خاطرة عذبة الأوصاف ( يلست افكر فيه ولكن ؟!)

[عذبة الاوصاف]

خاطرتي بعنوان: ((يلست افكر فيه(ــــ) ولكن؟!))..


يلست افكر فيه..

احاول انساه واكابر..

لقيته يشغل الخاطر..

احس انه سكن فيني..

نساني ايامي وسنيني..

أبي أشكي أبي أبكي..

لكن ذكراه تمنعني..

انه تدمع لجل شي عيني..

أحبه بكل ما فيه..

و ألوم اللي يجافيه..

على فرقاه انا ماقدر..

ولو ثواني عنه انا ماصبر..

واعية ولا راقدة أفكر فيه..

ما أحبه لكني اموت فيه..

عذبني , حيرني , تراني راضية..

ولوعدي اللي قطعته انا باقية..

ليت توصله هالرسالة..

و يخلي كل كلمة فباله..

كرهني لكني صدق حبيته..

ومن ماي عيني سقيته..

ان كان ناوي عني يهاجر..

اقوله احبك امس واليوم وباجر..

واللي فبالك انت يا فلان سوه..

ترى مافيني انا لا حيلة ولا قوة..

و ان رميتني وفضلت علي الجفا..

اقولك ترى قلبي بعده فيه الوفا..

ولا الشوق عني اختفى..

لو كنت تباني اكن لك كل الاحترام و الطاعة والخضوع؟!..

اقولك لا ورب العرش ما ينحني راسي اللي دومه الدوم مرفووع..


تحيااتي

عذبة الأوصاف

[انا السليمي]

كلمات رائعه
شكرا عذبة الاوصاف

[جمعان مفرح (ابو طلال)]

خاطرة رائعة تشكرين عليها

[رفيعة الشان]

عذبه♥
مرهفة جدا انتِ

اشكرك ع صدق بوحك وعذوبته

[محمد الساهر]

صح لسان الشاعر نتمنى منك المزيد

الف شكر