طرب وفن وذوق

[خالد رجب]

تشرفت بحوار الشاعر القدير / محمد عيضه . اكثر من مرة
وهذا أخر ما دار بيني وبينه . امل ان تنال إعجابكم

البدع/ خالد رجب
ياصاحبي لو يفتدون الناس ناس انا فداك
لكن حكاية في حكاية قد قفلنا بابها
تعال سمّعني شعر وتعال سمّعني غناك
تخير أجزل فاتنه في الشعر طرّبنا بها

الرد/ محمد عيضه
هلا وسهلا وانت عالي من سماك الا سماك
ترا الحكايات القديمة مزعت جلبابها
اعرف قليلين الادب ماتطمع الا من سحاك
والفاتنة قدام عينك قد كتبت كتابها


البدع/ خالد رجب
طرب وفن وذوق مافي المنطقه حيٍ سواك
اصبحت عاشقها ومغليها واحب احبابها
الشمس دنت لك ودنى لك قمرها واهتواك
ماباقي إلا يكتبون اسمك على محرابها


الرد/ محمد عيضه
اللي تثمن له عطاءاته يثمن لك عطاك
قصايدك ياماتعشينا ورا مخلابها
الشمس تلعب صح والقمرا تسجل في الشباك
وانا مغفل ماعرفت اموت والا احيا بها


البدع/ خالد رجب
انا ادري اني لو مدحتك ماتسلمني شباك
كذا خلقك الله ونفسك يعلم الله ما بها
لو اني اعرف علتك باغلى ثمن لاشري دواك
روحي وهي روحي لمثلك ماحسبت احسابها


الرد/ محمد عيضه
انا وش اسوي لو الله من لسانك ماوقاك
صح احرقتك النار بس النار من شبابها
بد اعتنز عند الفقيه اللي من العلة كواك
وان كان قال انك بخير مهمتك تبدا بها




البدع/خالد رجب
ياشاعر المليون ياللي كل ابونا في رضاك
الدلة الصفراء حذاري تحتقرصبابها
اقبل نصيحة صاحبك وان كان ربي ماهداك
ذنبك على جنبك تدور لقمة تحزا بها




الرد/ محمد عيضه
ترا الشماته ماتناسب من كماي ومن كماك
احسب حسابك في اللحى ياللي تقص اشنابها
ايست من وقتي ومن ربعي وناسي ماعداك
واليوم طاح الفرق بين احبابها واجنابها



البدع/ خالد رجب

لايمكن اخطي وانت لايمكن تعذّر من خطاك
لو تطرف الجنبية في كفك تهاوشنا بها
انا دعيتك للقصايد يوم غيري مادعاك
دعوه شرحنا مبتغاها واكتشفت اسبابها



الرد/ محمد عيضه
هلا هلا لوهي هلا يمكن تودي للهلاك
سميت بالرحمن لو بقعا تحد انيابها
دعيت ربك ياابن عمي واستجاب الله دعاك
والله يعطي صادق العالم مع نصابها


البدع/ خالد رجب
جلسه ولمه ياطويل العمر وش هذا الحراك
ثقافة اليومين هذي لعن ابو من جابها
ياولد زهران العظيمه وش جرالك وش بلاك
حتى المساجد ماسلم منك الذي صلى بها


الرد/ محمد عيضه
لوتستمع لي زين ابافهمك لكن ماطراك
تحسب بيدك مدخل الجنة وقفل ابوابها
لو كان ربي عاقبك لزق لسانك في جماك
الزور والبهتان وش طلعك في مرقابها


البدع/ خالد رجب
ياخوي من تمدحه مايسوى حذاي ولا حذاك
والعولمه ماودي انك صرت من طلابها
ابليس عنده جيش والاسلام ماهو في حراك
لكن قل كلمه من النيران تتوقا بها


الرد/ محمد عيضه
كرامة الانسان تحفظ مستواه ومستواك
والعولمة شيخة ماهوب الكل نال اعجابها
مسلم وتشتم ذا وتجرح ذا وعايش في عماك
حتى العداوة ماتعرف اخلاقها وآدابها


البدع/ خالد رجب
تبغاني اذوّب عيالي في حضارة ذا وذاك
واربّي اعيال تساوي صقرها واغرابها
انا فدا سنة محمد ذي فداها بي واباك
وش بك تصم اذنك وتدله عن جميل اخطابها


الرد/ محمد عيضه
يامحترم لاتعطي العالم من البغضا قفاك
ليت امنا تابى من الشيلة وتلبس كابها
لاتدعي وصلا بليلى وانت عن ليلى هناك
بعد اغتصبها اللي محجبها بغير حجابها

[احمد صعمود]

لو اني اعرف علتك باغلى ثمن لاشري دواك
/
/
علتك وعلته حب الشعر وعشق الابداع

انتم الوصفه والدواء لك من تعلق بالشعر وذابت مهجته في قوافيه وبحوره

يسلم راسك وراس محمد عيضه

تقديري

[محمد الساهر]

ياخوي من تمدحه مايسوى حذاي ولا حذاك
والعولمه ماودي انك صرت من طلابها
ابليس عنده جيش والاسلام ماهو في حراك
لكن قل كلمه من النيران تتوقا بها




جميل الف شكر