إطـــلالتـــــك

[علي الحسني الزهراني]

[poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



إطلالتك صبح مشرق والنسايم شذاك = وغيابك البرد والوحشه بليل الكدر
وش هي حياتي بدونك والبدايه معاك = يا للنهايه أعيشك يامماتي حضر
من الظما جف كلي والمطر في سماك = كيف ارتوي لابقيتي تحبسين المطر
حسبي على من حرمني من ينابيع ماك = وجنتك والغصون الدانيات الثمر
والجوري اللي مبلله الندى في رباك = مازال عطره يصحيني بوقت السحر
والحاسد اللي حجب عن عيني إني أراك = مارد طيفك يراودني وعنده خبر
قلبي خفق لك وميز معدنك واصطفاك = مهما تغيبين تبقين انتي اغلى بشر
صحيح متعب ولكن الأمل في لقاك = راحه بطيب السمر تنسي عذاب السهر
وش سر طول انتظارك غير قلبٍ هواك = لوكان قلبي بصدرك زارني ما انتظر
أدري سلبتي خفوقي من زمان احتواك = بس كيف انا اسلب خفوقك علميني السحر
أصبحت بيني وبيني في خصام وعراك = لو لمت حظي فانا اومن بالقضا والقدر[/poem]

[ماجد علي]

صح لسانك

[احمد صعمود]

كبير ياعلي الحسني

لله درك ومشكور على فاتنتك

تقديري

[ابو احمد العدواني]

مشكور والله يعطيك الف عافيه

[عبدالله العلي]

عندما يكتب علي الحسني
فعلينا ان نتأمل كل حرف كل صورة كل الجمال الكثيف هنا .
شاعر مختلف والله .

صح الفكر يابوعبدالله ..

ما اروعك ..