|
|
|
|
|
 |
 |
 |
|
#1
11-10-2008, 10:09 AM
|
||||
|
||||
قصــــايــــد أعجبتنــــي لشعـــراء غيـــر معــروفيـــن
=============================================
وليت ياوقت بـه النـذل سايـد خليت ولد البوم يشتـم أسدهـا ياليت وقت راح ذا اليوم عايـد وتبين شخان العرب من خردها يا00000 الناموس ماهو بكايد واللي سواتي ماحسب وش بعدها شعري فريد وبين الأشعار نايـد والبايره ياهيه صوبنـت يدهـا أسوق قافـي بالعلـوم الفرايـد وأدور الجزلـه ودوم أعتمدهـا ياللي تدور في دروبـي نقايـد الخايبه دايم على مـن قصدهـا هاذي بيوتي وأعتبرهـا قلايـد والعافيه تغفر لمن هـو حمدهـا ============================================= عز الله انك ظالم (ن) قلب(ن) اغلاك حافظ عهد ودك ولا هـوب جافيـك تسمع حكـي هـذا وهـذي وهـذاك وهرج العواذل لو حكوا مااسمعه فيك واللي حكا بي قد حكا بـك وحاكـاك بس متردد اشرح الوضـع مااخفيـك لك منزل(ن) بالقلب ماهوب يخفـاك يحق لك تزعل ولك حـق اراضيـك ياما على نور القمـر كنـت ويـاك اخذ علومك وايضا(ن) علومي اعطيك على النقا والطيب من طيب مربـاك الله يحقق يـا غـلا الـروح امانيـك مهما تسوي اطلـب الـروح تفـداك ماهي خسار ة دمعتـي يـوم تبكيـك تدري وش اللي مستحيل ؟ اني انساك وان كان تنساني فـلا نيـب ناسيـك اغيب وابقى عايش بطيـف ذكـراك ولا اشوفك مقفي (ن) كـل مااجيـك لكـن فمـان الله والـرب يـرعـاك تعيـش فـي دنيـاك والله يهنـيـك وداعتـك تذكرنـي بلحظـة دعـاك تذكر حبيب (ن) لك من القلب يغليـك ============================================= ما عادبه في خاطري شيء ينقـال كل الامـور السابقـه قـد دفنهـا من فوقها تذري عواصيف ورمـال حتـى العلاقـات القديمـه لعنهـا هو ليه يجحد تلـك الايـام وليـال ونفسه على بغضي علامه شحنهـا وانا الذي في ما مضى ياهوى البال روحه لجل عينك حياتـي رهنهـا ليتك سألتي مغرمك ايش الاحـوال حتى السجينه ينعرف من سجنهـا المسأله ماهـي عـدوات وقتـال لا تستمـع للـي تزايـد ضغنهـا الدلو ما ينفع بـلا مـاي وحبـال ولاحدً حفر له بير عقبه ركنهـا إلا ليا جاته صواديـف واعمـال غصبٍ عنه مجبر ولو راح عنهـا حقيقتي ماهـي تصاويـر تمثـال ارجوك صنها ياريش العين صنهـا وانته تعرف الحال والظرف والمال ظروفنـا عــندك لـك اللـه رسنــها ============================================= ماكل مـن جابـت ولـد صـار رجـال بعض الرجـال اليـوم مامـن رجولـه ولا كل من هـاز الطويلـه لهـا طـال المرقب الشامـخ صعيـب(ن) وصولـه الخيـل ماتبغـى لهـا كــود خـيٌـال يضـرب بحـد السيـف للـي يطولـه ومن لا يٌدسم شاربـه والرجٌـل قـال / تـرى المراجـل ماتجـي بالسهـولـه بعض الرجٌـال يوقٌـف بيـوم الأبطـال والبعض منهم ينسحـب فـي البطولـه وبعض العرب ألهـم تواريـخ وأمثـال وأفعالهـم جزلـه ولا هــي هـزولـه ومن يحسب أحساب الخساره في الأموال يفداك حالـه والعٌـوض فاللـي حولـه ولا يارحم مـن صـك بابـه بالأقفـال من دون ضيفان(ن) بعيـد(ن) عنولـه هذا الزمـن واحـد ويفـرق بالأجيـال أربع فصول(ن) تختلـف مـن فصولـه أمنـول(ن) ماهمهـم كـثـرة الـمـال لان الشجاعـه للفتـى هـي ميـولـه الفـال فالـك لا تقفـى لـه أعـقـال والناقـه إللـي ساريـه أمعقولـه ..!! لا تتبـع إللـي يتبـع القيـل والقـال مجنابك أطيـب مـن كـلام(ن) يقولـه أحذر منه لا صار فـي أقفـاك وأقبـال مثلـه يبـي يعتـاش عيشـة عمولـه وإنهج على إللي يعشٌق المرقـب العـال إللـي ليـا جيتـه يـسـرك قبـولـه هذاك لا أعتزتـه علـى كـل الأحـوال عشـاك لــو مايمـلـك ألا ذلـولـه وجنٌب عن إللـي مجلسـه كلـه أنـذال ولا يغـرك زيـن هـرجـه ودلـولـه وإفطن من هـروج الحواسـد وعـذال لا طاحـت براسـك مشاكـل ختـولـه خذها نصيحه من قريب(ن) ولـد خـال نصيحـة(ن) ماهـيـب والله عـذولـه لا صرت ذيب(ن) مالقى الذيب مدخـال والمشكله لا صرت سهـل(ن) دخولـه عٌزي لحال إللـي رقـد يـوم الأهـوال يـوم الزمـن دقـت علينـا طبـولـه الشايـب إللـي ورٌث الطيـب لإعيـال يفداه عـود(ن) لاش مـن هالحمولـه يالعنبوهـا مـن ورى خشمهـا ريـال تسانـه يذلـك يارجٌـل فـي حصولـه مايجتمع عقـل ورجولـه مـع أخبـال ولا كل شـي إليـا بغيتـه تنولـه ..!! الـوادي إللـي ماتعرفـه تـرى سـال ومن لا يعرف السيل يجهل فعولـه ..!! يجيك علـم(ن) مايجيلـك علـى البـال مثـل العلـوم إللـي تهـز لهـا دولـه المرجله موقـف وصملـه مـع أفعـال وفزعات قرم(ن) مـن نخاهـا صمولـه بنت(ن) تزيدك مرجلـه ماهـي أقـوال من حكمة(ن) في راسهـا مـع ذهولـه تاقف معك حتى لـو الـدم لـك سـال شيهانـة(ن) ماهـيـب والله جفـولـه لا جا نهار(ن) مغبـر(ن) كلـه أرمـال وطاحـت نجـوم القايلـه مـن نحولـه موتك من إللي ماوراها سـوى أهبـال ولا تدري إنك طايح(ن) فـي أمهبولـه فنجالـهـا مـاورثـت طـيـبـه إدلال وزود(ن) علـى هـذا تراهـا عجولـه لابو الردي لا صابه أخـراش وإجفـال في ساعة(ن) فيهـا النشامـا أوقفولـه ومن صكته بقعا علـى أشهـب الـلال لا يشتكي إلا لواحـد(ن) هـم شكولـه وصلاة ربـي مـن عـدد وبـل همٌـال وعد السحـاب إللـي سقانـا هطولـه على الرسول إللي لـه الخيـر مـازال إللـي أخـذ بالخيـر صولـه وجولـه أختم كلامي مـن قبـل تختـم أعمـال ويالله حـسـن الخاتـمـه لا تـزولـه ============================================= 
|
 |
 |
 |
|
|
|
|
|
18-10-2008, 09:38 PM
|
#2 |
 |
رد: قصــــايــــد أعجبتنــــي لشعـــراء غيـــر معــروفيـــن
  شكراً لك على الاختيار الراقي اختيار أكثر من رائع قصايد اكثر من رائعه |
|
|
|
|
|
|
|
|
|
|
|
19-10-2008, 07:43 AM
|
#3 | |||||||||||
|
موقوف
|
رد: قصــــايــــد أعجبتنــــي لشعـــراء غيـــر معــروفيـــن
صح لسان قايلها وتسلم يأبو فهد على النقل |
|||||||||||
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
