انفاس الغلا ..

[عبدالله الحديبي]

سلام عليكم ورحمة الله وبركاته
بعد طول غياب
كل عام وانتم بخير .. واتمنى منك ان نجد العذر والسموحة على الغياب ولكن اوعدكم بما يشفع لنا عندكم .

؟؟؟؟؟


الوجد . يـ انفاس الغلا . والشوق ماهو من رضاي
ساقتني اقدام القدر .. صوب الجروح الكايده

كنت احسب ان الحب قصة / حبرها تالي حكاي
لكن لقيت الحب < لبنة > والمواجع شايده

انا عويق الحب واشواقي في الذكرى عصاي
تقودني لمواجهك وارجع بليا فايده

غير القصيد العذب وحروفٍ تلالا في سماي
اسهر على نظم الاسى .. وجفون عيني جايده

بينت لك كثر الغلا / والظاهر انه هو خطاي
ياليت خليت المشاعر في حروف محايده

ماكان عانيت الالم .. لكن هذا هو جزاي
من يشعل .العود اليبس . يصبر على وقايده

صديت عني غيمتك . وانا اتعنى من ضماي
جفيت اناظر لك واشوف غيوم صيفك سايده

يرسم لي الواقع سراب .. وضيقتي تبعث خفاي
وتعيد لي الذكرى صحيبٍ كانت ايدي معا يده

يا صاحبي يا ابو الحلا . ياللي سهومك هاي هاي
يا نفحة انفاس الصبا يا صبح يوم معايده

انا ادري انك مملكة للزين / تبصم لك يداي
واقواس عذال الجمال معاك ماهي صايده

لكن انا جيتك عمر ,, ما جيت ادور بك عزاي
ولا جيت ادور بك شعورٍ صدق ماني رايده

جيتك وانا كلي طفل في لمسة يدينك اباي
جيتك لتغريبي وطن ولجوع وجدي مايده

جيتك طرب جيتك صخب وعزوف نغمٍ من غناي
جيتك وفيك إلهام شاعر . منك ملح ا قصايده

قربك من ضلوعي حياه / وصدتك سبة شقاي
وكثر الرجا يهدم قصور الود لو هي شايده

تعال واكتبني دفا في ضمتك . وارحم عناي
واشفق على حال الكسير اللي جروحه كايده
لـ/ عبدالله الحديبي

[احمد صعمود]

انا عويق الحب واشواقي في الذكرى عصاي
تقودني لمواجهك وارجع بليا فايده

عبادي انت من اجمل من يكتب الشعر النبطي جميع نصوصك ممتعه
كلماتك ولغتك راقيه جدا ولها وقع في النفس تجبرني على القراءه اكثر من مره

تقديري
.

[بن حكمان]

صح لسانك يا لقاطع


أبيات في قمة الروعه من روعة صاحبها

ولكن لا نعذرك في غيابك عن العرضة

[دخيلك]

جمال وابداع .. حقيقة بداية رائعه ونهاية اروع للابيات ..
لاهنت وصح لسانك ملايين

[جمعان مفرح (ابو طلال)]

قصيدة رائعة جدا تسلم يالغالي
ودمت في حفظ الله

[الفقير الي ربه]

كلام جميل بارك الله فيك

[عبدالله الحديبي]

اقتباس: انا عويق الحب واشواقي في الذكرى عصاي تقودني لمواجهك وارجع بليا فايده عبادي انت من اجمل من يكتب الشعر النبطي جميع نصوصك ممتعه كلماتك ولغتك راقيه جدا ولها وقع في النفس تجبرني على القراءه اكثر من مره تقديري .

جعلك ذخر وسلم لسانك على هذا الاطراء والمتابعة المستمرة منك ابو حميد
والذي لا اجد كلام يوفيها حقها

ودي وعبير ردي لك شاعرنا القدير
لاهنت

[عبدالله الحديبي]

اقتباس: صح لسانك يا لقاطع أبيات في قمة الروعه من روعة صاحبها ولكن لا نعذرك في غيابك عن العرضة

الاروع حضورك يا ابن حكمان وصح كلك

العرضه يعلم الله طابت النفس منها لكن وقت ما جانا شي فبتلقاني معاكم ان شاء الله

كن بالقرب

[عبدالله الحديبي]

اقتباس: جمال وابداع .. حقيقة بداية رائعه ونهاية اروع للابيات .. لاهنت وصح لسانك ملايين

دخيلك صح بدنك لين ترضى
عسى الله يبارك فيك ويوفقك وين ما كنت
ولاهنت على حضورك الراقي واعجابك .. دمت في حفظ الله

[عبدالله الحديبي]

اقتباس: قصيدة رائعة جدا تسلم يالغالي ودمت في حفظ الله

انت الاروع شاعرنا ابو طلال

لاهنت