يُبهــ أبسألك وش به غزا وجهك الشيب؟؟؟؟

[المُهرهـ]

يابوي جعلك للبقا والمكاسيب
عمري بدونك يالذ را ويش أبي به

يابوي تسأل عن شفاك المراقيب
طلعة سواتك للنوايف غريبه

ليه المرض مايعرف الزين والعيب ؟
مايدري انك للمخاليق هيبه !!

أبسألك وش به غزا وجهك الشيب
والقلب لايع والنواظر شحيبه

وش بك تحاتي لانوى الموت تغريب
تخشى علينا بالليالي الكئيبه

خذ دلتك واركى على مسند الجيب
وعطني شماغك بلثمه وأحتمي به

ونروح لأرض بها العشب والطيب
وتسمع كلام يالغلا تحتفي به

يابوي بنتك لاانحكى بالتجاريب
كل يشق لهيبه الصيت جيبه

يابوي ماني من سوات المخاريب
اللي تجيب لعلية القوم خيبه

وماني من اللي لامشت حفها الريب
أنا من اللي مايدنس حليبه

مرفوع شاني عن غرام المكاتيب
وأكبر من انني أرتضي بالحبيبه

أنا غرامي لاابتدوا بالتراحيب
نفوس الأوادم في وجودي رحيبه

وان كان زيني فتنة للمصاويب
أحط وجهي بالحريق ولهيبه

زيني أبيعه وأشتري سمعه الطيب
اسم ينومس بالصروح الذ هيبه

وان كان عندي ( بالحلا) شي اصعيب
عندي جدود مارضت بالغليبه

دموع القبايل في لقانا مساكيب
كن المقابر لاحضرنا قريبه

خضبت لك كفي من العز تخضيب
ورفعت راسي للنجوم الصعيبه

والله لأسدك بالفعول المصاليب
والله لأشيلك بالرخا والمصيبه

طلع المعالي ماانحكم للشواريب
بنت وأناطح فارس القوم طيبه

وياشيخي إبشر لوتدور الدواليب
بنتك إلا منه عوى الذيب ( ذيبه)
.
إهداء مني لوالديــ
ومن ليان لوالدهاا
ومن كل فتاه لوالدها

أحب من الرجال من أنتظرني 9 أشهر ورباني على حساب صحتهـــ
عذرا يا رجال الأرض لا تشبهون طُهر أبي

[سعد الحبيطه]

صح لسـانكــ
الله يحفظ لكـ أبـوك ويحفظك لـه

شكري وتقديري

[المُهرهـ]

صح بدنك

أ/ ــسعد
شكرا لحضوركــ اللهم آمين ي حي ي قيومــ

تحيتي

[عبدالله الحديبي]

قليله في حق الاب وعسى الله يحفظهم لنا ذخر وفخر

المهره .. سلمت يمينك على ما نقلت من ابيات
راقت لي وروضت القارحه

[المُهرهـ]

أ/ الحديبي صدقت فيما قلت قليله في حق الأب


شكرا لحضورك


تحيتي

[شمس عصرا]

اسعد الله قلبك يالمهره
ياليت نعرف من قائل الابيات الانفه
يستاهل الاشاده باسمه فقد اجاد....ولعلها فتاة حائليه ان لم اكن مخطئا(( ارسلتها لي واستحيت اسألها اهي لها ام لا))

صبــغت الراس مــــره بعــد مـــره
وعاد الشـيب الأول فـــي مقـــره

آثـــــار العمـــرللمخلــــوق مــــره
ولو جـــدد شبابــــه مـــا تجـــدد

ويـــوم أنـي صغيّــر لمـت بختـي
تمنيت أنـي أكبــر قبـــل وقتـــي

ندمــت وقلـــت يالأيـــام عبتــي
ورى الماضي بها السرعه تجدد

وياليت أشـتري ماضـي حياتــي
بكنـــــز الهنــــد ذات الرُبياتــــي

ولكن بعـــد مـا فــــات الأوانـــي
وذاك اللــــي تمنيـتــــه تبـعـــــد

نعيــش العمـر والأيـــام تجــــري
ويخلق ربنـــا مـا ليـــس نــــدري

يجيب الوقـــت مــــالاه بفكـــري
ونشقى أيـام ثـم أيــام نسـعــد

[احمد صعمود]

وياشيخي إبشر لوتدور الدواليب
بنتك إلا منه عوى الذيب ( ذيبه)

قصيده مؤثره وتعمق روح الاصاله
احسنتي الاختيار وصح لسان من قالها

تقديري

[المُهرهـ]

اقتباس: المشاركة الأصلية كتبت بواسطة شمس عصرا      اسعد الله قلبك يالمهره ياليت نعرف من قائل الابيات الانفه يستاهل الاشاده باسمه فقد اجاد....ولعلها فتاة حائليه ان لم اكن مخطئا(( ارسلتها لي واستحيت اسألها اهي لها ام لا)) صبــغت الراس مــــره بعــد مـــره وعاد الشـيب الأول فـــي مقـــره آثـــــار العمـــرللمخلــــوق مــــره ولو جـــدد شبابــــه مـــا تجـــدد ويـــوم أنـي صغيّــر لمـت بختـي تمنيت أنـي أكبــر قبـــل وقتـــي ندمــت وقلـــت يالأيـــام عبتــي ورى الماضي بها السرعه تجدد وياليت أشـتري ماضـي حياتــي بكنـــــز الهنــــد ذات الرُبياتــــي ولكن بعـــد مـا فــــات الأوانـــي وذاك اللــــي تمنيـتــــه تبـعـــــد نعيــش العمـر والأيـــام تجــــري ويخلق ربنـــا مـا ليـــس نــــدري يجيب الوقـــت مــــالاه بفكـــري ونشقى أيـام ثـم أيــام نسـعــد

شمس عصراا

شكرا لحضوركم


تحيتي

[المُهرهـ]

اقتباس: المشاركة الأصلية كتبت بواسطة احمد صعمود      وياشيخي إبشر لوتدور الدواليب بنتك إلا منه عوى الذيب ( ذيبه) قصيده مؤثره وتعمق روح الاصاله احسنتي الاختيار وصح لسان من قالها تقديري

أ/\أحمد

شكرا لحضورك


تحيتي

[رفيعة الشان]

أروح فدوة لشيبة أبويه


هذي ثاني قصيدة عن أبوك حصلتها هناا
ربي يخليه لك ومايحرمكم منه يارب


تسلمي مهرتنآ الجميلة على الطرح الجميل