سالفه انواع الصرقعه والرجه خخخ لاتفوتكم

[][ هـيـكـ‘ـتـ‘ـوـوـر ][]

السلام عليكم
لوسمحت هذا منتدى مدرسة المشاغبين..؟
ايه
ممكن اشارك معكم..؟
تفضل
عندي انشوده
تفضل المايك حبيبي

مافيه احد قبلك سكن هالقلب
الا اثنين ميرندا وواحد سفن
ولو كان حبك ببسي وكتكات
لا اصير بقالة عمرك ومكينة صرافه

صح لسانك وفالك البيرق


<<<< وكأني اشم ريح السماجه قد فاح ^.^

ندخل في الموضوع

في يوم من ايام الصيف البااردة وانا مستلقي ناام على ظهري
وسعاابيلي تنهمر على خشتي والشمس تدغدغني وانا غارق في نووم
عميق جدا جدا جدا بشكل لا يتصور<<
وكنت احلم باشياء مخيفه مررره....واشياء مقدر قولهاا لكم لانها عيب
وبينما انا غارق في احلامي الجميله وسعاابيلي واذا بوقع كف جامد على خشتي
واذا بسيل من الشتام تنهمر علي وتغطيني وانا اقاومهااا<<يلعن ام التعبير
وكل معتاد << قم يالخسيس يالسربوت يالثور الااااا ابوك يالنذلقم يالمعفن قم ياداشر
طبعا كان ذه ابوي يقومني زي كل يوم من عرفت نفسي وهو يقول
هذا الكلام من وانا صغير قد كذا << صغير مرهـ صح
الزبده هالمره قلت لاازم اعلمه ان هذا ما يصير << بياكلها في ابو ريح [/
وبعد ماقمت وغسلت وجهي وفركت خشت جيته وقلت ياباباا ياحبيب
مايصير هذا كل يوم والتاني اوم يالندل اوم يالسربوت والله مابيصير هدا يااااعيب الشوم<< مسوي بيفكك ابوهـ
ومامداني اكمل الاوهومااسكني مع خشتي..
وقعد يضربي الارض لييين قمطت العاافية..ثم مسكني مع رجلي
وحذفني على الجدار ثم جلس على صدريوانواع التنتيف << مو ابو هذا الحانوتي
..ثم قمت وانحشت وورحت اركض في الشارع بسروال السناوي وهو وراي وانواع الطردي
ثم مسكني وضربي وشوتني وانواع تفقيع الوجه ليين عرفت ان الله حق...

<<طبعا ابوي هذاحايز على عدة اوسمة وكورسات في تفقيع الوجه
وحاايز على الميدالية الذهبية في اولمبياد ميونخ ..وهو من
اشهر العدائين في العاالم>>

الزبده بعد ها لتصفيق المتكرر الي جاني ومن قوهـ فقدة<<لاا تفهمونا غلط<<
وقلت والله ومعاد يشوف رققة وجهي في البيت اموت ولاا ارجع للبيت
وصرت امشي وامشي ومدري وين اروح .. وامشي وامشي ومدري وين اروح
وبعد ما مشيت مدة طويلة قلت مالها الا جخيدب <<جخيدب هذا احد
اخوياي وهو بثر مرة ومنتهي وخارج التغطية الخ..

ورحت لشقته << طبعا هذا تعبير مجازي والا هي الى زريبه اقرب من انها شقه
ويوم دخلت زريبته..اقصد شقته..وانواع الريحه والدخاخين
والقاه جالس وحوله ثلاث افغانية يعمرون حشيش
<<طبعا هذولااا الافغانيه هم اخويااي ا نا وياه..لن محد يعطينا وجه..ولأسبااب اخرى<مايقصد شي ابد
وكان الشقردي فيهم اسمه عبدالحق خان ونسميه اناا وجخيدب
الذيب لنه كاان يدفنا بالحشيش
الزبدة دخلت وسلمت وتكيت ثم اعطاني الذيب صاروخ وقاال..ياشيخ خز هزا روق هزا دنيا مافي يستااهل ثم جلست اعمر معهم وانواع اللحسه كانوا كلهم ملحوسين..وشي ويقوم جخيدب
ويقول انا اقوى من اسامه بن لادن << اثار الحشيش

ويقوم الذيب ويقول هزا حوش ( يقصد بوش ) مافي يستهي على وجه..
والافغانية الباقين كل واحد يسوي لثاني مساااج..وانواع الهبال
الزبدة كل واحد طاح على وجهه ولا قمنا الا الظهر.
ويقوم عبدالحق( الذيب ) ويجبلنا بريال تميس وبريالين فول

و جلسنا نفطر مدري نتغدى ويقوم الذيب ويسويلنا براد شاهي< بدري عليكم برادي
وحنا جالسين نفطر مدري انتغدى قالي الذيب وش فيك..وعلمته السالفه
قال ودك نروح نتوطا في بطنه..قلت له انت حمار..هذا ابوي
ثم سكت شوي ثم قاال جخيدب ودك نبلغ
الشرطة..فمسكت علبة الفول وضربت فيها وجهه..<<هاذي تاليت المحششين
ويوم خلصنا الفطور قاالي الذيب ليه انت مافيه يتوضف.. قلتله
شهادتي مقبول ومافيه احد يوضفني.
سكت اشوي ثم قال ليه انت مايروح عند اشاره..وممداه يكمل الا
وبرادي الشاهي في وجه
ثم سكت وجلس يفكر وقال انته ليه مايروح بعثه..
وقلتله ايش هذا بعثه..قال هذا هكومه يودي انت امريكا..
قلتله طيب هذا امريكا فيه حشيش << والله من التفكير الفاسد
قال هزا امريكاا فيه كل شي هشيش هرمه كل شي.
قلتله طيب شهادتي مقبول..قاال ازهله انا فيه واسطه << عز الله انه ذيب
الزبده خلصلي الذيب كل الاجراأت وقصلي التذكره ..
ونركب راس التريله حقت جخيدب ونطلع للمطار
وانا رايح المطااار مع الذيب وجخيدب اعطاني جخيدب ميه و الذيب ميه << ونعم الصدقاء
وقال خلها معك..ويوم دخلنا لمطاار اشكالنا غلط حنى الثلاثه شبه
ثم سلمت عليهم وقعدت ابكي .. قاال الذيب انت لاازم مافيه ابكي
هزا بس هرمه يبكي.. << مسوي جاب شي جديد

وركبت الطااره( يالربع لادققون ) متجه الى امريكا



--------------------------------------------

بعد رحله شاقة مليئه بالمخاطر <<الا مليئه بتصفيق
والتشويت<<وصلت الى امريكا..ولاية تكساس


نزلت من الطيااارة ورحت ابي استلم عفشي .. والقى كل شي مكتوب بانقليزي هناك
وحاولت افهم اللوحات بس ما عرفت شي..كل اللي اعرفه يس ونو وذس
ورحت لم موظفه جالسه في الاستقبال<< ياشين اللي يسوي فاهم
ابي اسألها عن عفشي<<اللي يسمعك يقول شناط وعلوم..كله كيس من اكياس بندهـ
وجلست اتميلح عندها وهي تنادي بوليس بوليس..قلت
اصيرلتس تسلب بوليسي ياعمري << لا تلمونه اول مرهـ يشوف بنت غير امه
وشوي ولا تجي الشرطه وتسحبني مع خشتي في المطاار لين حذفوني برا

جلست ادور تكسي لين لقيتلي وحده مكسكيه تتكلم عربي<<< يلعن ام النصبة
قالت وين رايح..قلتلها مدري ..قالت كيف ماتدريا قلتلها انا جاي ادرس هنا
قاالت طيب منت متعاقد مع مكتب اسكان قلتلها ابد الله يسلمك..
قالت اسمع اناا ابي اسكنك معي بس بشرط قلتلها
اااامري....قالت مايامر عليك عدو<<واضح انها مكسيكيه
قاالت ابيك تشتغل معي..قلت تم<<< صب القهوه ياولد

ورحت معها لبيتها...
المدينة اللي انا فيها ديرة صغيرة في تكساس اغلب اهلهااا ابو
مكسيك << على وزن ابو يمن عندنا
وهذولا راعين جريات ... وهم في امريكا زي الزيود عندنا...
واكثر مايعيشون في جنوب امريكا

المهم ودتني المكسيكيه لزوجها طلع من الزكرت وراعين العلوم والحشيش..
وكان مهجد الحاره وبن امه يطالع في وجهه..ويوم جايبتني عنده..
جمع الزكرت و زحيف الحاره وقالهم هذا ضيف عندي..ومن اراد ان
تـثكله امه فليلمسه<< يلعن والديه والله انه كفووو
ثم عزم اهل الحاره وعشاني.....
وقال من بكره اوديك للجامعه عشان تعرف الدرب والحين رح ارقد..
ومن بكره وداني للجامعه وقال هذي جامعتك..قلتله لاا والله ..
قال على تبن للعن خامسك الحين << قلب على الماخوذ نزلت وتمشيت في الجامعه شوي ... ثم ركبت وقلت يابومكسيك<<زي ابويمن
قااال لاتقول ابومكسيك للعن والديك يالثور..قلت طيب وش اسمك قال سيزر
قلت سيزر ولا الربيع .. قال وشو .. وممداني اعيد الا وههو
ماسكني مع راسي وقال انزل ياسامج يابن السامجه
ونزلت من السياره ويعطيني كف ورا بوكس وتفقيع وجه .. وقاال
لو ماتنثبر وتصير رجااال علي الحراام للعن شكلك << انحشت من
ابوي وطحت في ابو مكسيك << اص لا يسمعكـ ياسامج

الزبدة قمطت العاافية وقلت خلاص والله ماعاد اعيدها<< زلابه
رجعنا البيت تغدينا ثم اخذت قيلوله في العصر..
جا قومني ثم قااال امش بسرعه ابيك .. جيته وقاالي اليوم ترا بنبدا البزنس
قلتلته اصيرلك بزنس شو ولا ذاك الكف .. وقااال ليه يااخي انت
حمااار كذاا ..قلت الله خلقني كذا << يلعن ام التصريفه
ويمسكني مع خشتي ويسحبني لين طلعني برا البيت ...وقاال خلك
رجاال ولا تفضحنا عند الاجناب
قبل ماحذفك مع لكلاب ياكلب .. قلت ابشر. < ماتلاحظون ابو مكسيك زودها

جانا ذيك الليله المهربين اللي يتعامل معهم .. وعرفني عليهم
وانواع الوجيه المتشوها.. واكثرهم منتهيه صلاحيته
وقالهم ترا هالورع يعجبكم..الزبدة شكيت في عمري وقلت هاذي تااليتهاا ياسيزر..

قااال ياخوي وشفيك انت .. انت صااحي ..صح انهم مايوفرون شي..لاتخاف يابو ريح
اناا قصدي انك ولد فااهم..قلت علينا يابو مكسيك ..وشوي
ولاايمسكني مثل دايم مع خشتي وانواع الضرب والركب
ثم قاال قرط في لسانكـ وخلك رجااال ازيلك..
انتهى الاجتمااع وعينوني بيااع في الجاامعه <<هاذي تاليتها


في اول يوم اداوم فيه في الجامعة كدت اصااب بعدة حاالاات اغمى من هول مارايت<< مسكين
فمن بين وجُه بشعه.. الى مؤخرات هابطه .. واجساام تتمايل يمن ويساار

وكان ذالك اول مشاهد اراهاا في حياتي
دخلت الفصل حقي ولقيت المدرسة قاالت وش فيك متاخر قلت توني
جديد .. قاالت لاا والله..ادخل ولا يكثر ولا تعودها
جلست وراا طالبة مكسيكسة..وجلست مدري وش الطبخه ولا فهمت شي
من اللي تقوله المدرسه
يوم انتهت المحاظرهـ التفتت المكسيكسة وقالت انت للي سااكن
مع سيزر..قلت ايه

قالت كل الحارة يعرفونك ويقلون انك قوي <<انتفخ راسه
قاالت وشراايك نتعرف على بعض...قلت هذي السااعة المبااركة
وتارااني اعجبك وترا عندي عضلاات وجربيني
ومرااح تندمين<<تفكير سعودي>>وقعدت اتميلح عندهاا..

قاالت ياخي ليه انت بثر وقلق..خلااص اسكت بنصير فريندز<<ياشين اللي يسوي فاهم

خلص اليوم الاول ... ثم الشهر الاول .. وكل يوم سالني سيزر هااه بشرر
وكل يوم اقوله توني قاعد ابني صداقاات...
ثم مسكني يوم وتوطى في بطن وقاال حركاات المبزررة والنص كم
ماتمشي عندي .. فااهم يابوريحه
تعرفت على طلااب كثيرر وقعدت ابيع لهم ونشرت الفسااد في
البلد<<الله واكبر عليك

وصرت من الزكرت حقين الجامعه..ودخلت الجامعه وانا اعرف يس ونو وذس وطلعت واناا ماعرف رجلي من يدي

وتهاوشت انا وابو مكسيك يقول انت فآآشل وماتنفع لشي ابداً
وطردني من البيت
وطلعت من بيته ورحت ومشي ومشي [ وروح ومشي مدري وين اروح وانا
امر ذيك البقاله بشتري لوزين ( تصبيرهـ ) وعصير ربيع
وشوي وتجي هوشه زنجين في البقاله وتجي الشرطه وتشيلهم
وتشيلني معهم ( يبون اشهد على الي صار بينهم )وجابوني في
المحكمة وطلب مني القاضي اعلمه
وش شافت بالضبط ومن المخطي .. طبعاً انا ماعرف غير ( no و yes و this )
فهمت وش يقصد القاضي بس انا ما اعرف اتكلمانقليزي واقوم اشرح
للقاضي السالفه ومتحمس وأشر بيدي على كل واحد واقول

ياحضرة القاضي

انا كنت رايح اشتري ( لوزين وعصير ربيع ) من البقالة .. وحنا
واقفين عند المحاسب شكل ( this ) الصربوت
وراعي مقاصف ويلز في ( this ) .. و( this ) شكله ابن حلال
ويبعد عن ( this ) .. وكل ما ابعد
( this ) يقرب ( this ) ويلز في ( this ) .. اخر شي زقت مع ( this )
ويلقط ( this ) مع خشمه.. عاد تحسب ( this ) سكته ويفك يده
من جيبه ويعطي ( this ) بوكس يحبه قلبك .. ( this )

يوم جاه البوكس بين عيونه طاح في الارض والظاهر انه انصرع ..
قام ( this ) << ويأشر على راعي الكاشير ، ويتصل بالشرطه

وتجي الشرطه وتضف ( this ) و( this )

وممداني اخلص الا العسكري تالني مع خشتي كل العادهـ ويحذفني برا المحكمه
قال لا بوكـ لا بوشهادتكـ ياطعس

وانا امسكـ الشارع مدري وين اروح تايه في الغربه وشوي
ويدركني النوم وتصارع انا وياه وكل عادهـ صرعني النووم وانا
اجي عند اقرب رصيف وانام

والصبح طب علي مجموعه من البوليس قالوا نااايم مع تسلاب في
الشااارع وفتشوني ..,ولقو معي جوازي

سحبوني وكالعاادة مع خشتي..ودوني للسفارة
وقالو لقيناه نايم في الشارع مع تسلاب..قالواا لو خليتوه يكمل نومه ازين

قالت السفارهـ مافي قعدهـ هنا انقلع للرياض وللنسيم تحديدن

ورجعت لبلادي وانا مرفوع الراس << ايه هين


[
..:: { ماستفاد من الموضوع }::..

الحين هل العالم اللي شابين في البعثات وجيكـ بزر توه متخرج وكل يوم يحلق علشان يسوي سكسوكه يقول بابا ابغى بعثه
وش حادكم على الشقى


اللي الضايع في ديرته .. برا اردى

وسامحونا على الخنبقة يالربع

وتقبلوا اطلق تحيه

[سعد الحبيطه]

يعيطك العافيه على هالطرح الجميل
تحياتي واشواقي

[][ هـيـكـ‘ـتـ‘ـوـوـر ][]

هلا وغلا بك اخـوووي هذي اول مره ترد على موضوع لي

اتمنى ماهي بأول ولا بآخر مره

اسعدنـي مروورك وردك الرائـع

تقبـل احلى التحآيآ

** دمـت بـوّد **

[رياح الليل]

هههههههههههههههههه
من جد شباب هابق
معندهم الا الدجه
لوخلوني انا مكانه واجيبلهم شهادة اد الدنيا<<<<<<انتبه لاتجيب العنز وبنتها
بس ياخوي حقوق النقل محفوظه طال عمرك بكره والمدرسه طابين علينا يطلبون الحق منك الله يعينك

[][ هـيـكـ‘ـتـ‘ـوـوـر ][]

ابشــر بالحـق ومـآيلحـق

خخخخخخخ ارووح كشنـه على هالـرد بتـآعك

سسسلمت يدينـك يآبعـدي

تحيآإتي لك

[السيف السعودي]

وش تيه الهروج ههههههههههه

كلها كوم ولايه تكساس كوووم ثاني >هيوستن يابعد حيي تهي تهي خالي هناك

[الشــــــــوق]

هههههههههههههههه

حلووووووووه

[][ هـيـكـ‘ـتـ‘ـوـوـر ][]

خخخخخخخخخخ

مرووركك احلى

مشكوره

دمتي بـوّد

[شذى الريحان]

صقر زهران صدعت راسي الفيلم بس ضرب ومضروب هذا جزاك ليش تتنمرد على ابوك خليه يلطشك لحدة ماتقول بس
يقولك امسك على قردك لايجيك اقرد منه شردت من ابوك ربي وقعك في سيزر وجماعته
الله يعطيك العافية

[][ هـيـكـ‘ـتـ‘ـوـوـر ][]

خخخخخخخخخخخخخخخخخخخخ

زهانيه وش فيك علـي مااسويتلك شـي

مشـكوره عالمرور تقبلي تحياتي

** دمتـي بـود **