصه

تسلم يدك