من مواطن الى الملك ...

[خالد الحريري]

[align=center]أوجه رسالة للوالد القائد خادم الحرمين الشريفين

من واجبات الأبووووه أن الأب يستمع لصرخات أبنه وضمه على صدره وإذابة كل آلامه
والملك زي ابوي،، لأحد يتدخل بين أب وطفله
@ @ @
@ @ @
ابشرك يا خادم الحرمين الأسعار مضبوطة والمواد الغذائية متوفرة
ما نقصنا بس إلا الخبز يرفعون سعره
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات ارتفعت 30 بالميه
الأدوية 25 بالمية
تخيل يا خادم الحرمين جبن كرافت والمراعي السايل ارتفع
طيب وش نسوي لبزارينا المشكلةيقدرون الكرافت السايل مع الصامولي
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز ابو كاس ارتفع
لا وازيدك من الشعر بيت رزمة الكراث والبصل صارت بريالين
شفت شلون حنا بنعمه
@ @ @
بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
ونعطي لبنان مليار ونص دولار
ونرسل لمصر المعونه السنويه
تعرف ماشاء الله حنا.. من كثر الفلل التمليك.. الناس صارو يأجرون ببلاش
ممكن طلب طال عمرك.. ابي سلف 12000 ريال
عندي دين اسدد فيه لي سنه ولا خلص.. كل شهر 500 ريال
الله يرحم حالنا والله..
@ @ @
ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 99 دولار
ورصيدي أيضا حطم الرقم القياسي في نفس اليوم وصار فيه 17 ريال
الحمد لله شفت كيف أنا بخير
@ @ @
أحب اطمنك صرنا نسوي رجيم غصب عنا
تعرف اللحم ما عاد نعرفه
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو
صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا
@ @ @
ابشرك طال عمرك شعبك تطور
استبدل البكاء بطعم الملح ببكاء بطعم الدم
آآآآآآآآآآآآآآه يا حلو مذاقه
ودك تجربه؟؟
انا أقولك وشلون
نظف منزلك من حليب الأطفال
نظف جيبك من الفلوس
نم ومخباك فاضي
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى
انس انك ملك وأرجع للبيت
بتدخل على أنغام بكاء طفلك
عندها ستحتقر نفسك وانت عاجز عن اشباع طفلك
عندها ستلعن اليوم اللي انولدت فيه
عندها ستلعن اليوم اللي انولد طفلك وصرت مسؤول عنه
عندها ستضمه وستبكي من القهر
ستنزل دموعك وتحس بطعم الدم في حلقك
@ @ @
تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم
@ @ @
بس ودي أقولك شي قبل ما أروح أصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا
معناها إحساس المرأة بالانكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة ما راح تفهمها..
///////// /////////////////

ارسلها لكل من تعرف عسى ان يصل صوت المعاناه الى مليكنا
فيعرف مدى سعادتنا وفخرنا بوطنيتنا
_________________

منقوووووول حرفيا[/align]

[فهد سعود الزهراني]

لي عودة .. إن شاء الله

[صالح بن فارس]

بكل أسف

الملك يصدر قرارات ، والبطانة الفاسدة تعطلها بكل أسف

لكن نسأل الله أن يصلح الحال

شكرا لنقلك الكريم

.....

[فهد سعود الزهراني]

بارك الله فيك نقلك ياخالد
ونسال الله ان يصلح ولاة امرنا ويرزقهم البطانه الصالحة الناصحة
..
ومشكلتنا الازلية مع البطانة التي تفسد اكثر مما تصلح كان الله في العون

[ابو يزيد الحريري]

بصراحة الكلام .. انا ابي شي واحد فقط من مشاييخنا الكبار الذين دوم نعتبروهم قدوة لهذا البلد ان يتكلموا

ويصلحوا الشان في مثل هذه الامور التي تمر على المواطن السعودي من غلاء المعيشية وعدم توفر الوظائف

وسرقة فلوس الناس في الاسهم من الشركات والهوامير ومحافظ الدولة التي صار لها اثر نفسي وسلبي على

المواطن .. وصارت نفسيته لاتطاق وينعكس ذلك سلبا على عائلته والمشاكل الحاصلة من جراء هذا القهر

اين المشاييخ الاعزاء عن هذا القهر .. وبصراحة الكلام لم يبقى بايدنااااا شي الراتب موزع بين الاقصاد

وقليل من المعيشة .. وانقطاع المياة .....

وكما سمعنا عن فتوى المشاييخ عن القنواات الفضائية ام بي س وغيرهااااا يجعلهم يلتفتون الينا ويحسونية

بالضيقة النفسية للمواطن السعودي ،،،

ورحم الله اهالينا ماتوا وارتاحوا من هذا القهر ,,, وكلمة الحق تقال .. ونامل ان يكون هناك استئصال

للفساد الاداري والذي يحوي في مجمله مصلحة الشخص دون اسم بلدنا ومن يعيش على ترابه ،،،،،،،

اللهم ارحمنا برحمنه يارب ياكريم افرجها علينااااااااااااااااااااااااااا وسلامتكم ،،

[جبل منور]

نسأل الله أن يهيء له البطانه الصالحه

أخواني الملك لم يقصر

ومن الصعب أن يلم بكل مافي الدوله . وهذه مسؤلية الوزارات , وإلا كان أستغنى عن تلك الوزارات إذا كان سوف يقوم على كل شيء صغير وكبير وهذا لآيعقل

[هـاوي زهـران]

خادم الحرمين الشرفين يفعل مابوسعه ويصدر قرارات تصب في مصلحة المواطن
لكن هناك من يحاول منع هذه القرارت بشتى الطرق
يعطيك العافية اخوي خالد الحريري على الطرح الهادف

[وحيــ الريــاض ــد]

اقتباس: المشاركة الأصلية كتبت بواسطة هـاوي زهـران      خادم الحرمين الشرفين يفعل مابوسعه ويصدر قرارات تصب في مصلحة المواطن لكن هناك من يحاول منع هذه القرارت بشتى الطرق يعطيك العافية اخوي خالد الحريري على الطرح الهادف

[محمد الساهر]

الله يصلح الشأن ويصلح لنا هذه البطانة الفاسدة

[ولد سويد من بني هريره]

صراحة جميلة وقويه

مشكووووووووووووووووووووووووور والله يعطيك العافيه أخوي خالد الحريري