رن التلفــــــــون وقلت ياترى من يكـــــــون

[صقر شمران]

السلام عليكم جبتلكم موضو ع و ان شاءالله يعجبكم


مرة كنت احوط فالمنتديات وعيبني فقلت بنزله...

كنت نايم.. وبعالم الأحلام هايم..
مادري في و شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..



رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبرقه بعد ماكنت عصبي انا انسان حنون..



سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت..



قلت هلا

وقالت اهلين..
نوره موجوده؟؟


قلت وأنا صوتي رايح فيها..
لحظه شوي بناديها..


ويلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..
بس دقيقة ماعندنا نوره!!


وبادر البنت خوف!!


قالت آسفه غلطانه..

قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..


وقالت شكلك كنت نايم..


قلت لا.. توني قايم..


قالت تدرس ؟؟


قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين..


قالت باقي لنا ونخلص يومين
وخايفه والله من مادتين..



قلت من الاختبارات لآ تخافين..
دامج الليل تذاكرين..
وعلى الله تعتمدين..
واللي يزرع يح ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين..




ويلسنا نسولف في أمور..
من شو اسمج الين غلاء المهور..



قالت اسمي (ود) وقلت لها انا حمد..

وقالت صدفه غريبه اسامينا فيها دال..


تصدق كنت اتمنى يسموني نوال!!
تصدقين وانا كنت اتمنى يسموني جمال



ويلسنا نسولف في بحور الشعر والموال..
وماهمنا كلام الناس والعذال..



وفجاءة خلصت السوالف ولا لقينا اللي ينقال؟؟




وسكتنا..




وبدلع..قالت أنت تشجع الوحده؟؟

قلت في قلبي.. مادري أجاوبك بكف ولا بنعال..
بالله عليج هذا سؤال؟؟



قلت أنا .. وما يهمني القيل والقال..
هذا الكوماندوز هذا حبه طاح في القلب ولا ينشال..
والشمس مايغطيها مشخال..



قالت شمعنى الشعب !!..

قلت يا بنت.. الشعب فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر..

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..


قالت.. حمد..


قلت آمري يا ود..


قالت اوصف لي شكلك..



هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..
>>>>>>> ذكي




قالت والعيون..


قلت العيون شبرين في ثلاثه اشبار

قالت اسد..

قلت شكرا يا احلى شهد





المهم ان تواعدنا..
والموعد باجر في المول قررنا..
بين خوف وامل تواعدنا..



وقضيت ليلتي في حيرة..
شو البس؟؟ جنز ولا كندوره والله حيرة..
مافي غيرها يفج الحيرة.. شيشه و تعميرة..




ورجعت للبيت اعاتب امسي وابتسم لغدي..
وبصعوبة نمت.. قعدت اتجلب وون..

يا قلبي قلي شو اللي من الحب اهون؟؟


غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..



وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..




مب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
يلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تيجي وتشوف..











وفجاءة..



















وصلني مسج..
























يقول..
سويتها فيك يا حمدو..
رد بيتكم وخل عنك هسوالف ياتعبان


روح نام ..
تعيش وتاكل غيرها
و سويتها فيك ..























:المرسل














































الوالدة

ههههههههههههههههههههههههههههه

~*¤ô§ô¤*~*¤ô§ô¤*~ان شاء الله عجبتكم~*¤ô§ô¤*~*¤ô§ô¤*~



ل<<و<<ق<<ن<<م <<<<<

[عدواني والعز عنواني]

هههههههههههههههههههههههههههههههههههههههههههههههه.. .يعطيك الف عافيه....وربي اندمجت

[سعيد بن سالم]

هههههههههههههههههههههههه


رائعه يا صقر

وانا منسجم مع السالفة ما ادري القصيدة ضيعتني ! المهم اذكر اني قريت كلام اعجبني وبس


تسلم على النقل الرائع


ولا هنت يا غالي


تحياتي لك

[صقر شمران]

اقتباس: المشاركة الأصلية كتبت بواسطة عدواني والعز عنواني      هههههههههههههههههههههههههههههههههههههههههههههههه.. .يعطيك الف عافيه....وربي اندمجت

الله يعافيك ومشكور اخوي عدواني والعز عنواني علي المرور

[صقر شمران]

اقتباس: المشاركة الأصلية كتبت بواسطة سعيد بن سالم      هههههههههههههههههههههههه رائعه يا صقر وانا منسجم مع السالفة ما ادري القصيدة ضيعتني ! المهم اذكر اني قريت كلام اعجبني وبس تسلم على النقل الرائع ولا هنت يا غالي تحياتي لك

مشكور اخوي سعيد بن سالم علي المرور

[الحائر]

الله يعطيك العافية