من افضل ماقيل في قصائد النصح والحكمه وهي من صفات زهران وخاصه ال سويدي !!

[ابوماجدالسويدي]

هذه قصيده للشاعر راشدالقحطاني وتشتمل على اروع الاخلاق الاسلاميه والنصائح والحكمه


[poem=font="Simplified Arabic,5,black,bold,italic" bkcolor="transparent" bkimage="backgrounds/27.gif" border="ridge,5,red" type=0 line=0 align=center use=sp num="0,black""]
[حـــــــذراك . . . . حـــــذراك . . .=
لاتبتلـــي بــجــروح يـصعــب دواهــا=
والى مشيت اعرف دروبك وممشاك=
احــرص على نـفسـك وخالف هواها=
امارةً بــالســــو ماهــي بتنــهـــاك=
اقبض عليهــــا لين يجلى صــــداهــــا=
اقطع نوايــــاها بدينـك وتــــقــــواك=
هـــلل وعنــــد الله سريــــعً شفــــاها=
والعيــــن لاتنظــر بهــــا من تعــداك=
المحصــنــــه لو تلتفت لك وراهــــا=
اصبر على همك وغمــــك وبـــلواك=
عـــــف وتعـــفف لايغــــرك حــــلاهــــا=
واتـرك حرام القوت ماهو بـ يملاك=
كل البطــــون الجــــايعـــه ما مــلاهــــا=
رشفة حلال تسد جوعك و مظماك=
تســــوا مشاريب الحــــرام وغثــاهــــا=
النــــار في جوفك وتصلــى حناياك=
نــــارالجحيم تــــزيــــد للـــي وطــآهــا=
وأحفظ لسانك لا يجــــرك ويبلاك=
اخـــذ الثمينــــه لـــو غـلا مشتــــراها=
الهـــرج ميزانك ويكشف خفاياك=
كلمــــه تـعيبــــك لا تبيــــن نبــاهـــــا=
صون الكلام وصون نفسك ومبداك=
للـــنفس حشمــــه لا تفصــــم عراها=
اصمت مادامك عارفً سيل مجراك=
لا تنقــــل النمــــه وتبحث خفــــاهــــا=
يزول قدرك عند اقــــرب دنـــايــاك=
لو هو ولــــد عمـــك حياتــــك جفاهــــا=
واحلم تراه الحلم يرفــع مزايــــاك=
هو سيد الاخــــلاق ،، هو مبتــــداهــا=
وصى به المبعوث ماهو بـ يخفاك=
شفيعنــــا يــــوم الملاقــــات طـــــــــــهآ=
خل الجهل لاتجعل الغيــض ياطــاك=
ترا الجهــــل ســم القــــلــــوب وعماها=
واذا ابتليت ارفع الى الله شكواك=
لا بــــدهـا الايــــام تكشف غطــــاهــــا=
اصبر .. يزين الحظ ويزين مرماك=
الله يفــــرجــــهــــا ويــدفــع بـــلاهـــــا=
لا تمنــع المحروم لامن تنصــاك=
النــــاس لجل الناس واحسن عطــاهــا=
ابذل لوجه الله والله يجزاك=
بمثل الغــــروس الطيب للي سقاهـــا=
لا ضاع معروفك ولا ضاع حسناك=
إن كـانهــــا لله تــــلقــــى جــــزاهــــا=
جارك ولو هو جار،تسقيه من ماك=
عليه لا تــــرفع يدينــك عــــصــــاهــــا=
احسن جوار الجار لو كان يشناك=
ترا العــــرب تحشم كلاب قــــصـــراها=
بكره يشد : ويكتب الله فرقاك=
عساهـ يذكر جيــــرتــــك مانســاهــــا=
الظلم شين ويجعل النار مثواك=
راعــــي الظليمه عيشتـهـ ما هنــاهــا=
فوقك إله العرش عالم نواياك=
ينظــر قلوب النــاس وش محتــــواهـــا=
يسمع بما تجهر و عالم خفاياك=
بإمره شروق الشمس ترسل ضياهـــا=
هو عالمً غيبك وركب خلاياك=
هو خالــــقً فيـك العــــروق و رواهــــا=
والضيف له حقً الى حل بحماك=
قلط ضيــــوف الله واكــــرم لحــــاهــــا=
لا تحقر الضيفان وتشح بغذاك=
مما عطــــاك الله قلــــط عشــــاهــــا=
وعليك باللي ساعة الضيق يفداك=
لاشــــانت الدنيــــا ودارت رحــــاهــــا=
لامن زهمته لو على الموت لباك=
عيني لجــــل عينك و روحي فداهــــا=
ترا الخوي نبراس روحك و ملجاك=
لا كلحت بقعــــآ ،، وزادت غثــــاهـــا=
حذراك من بعض المخاليق حذراك=
بعض العرب ماتفرقـــه من نســـاهــا=
تايــــه وضايــــع بين ذولا وذولاك=
فيه الجهالـــــه واصــــلً منتهــــاهــــا=
[/poem]

[ابوعواد السويدي]

صح لسانك ولسان قايله قصيده رائعه بروعه حضورك وتفانيك لهذا المجلس
مشكور ابوماجد ويعطيك العافيه
اخوك ابوعواد

[عبدالرحمن بن شحمان]

مجهود طيب وصح لسان الشاعر
لاعدمناك