|
|
|
|
|
 |
 |
 |
|
#1
30-10-2008, 03:41 AM
|
||||
|
||||
أشعــــار..
================================================
يقول من عدى محمد الأحمد السديري يقـول مــن عـــدى على راس iiعالي رجــم طــويـل يـدهـله كل iiقرناس فـي راس مـرجـوم عـسير iiالمنــالى يشتاق لـه مـنـدك بالقـــلب هوجاس قـعـدت فـي راسه وحـــيد لحــالى والقـلـب فـي لجات الافكار iiغــطـاس وقعدـت اعـد ابـامهـــا iiوالليـالــى دنيا تـقـلب مـا عــرفـنـا لها قياس دنيا تـفـرق بيـن غــــالى iiوغـالى لو شفت منـهـا ربـح يرجــع iiللافلاس يا ما هفا به مـن رجــال iiمـدالـــى مـا كـنـهـم ركبوا على قب الافــراس ولا رددوا صـم الـرمـك iiللتــوالــى ولا ثـار عـج الـخيل في كـل مـرواس ولا قـلـطوهـن للكمـــين المـوالـى ولا صـار فـوق ظـهورهن شلع الانفاس فـي حـومـة الهيجا لهن اجتوالــــى كـل يـبى مـن زايـة الفعل iiنــومـاس مــن بينهـم عود الجنا والســـلالـى مـثـل البـروق اللـــيل الادمـــاس يقطـعـك دنـيـا مـا لـهـا أول iiوتالى لـو اضـحكـت تبكى وتوريك iiالاتعــاس يـا ابـجـاد شـب النار وادنـى الـدلالى واكسـر لـنا يـا ابجاد ما يقعد الــراس فـنـجال يغـدي مــا تـــصور ببالى وروابـع تـضـرب بها اخماس وأسداس لـعـل قـصر ما يجيبــــه اظلالــى يـنـهـد من عالى مبــانيــه للساس لـى صـار مـا هو مدهل iiللـرجـــالى وملـجـأ لـمن هو يشكى الظـيم والباس بـحسـناك مـا منشى حقــوق الخيالى يـا خـالق اجـناس ومفــنى اجـناس تجعـل مـقـره دارس العهــــد بالى صـحـصاح دو خـالــى ما به أو ناس لا خـاب ظـنـى بالرفيــــج الموالى مـالك مشـاريـه عـــلى باقي الناس وإن ناشنى مـن بـعـض الادنيـن صالى مـانــى عـن الزلات مخـــبر iiوبلاس كالعنبـر الغالـى بالأسـواق غــــالى ولا درهــم الفضيـة على صفر iiونحاس اجـزيـة بـالصده جنوب iiوشمـــالـى واتـلى هـوى قـلبى اليا هب iiنسنــاس المستريـح اللـى مـن العـقـل iiخــالى مـا هـو ولجـات الهواجيس iiغـطـاس مـا هـو بمثلـى مشــــكلاته iiاجلالى عجـزت اسجلهـى بحبـر وقـــرطاس حملـى ثقيـل وشلـت حملـــى iiلحالى ونصبـر علـى ضيـم الليالى iiوالاتعـاس بـرسـي كما ترسي عـوالى iiالــجبالى مـا ينهـزع حـيد عـــليه القدم داس مـتـى تـربع دارنـــا iiوالمـفــالى تخضر افياضـه عـقـب مـا هي بيباس ونشـوف فـيـه الـديدحــان iiمتـوالى مثـل الـرعـاف بخصر مدقـوق iiالالعاس ينثـر عـلى البيـداء ســـواة iiالزوالي يشـرق حـمـارة شرقة الصبـغ iiبالكاس ================================================ يا عين هلي نورة الهوشان ياعين هلي صافي الدمع هليه والى انتهى صافيه هاتي iiسريبه وياعين شوفي زرع خلك وراعيه شوفي معاويده وشوفي iiقليبه لو مرني بالدرب ما قدر أحاكيه مصيبة ياوي والله iiمصيبه اللي يبينا عيت النفس تبغيه واللي نبي عجز البخت لا يجيبه ================================================ الألــفـــيـــه أبن عمار الف اولف من كلام نظيفى ودموع عينى فوق خدى ذريفى من لامني فى حب ذاك iiالوليفى دقاق رمش العين سيد الخوندات خوندات ياللى مابعد عاشرنه قلة تراهن بالهوى يذبحنه قلبى وقلبك يالمولع خذنه عزيل من مثلى تعرض iiللافات الباء بليت بحب خلى على ماش ولا حصلى منه مايبرد iiالجاش غديت انا واياه طاسه iiومنقاش بالوصف كنه يالمعزى iiسلامات سلامات للي هم يذكرونه يبغى المعزه منه وهى المهونه يقول طيب مار غارت عيونه سبب ولدكم واحد صابه و مات التاء تبعت الزين والزين مقفي أمشي وحتفى شايله فوق iiكتفى لا شفت مجدول وكتف وردفي ما أقوى التفت لو طوحولى بالاصوات أصوات قالوا يا هبيل iiوسايح طرد المقفي يالشقاوى فضايح قلت ماطعت اشوارهم والنصايح مثل المطر فوق السحال المكفات الثاء ثمان حب رمان طايف أو قحويان فى رياض iiعطايف متنفل بالزين سيد العفايف عمهوجة فيها من الحور شارات شارات فيها من ظبي الحمادي هى لذة الدنيا وغاية مرادي من يوم قفى صويحبي من iiبلادي عليه جاوبت الحمامه بالاصوات الجيم جانى من عشيري كلامي ولا لقينا من يرد iiالسلامي علية زرع القلب هايف وظامي مالي جدى كود البكاء iiوالتنهات ابكي على ما فاتني من iiزمانى يوم الحبيب زارني فى iiمكانى وراى ما خذت القضا يوم جانى توى دريت البيض فيهن iiغرات الحاء حليه بالوطن iiمالقيته عدلت قلبي عنه ولا قويته لوه يذكر يم أمريكا نصيته أنصاه لو بيني وبينة مسافات مسافات فى وسط البحور الظلامي فى وسط مندوس حداه الولامي والى حصل لى بلوغ المرامي أصبر ولوهو فى بحور الظلامات الخاء خليلى صار منى قريبي جعلى نصيب له وهو من نصيبي ودي أواجه نور عيبنى حبيبي مار الوحيد اللي فيه iiنوهات مافيه نوهات ولو من غثاء iiالبال دب امشي طول النهار عمال iiبطال ولا استراح البال عن ذيك iiالاحوال دنياك هذى ياأريش العين iiنشبات والدال دامي ماقضبت الذوايب لوقيل لك طيب فلا نيب طايب دنوا استاد القبر ودنوا النصايب دنوا دوات الحبر نكتب سجلات سجلات أريد أكتب لخلي وصيه عمري غدى ياوجد أهلى عليه قولوا لصافى اللون يعطف عليه يكود يرجع ويتحسف بما iiفات الذال ذالى عنه مدة ليالى لو قيل لك طيب فانا ابخص بحالى والله مايطري على شف بالى الا انت ياراعي الثمان الرهيفات ارهيفات فيها للمشقا iiطرابه مجمول مدلول ولابة iiطنابه ياليت من يدخل معة فى ثيابه واسج أنا واياه بالعمر سجات الراء ردوف صويحبي iiثقلنه مثومنن ما احلى بياضه وفنه ونهود للثوب الحمر شلعنه والساق فيها مثل عرق الارطات ارطات غرمول ذرته الذواري والله يالولاى من الناس اداري لضوي عليها مثل ذيب iiالعذاري جايع وعياله بالمغابه iiمجيعات الزاء زمانى شفت منه iiالهوايل لعاد حظي بالغنادير مأيل وراي ما اترك كل قاصر وطايل مار العقل ياذيب هيهات هيهات هيهات لو ان العقل فية لبه ماكان يتبع واحد ما يحبه لصار هرجه لك خريط يدبه وش لك بشوفه بالعيون iiالمشقات السين سلمت الدراهم وعيا واللي نبي من صاحبي ما تهيا يقول والله لو تحب iiالثريا خذنى على السنه تشوف الطرابات طرابات ينسنك جميع iiالدروبي يكود فى باقى حياتك iiتتوبي اجعل مقرك بين جلدى iiوثوبي حتى تشوف البيض فيهن iiجنات الشين شاب الراس ياعذب الانياب واللي برجوى توبته ذاك قد تاب لي حاجةٍ يا زين بـس افتح الـبـاب يرحمني اللي عالـم بالخـفـيــات يرحمني اللي فيك يازين مفتون من حبك أسهر والخلايق ينامون الهيتنى عن مذهب اللى iiيصلون معاد أميز ولو قران iiالتحيات الصاد صيدى يوم الايم غريمى شفق على الحبه ولمس iiالبريمى مهوب صيدى قلة iiبالحريمى مار كل له من البيض iiمشهات مشهات فيك ياظبي الفريدى حب العرب ينفص وحبك iiيزيدى لشفتك ذاك هو يوم عيدى تصبح بساتين الضماير مريفات الضاد ضد حال بينى وبينه يقول هذا صانع iiلاتبينه عسى الولى يبلاه فى صبي عينه عساه يسهر من الليل ساعات ساعات يسهر مايدل الجداره ولا يعرف الليل هو من نهاره عساه يوم البعث يحشر حماره محمل من حمل الاسراف iiسيات الطاء طويت الياس والسد باحى معاد لى شف فظبى البياحى لعلها هفت خفوق iiالجناحى اللى اسبوقه فوق رجله مطوات امطوات طار فى يوم iiهبه راعيه لو رز اللوا iiماينبه شاف الحبارى رابضات بحبه يبغى العشاء من فخذ وتندات الظاء ظحانى يالمشقى iiبالاثنين لازم تخلى عشرته يامسيكين والى ابتغى بالمرابط حصانين يجى لهن هز ولز iiوصقلات صقلات يصقل كل ماجا طعامه يجرى لهن عن المعيشه بحامه افهم كلامى يالهبيل iiالعدامه الى جمعت الحصن فالحصن خطرات العين عن من ينقل الهرج حذراك تراك كنك شايل داك iiبرداك والى سمع له هرجة من حكاياك يحطها مثل القصور المبنات يبن عليهاكبر راس الغرابه ويكدر المشروب عقب iiالطرابه وهو يشابه بومة فى خرابه لا ناقل هرجه ولا كفو هرجات الغين غاب العقل باول iiشبابي وأدميت من تلعات الاركاب iiنابي واليوم شاب الراس والكيف طابي مانى عن الفايت كثير iiالحسوفات احسوفات لاتفرح على اللي يجى فيك ايضا ولا تندم على اللي عدى iiمنك مدراك لو هو واجب صدته عنك ناهيك والى العرش رب iiالسموات الفاء فؤادك لاتوليه حساد واحذر يجى لك مع هل الفى iiمقعاد اضحك وكنك عن جميع العرب صاد ثم اعتبر بالذيب يضوى بغارات يضوى بغارات وهم ما دروا iiبه واللي يوقف بالمحارى iiحكوبه كم واحد وقف ولا قضى iiنوبه يكسر الى شاف الطعم كنه حدات القاف قل للى يريد النواميس واللى شقا بالهوا يرخى iiالكيس والى جمعت النفس والفلس iiوابليس يطيح ناس يدعون الديانات طاحوا وصاروا للخلايق iiعلاجه يلقاهم راع الهوى قضى iiحاجه والى نثرت الحب جتك iiالدجاجه حارت وباضت لو تبى عشر iiبيضات الكاف كن السد فى كل iiالاحوال واحذر لسانك لايقولون ذا iiقال حتى تجي عند العرب خوش رجال لا صرت بالمجلس نواظرك iiصقلات صقلات لاتجلس مع اللى يشاكيك هو علتك ودواك هلى يشانيك ياذيب كان الله على الرشد هاديك أكتم كلامك بالضلوع المحنات اللام ليت العمر ينكس لحله قيمة ثلاثين السنه هى iiمحله الرجل قبل الشيب ياحلو دله وان لاح فيه الشيب مافية لذات مافية لذات ولا يقباونه لو حط له رده وكحل فى عيونه أهل الهوى عقب الغلا iiينكرونه لره مصافيهم فى فايت iiفات الميم ماغيري من الناس جرب وما غيري أحد فى حياته تطرب لاويت صافى اللون فوق iiالمضرب كن العدو عينى عيونه iiمداوات امداوات جعله ما يجى لى iiعباره واللي يصد عنك وش لك iiبكاره الحذر ما ياطا بوسط الحباره لازم يجى فيها عفاريت iiحيات النون نام الحظ ولا فيه iiحيله عيا يبارينى وانا أزريت iiأشيله من يوم خلانى عريض iiالجديله دليت أكسر فى حشا الصدر iiعبرات عبرات اكسرها بداخل اضلوعى عليك ياخلى حسين الطبوعى دين القطع ما قط جفت دموعى دايم عيونىفى مهاواك iiسهرات الواو ويل أهل الهوى من iiهواهم وان كان هلى سم حالى iiوطاهم كم ليلة يصبح جفيف عشاهم الا لقيمات مع الحلق iiمرات مرات لين أقضي من الترف iiشفى ووسده عضدى وزندى وكتفى وأكشف على اللى وارم ومتخفى حتى يجى للاكل والشرب لذات الهاء هواى الخافيه يا فطينى والعاشره ياللى تعرف iiالرطينى كلامى ما ودى بعد يبينى وقولى محمود وما يجى فيه نيات نيات مات القلب من كثر همى واشكى عليك الحال ياولد عمى حيثك سنادى وانت لحمى ودمى ترضاه يجفانى ولا نيب iiمجفات الى حلف حبه صلف ومراقده كلف لو هو يتمم مطلبي كان اقول iiالف حيثه يقرر لى على الحب بالعرف والا فغيره لو يبى عشر بيزات بيزات تبغا ونفلها iiللفراش راسه مثل الظبي مابه عراش الا النادى ذاك لاهن على ماش هذاك من له فلوسي رخيصات ================================================ يا ما حلا الفنجال راكان بن حثلين يا مـا حلا الفنجـال مـع سيحة iiالبـال فــي مـجلسن ما فيــه نفسه iiثقيـله هـذا ولــد عـم وهـــذا ولـد خال وهذا رفيق مـا لـقـيـنـا iiمـثـيلـه يـا لـيـت رجـال يـبـدل iiبـرجــال ويا ليت فـي بــدلا الـرياجيل حليه يـا بـو هـــلا طير الهوى خبث البال الطـيـر نـزر والـحـبــارى iiقـليله يـا الله يـا الـلي طـالبه مـا بـعد فال يا اللي مــن الضـيـفـات نجى دخيله أفــرج لـمـن قـلبه غـدا فيه iiولوال والنوم ما جـــــا عـيـنه الا قليله لا مـن ذكـرت ارموس عصر لنا زال شـوف الـفياض وفقد عـــز iiالقبيله يـا زيـن شدتهـم آليـا روح iiالـمـال يتلـون بـراق حــقــوق iiمـخيلـه يســقـى خصيـفا والثمان أرضها سال مـرتـع معطره السيــــوف الصقيله عـجـمـان لا ركـبـوا على كل شملال يفرح بهم راعـــى الـنـياق الهزيله مـن جــو سـاقـان إلى السيف iiهمال وينوش حسنــــا والـرديـفة iiهميله ولا قــادنـا مـن يـمـه الـقفر خيال يـصـبح شديد البدو عــــجل iiرحيله قــاد السـلـف واستجنبوا كل iiمشوال والعصر يا محـلا تخيبـط iiنـزيــلـه وإن شرف البادي عـلى روس الأقـذال والـمـا كـثـر الـــزول زود جفيله تـلافـحـت مـا بينــا شهـب الاذيال ومن ضيع الـــمفتاح يـا عـزتى لـه ركـبـوا على طوعاتهم كــل عيــال وكل لبلج يحـرى بـكــــسب النفيله تـغانـموا المـفزاع ذربيـن iiالافعــال مـن قبـل تسبق غارة تنثنـــى لـه يبغون طوعـه روسـهن قبل الادمــال وتـغانمـوا خلف كــثـير هـجيلــه وحال الكمى مــن دون عطرات الاجهال ومروا ولحقوا مقحــمين الدبيلــــه واللــى تريض عقبهم يلبـس الشــال من صنــع داود دروع iiثقيــلــــه يلزم عليهم علة عـقب iiالانـهــــال ومن غارته لـزم يـضيع دليـــلــه والدم مـن قحص الرمـك يثعل iiاثعــال يزعج عــلى وروك السبايـا iiوشيــله هـذى براعيها مـن المعرقه مـــاله وهـذى شكـلها مطرق مــا iiتشيــله من وقـع كـل مجرب قدله افـعـــال وفـروخ صـاد الحبارى iiفـصيــــله ولـيـا ركبنا فوق عـجــلات الازوال وبايمنـا حـدب السيوف الصقيلــــه ومـا حـن نحسب لا شتـبك عج iiواكتال وتـرك صـبى يفتنع iiبالفــشيــلــه وصلاة ربي عـد مـا زايـــــل iiزال على نبى الحـق راعـى iiالفــضيــله ================================================ التـوبـــــة محمد الــعــونــــي يالله يا والي على كل iiوالــــي ياخير من يدعى لكشف الجليلـــه المالك المعبود محصي iiالرمالــي الكون والدنيا وما به فهي iiلــــه ما كان له أول وما كان تالـــي ملكه يدبر به على ما يبي iiلــــه يقضي ويمضي قادرٍ ما iiيبالــي والخلق ما تفعل بلا امره فعيلــه ماله شريك جل فوق متعالــي علمه أحاط بدقها والجليـــــه أشهد فلا غيره آله ولا لــــي ربٍ سواه أخشاه وأرجي iiالنيلــه ياواحدٍ فوق السموات iiعالـــي من سطوته كل الخلايق ذليلـــه يا فارج الشدة بضيق iiالحوالـي افرج لعبدك يامنجي iiخليلــــه وانظر بعينك يا آلهي iiالحالـي فردٍ غريبٍ والمصاغي iiقليلـــه وحيد مالي غير ظلك أظلالـــي ذليل مالي غير عزك وسيلـــه ياراحم ارحم شيبتي وانخذالـــي ياجابر اجبر عثرتي iiوالفشيلـــه والطف وناظر ياالولي في سوالـي لا تواخذان فيما مضى من فعيلـه لا إخوان لا عمان لا من خوالـي ولا من صديقٍ بالوزى نشتكي لـه لو كان ما يجلي سوى الله جالـي ماشفت عبدٍ هرجته لي iiجميلــه تقطعت وذم العرى والمدالـــي من جملة الخلان iiوالمستخيلــه قضيت من المخلوق ماحدٍ بقالي إلا أنت ياللي ما يخلي عميلــه عادوني كل الناس شرق وشمالـي ولا بقى غيرك ذراً نلتجي iiلــه شافوني مذلولٍ وحيدٍ وخالــي ولا لي من الفزعات مومـي iiشليله وأنا بعون الله امتانٍ احبالــي متجودٍ بحبال منشي المخيلـــه لو كان كلٍ له صديقٍ أموالـــي أخوال واقرابٍ ولحدٍ قبيلــــه أنا لي اللي زابنه ما iiيسالــــي جزل العطا مبري الجسوم iiالعليله إلى دعوا حيانهم فز iiبالــــي رفعت طرفي له وقمت أشتكي له واللي تنادوا بينهم iiللنوالـــــي ناديت بإسمك يامنشي المخيلـه من لاذ بك ما صار بالضيق تالـي يصير الأول لو اعظامه هزيله أنا دخيلك يا عزيز الجلالــــي حاشا كرم جودك يضيع عميلـه تبريت من غيرك بحالي ومالــي وزبنت أنا بحماك عن كل ميلـه من شر خلقك لايذٍ بك ومالـــي غيرك ملاذٍ شامخٍ ينعني لــه يارب مالي غير جدواك iiوإلـــي وإن كان خليتن فلا لي iiعقيلـــه ياعالمٍ با المخطيه iiوالعدالـــــي تشوف مالي غير عدلك iiوسيلـــه فلا تؤاخذني بماضي أفعالـــي يا ساتر العورات مضفي الجميلـه لو كان ذنبي راجحٍ iiبالجبالــــي عفوك عظيم ليس ذنبي عديلـــه أطلبك تقبل توبتي عن خمالـــي وأطلبك عني كل كربٍ iiتزيلـــه وأطلبك تغفر لي وتصلح أعمالــي يا مزبن الخايف إلى باد iiحَيلـــه مولاي لا ملجأ ولا ملتجأ iiلــــي إلا أنت ياللي ما يضيع iiنزيلـــه يا فزعة المضيوم منشي iiالخيالــي يا فارج الشدات لوهي iiثقيلــــه أفرج لمن بالحبس دونه iiأرجالــي ابواب واقفال حصونٍ iiثقيلــــه في وسط دبابٍ وحيدٍ الحالــــي أظلم ولا أدري وش نهاره وليلـه متروك مالي من يرد iiالمقالـــي لا أحد يبي قولي ولا أحد iiيشيلــه ولا أحد غيرك عليه اتكالــــي إلا أنت يامنجي دريك iiالدبيلـــه ما دام تنظرني وتسمع مقالـــي ما خاب عبدٍ يدري أنك iiوكيلــه يا سامعٍ بالليل حس iiالنمالــــي وصوت يونس في البحور iiالطويله دعاء وضرب الموج مثل الجبالـي فوقه أجيبت دعوته وتهليلـــه يا مصرف الأيام هي والليالـــي في قولته كن يجري القلم iiبتعديله أدعوك بأسماك العظام iiالجزالــي وبحق ما خصت لك من iiفضيله وبحق عظمة قدرتك iiوالجلالــي وبحق نورك والأفعال iiالجميلــه وبحق ما نزلت أول وتالـــــي تجيرني من شر خلقك iiطويلـه وتزيل كرباتٍ علينا اثقالـــــي تغطلست مالي سوى الله iiدليلــه أمن على قلبٍ يجول iiاجتوالـــي يامسكن الروعات سكن iiجفيلـه اسرع علينا يا قريب النوالــــي لا تجعل الشده علينا iiطويلـــه يا فارج الكربه بضيق iiالحوالـــي أومر لعبـدك بالفرج واتعجيلــه واجل الأمور المعظله والجلالـــي عن كل عبدٍ مسلمٍ يندعي لــه صلاة ربي عد رمل iiالسهالــــي على نبيٍ وضح الله دليلــــه صفوة قريش اللي مشى بالعدالـــي نبينا المعصوم عن كل ميلـــه تمت وفرجها عزيز iiالجلالـــــي فرحت بالطارش وقمت ادعي له ================================================ قالوا علامك محمد الأحمد السديري قالوا عــلامك باكي قـــلت iiمطعون شـوفـو نزيف الـدم مني تتالا قالوا من اللي صوبك قالت عافـون قـالوعــدوك قالت يانـاس iiلالا هذا الحبيب الي له القلب مرهـون هـذا حياة الروح بدر iiالكمالا يا عـــاذلين القلب لا لا تــعذلـون وحــياة رب فـوق عـرشه تعالا اني فـــلا انسى واحــد فيه مفتون بيني وبينه نازح البعد حـالا فتـــان صاب القلب كـون بثر iiكون مملوح اخذ كل البها iiوالجمالا كنه الى حــرك قـوامه على الهون غصــن الى هب الهوا فيه iiمالا قـــلبي لقلبه لو تنحيت iiمرهــون غـــيره حرام ونور عيني حلالا ================================================ وصية الشريف لابنه بركات الشريف يامرقب بالصبح نطيت iiراقيك ما واحد قبلى خبرته تعــلاك وليت ياذا الدهر ما أكثر iiبلاويك الله يزودنــا السلامه من اتلاك يللى على العربان عمت شكاويك وليت يا دهر الشقا ول مقواك ولا يوم ها الكانون غاد iiشبـابيك تلعب به الأرياح من كل iiشبـاك يا مالك اسمع جابتى يوم أوصيك واعرف ترى يابوك بآمرك iiوانهاك وصية من والد طــــامع فيك تسبق على الساقه لسانه iiلعلياك أوصيك بالتقوى عسى الله يهديك لهـــا وتدركها بتوفيق مولاك الله بحق أجــدادك الغر iiيعطيك مرضاته مع ما تمنيته أمنــاك احفظ دبشك اللى عن الناس iiمغنيك اللى إليا بأن الخلل فيك يرفـاك واعرف ترى مكه ولاها iiبناخيـك لو تشحذه خمسة ملاليم iiمعطاك اجعل دروب المرجلة من iiمعانيك واحذر تميل عن درجها iiبمرقاك لاتنسدح عنها وتبغينى iiأعطيك جميع ما يكفيك ما حاصل ذاك أدب ولدك إن كان تبغيه يشفيك واستسعفه من بعد مرباه بالاك اما سمج واستسمجك عند iiشانيك ويفر من فعله صديقك وشرواك وإلا بعد جهله ترى هو iiبياذيــك لو زعلت أمه لا تخليه يــالاك واحذر تضيع كل من هو ذخر iiفيك معروفه لاتنساه وأوفه iiبعـرفاك ترى الصنايع بين الأجواد تشريك اليا طمعت بغرسهــا لا iiتعداك واحذر سرور بغبة البحر يرميك ولاعنده أفلس من تشكيك وأبكاك واوف الرجال احقوقها قبل تاتيك لا توفيه بالقول فالحق iiيقفــاك وهرج النميمة والقفا لا يجى فيك وإياك عرض الغافل إياى وإياك تبدى حديث للمــلا فيه iiتشكيك وتهيم عند الناس بالكذب iiواشراك واليا نويت احذر تعلم iiبطــاريك كم واحد تبغى به العرف وأغواك واحذر شماتت صاحب لك iiمصافيك واليا جرى لك جارى قال لـولاك ولا تحسبن الله قطـــوع iiيخليك ولاتفرح أن الله على الخلق iiبداك الضيف قدم له من حين iiيلفيــك مما تطوله يا فتى الجود iiيمنــاك أكرم اقباله فإنها من شواديـــك وابذل له المجهود مــادام iiيعناك احذر تلقى الضيف مرقن iiعلابيك خله محب لك صديق إذا جــاك وأوصيك زلات الصديق إن عثا iiفيك مازال يغطاهـا الشعر فاحتمل iiذاك راعه ولو ما شفت انه iiيراعيــك عساك تكسر نيته عن iiمعـــاداك واحذر عدوك لو ظهر بى iiيصافيك خلك نبيه وراقبه وين ما iiجـــاك لاتأمنه واطلب من الله ينجيـــك ويكفيك ربك شـــر ذولا وذولاك شفنى أنا يــا أبوك بآمرك iiوانهيك عن التعرض بين الاثنين iiحــذراك إذا حضرت أطلابه مع iiشرابيك اسع لهم بالصلح واللاش iiيفداك ابذل لهم بالـطيب ربك ينجيك ولاتجضع الميزان مع ذا ولاذاك أما الشهادة فأدها إن دعوا iiفيـك بين عمود الدين لاعميت iiأريـاك بالك تماشى واحد لك يرديــك طالع بنى جنسك وفكر بممشاك رابع أصيل فى زمانك يشـاكيك لا شاف خملاتك عن الناس iiغطاك وأحذرك عن طرد المقفى iiحذاريك عليك بالمقبــل وترك إللى iiتعداك ثم العن الشيطان لياَّه يغويـــك ترى إن تبعته للشرابيــك iiوداك ووصيك لاتشكى علينا iiبلاويــك أنت السبب طرفك عيونك بيمناك واعرف ترى إلى واطي الفهر واطيك ولا أنت أعز من الجماعة iiهذولاك المسك يا راسى عن الذل واخطيك واحذر تكلم يا لســـانى iiحذراك والطف بجارك وقم من دون عانيك وافطن لما يعنيك عن ربعة أحواك يا ذيب وإن جتك الغنم فى مفاليك فاكمن الين إن الرعـــايا تعداك من أول يا ذيب تفرس iiبيــاديك واليوم جـا ذيب عن الفرس عداك يا ذيب عـاهدنى وأعاهدك iiمرميك مرميك أنا يا ذيب لو زان iiمرماك والنفس خالف رأيها قبل iiترميــك ترى لها الشيطان يرمى iiبالإهلاك ومن بعد ذا لا تصحب النذل iiيعديك وعن صبحة الأنذال حاشاك حاشاك ترى العشير النذل يخلف طواريك وأنا أرجى أنك ما تجى دون أباك والهفوة إنك ما تجى دون أهاليك ولاظن عود الورد يثمر بتبنـاك والحر مثلك يستحي يصحب iiالديك وأن صاحبه عاعا معاعات iiالأدياك لا تستمع قول الطرف يوم iiيلفيك بالكذب يقضى حاجته كل ما iiجاك من نم لك نم بـك ولا فيه iiتشكيك وأيلاه قد أزرا رفيقــك وأزراك عندك حكا فينا وعندي حكى iiفيك وأصبحت كارهنا وحنا iiكرهناك ما اخطاك ما صابك ولو كان راميك وإلي يصيبك لو تتقيت ما iiأخطاك مير استمع منى عسى الله iiيهديك النصح يـا مالك لك الله iiلمولاك عندى مظنة مـا تمثلها iiفيك واطلب لك التوفيق من عند مولاك ================================================ يالادمي دنياك محمد الأحمد السديري يالله انا من جود حسناك طـالبك عــــفوك ومدك حيث منت iiبخيلى يالادمـي دنياك هـــــذي تـعذبك لوطــفت فيها مالقيت الدليلى كل على مذهــــب امامه iiيخاطـبك يبيك من زايــد ذنـوبه iiتشيلى واليا عصيت اهل المذاهب iiتعاتبك كـل يقـول ابيــك يمـي تجيلي ولو انتحيت بعيد بالســـؤتطلبك وكــل بصاعـه من ذنوبه iiيكيلي احــد يصحـــح لك حديثه ويرهبك واحــد يقول الحق عندي نزيلي واحــد يخيفيك في كلامــه ويدبك وابليس يضحك له وهـو iiمستشيلي الناس عــوجــان المناطق تكذبك وعن الصحيح الكذب معهم بديلي ان مارضـــيت بقولهم نتف iiشاربك وتكبر ذنـــوبك لوغناك iiتهليلي ناس عــلى درب الفضيله تحـاربك وعلى دروب الشــر تهذل هذيلى ودروبهم عســـرات عــوج وتتعبك ما تســـتوي لك لا ولا تستويلي ينبيك عن دنياك ماضي تجـــاربك وعــزي لحالك كان عرفك قليلى اتبع نبيك واتـــرك اللي iiمجنبك واقضب مماشـــى سنته لا iiتعيلى اللــي بغار الثور للرشد iiيندبك وابوبكر عــنده نديـم وخليلى نصايحه للرشـــد حــذرا iiتغايبك هــرجه صـحيح وكل فعله جميلي ســـنة نبيـــك للفضيله تقـربك المصطفى ماله شـــبيه وعديلي واحــذرك عـن نقالة السو تقربك ومن يتبع العايل لـزوم iiيعيلى لوانت ما تغضب ترى الناس تغضبك وعـقب المعزه يجعلوانك iiذليلى وتــرى ردي العرق للعيب يجـذبك وتصير بدروب الـردا له عميلي وبنت الردي حذراك حـذراك تعجبك واحــذر تصير لمثل هذي iiحليلى وعـن ما يعيب النسل عرب مناسبك وعليك في بنت الحصـان iiالاصيلي يجـي ولدهــا فارق عن قــرايبك ويقف في وجـه الخصيم iiالقبيلي ان كبرت القالات بالفعل يعجــبك ويبرد هـمومك كان قلبك iiغليلي مثل القطامي في هـــداده iiيشببك والــدم من مخــلاب كفه يسيلي ليا صارما صلبين الارياء مكاسبك تـراك بين الناس تبقى هـزيلي وترى دروب الخبث يالعبد تذهـبك ويفــوت عمـرك ما تحصل iiحصيلي احــذر يابن حــوا تطمن لحاجبك الا لــرب للخــلايــق يــزيلي الي بعفوه عن عــذابه يرغـــبك وعينه لكل الخلق دايـم iiتخيلى في لوحه المحفوظ يا لعبد مذهبك نــزل بحــق وكل ما به فضيلى ومعاشر الخايب مع الناس يذربـك وتصبح قليل الميز عقلك هبيلى ومعاشـر الطيب على الطيب يجلبك ويـرقـــيك للعليا بظل iiظليلي لا تقرب الأجــرب بالامراض iiيعطـبك يصـــير جسمك مثل جسمه iiعليلي ممشا الخفامن صافي العقل iiيسلبك ويصير لك يــم الرذيله iiسبيلي وعـن مارد الانـذال نزه iiمشـاربك واشــرب نظـيف لوورادك طويلي ولياك تنسى يابن الأ جواد iiواجبك والي يـروم المجد حمله iiثقيلي يا لادمــي وان كان كبرت iiمصايبك ازبن على محي ا لبلاد iiالمحيلى ازبن على رب بعرشــه iiيراقـــبك وناجه وبعد العسـر يره جليلي ناجــه ولاجـل ارضاه وجه iiركايبك وخــلك لعلام الســـرايردخيلي هــو الذي ينجيك من كود iiصـايبك ويذريك من كربات هــول مهيلي يا لعــبد مكن عــند ربك iiمقضبك وفــكر وقـــدر وانتبه iiلاتميلي ولحـــد من الخلاق يالعبد حاجـبك هــو الذي مـده وعـفوه جزيلى وهــو الذي في ما فعلته iiيحسابك وهـو الذي بارزاق عبده iiكفيلى ================================================ ما نيب مرجوج بندر بن سرور ياسهيف الذرعان مانيب مرجوج رجتنى الدنيا بغدر iiوحيله يابنت لولا اللى على تاسع الفوج تركت نجد وعزوة iiبالقبيله لا شك حادينى على نجد iiهيدوج مسقى الفيافى لين يدرج iiمسيله تركى ليا من البلاوى غدن عوج حملة عتيبه كلها ما تشيله يرسى كما مينا البواخر على الموج ومنين ما صك البحر ترتكى iiله مادام تركى حى ماودى ادوج وان غاب غبت من الرجوم iiالطويله ================================================ البارحة يوم الخلايق نياما نمر بن عدوان البارحة يوم الخلايق iiنياما بيحت من كثر البكا كل مكنون قمت اتوجد وانثر الماء على iiما من موق عين دمعها كان iiمخزون ولي ونة من سمعها مايناما كني صويب بين الأضلاع مطعون وإلا كما ونة كسير السلاما خلوه ربعه للمعادين iiمديون في ساعة قل الرجا والمحاما في ما يطالع يومهم عنه يقفون وإلا كما ونة راعبية iiحماما غاد ذكرها والقوانيص iiيرمون تسمع لها بين الجرايد حطاما من نوحها تدعي المواليف iiيبكون وإلا خلوج سايبه iiللهياما على حوار ضايع في ضحى الكون وإلا حوار نشقوله iiشماما وهي تطالع يوم جروه iiبعيون يردون مثله والظوامي iiسياما ترزموا معها وقاموا يحنون وإلا رضيع جرعوه الفطاما توفت امه قبل اربعينه يتمون عليك يا شارب لكاس الحماما صرف بتقدير من الله مأذون جاه القضاء من بعد شهر الصياما صافي الجبين بثاني العيد iiمدفون كسوه من بيض الخرق ثوب خاما وقاموا عليه من الترايب iiيهلون راحوا بها حروة صلاة iiالاماما عند الدفن قاموا لها الله يدعون برضاه والجنه وحسن iiالختام ودموع عيني فوق خدي iiيهلون حطوه في قبر غطاه iiالهداما في مهمة من عرب الامات مسكون يا حفرة يسقي ثراك iiالغماما مزن من الرحمة عليها يصبون جعل البختري والنفل والخزاما ينبت على قبر به العذب مدفون مرحوم يالي ما مشي iiبالملاما جيران بيته راح ما منه iiيشكون يا وسع عذري وأن هجرت iiالمناما ورافقت من عقب العقل كل مجنون أخذت أنا وياه سبعة iiاعواما مع مثلهن في كيف مالها لون والله كنة يا عرب صرف iiعاما يا عونة الله صرف الأيام وشلون وأكبر اهمومي من بزور يتاما وإن شفتهم قدام وجهي يصيحون وأن قلت لا تبكون قالوا iiعلاما نبكي ويبكي مثلنا كل محزون لاقلت وش تبكون ؟ قالو iiيتاما قلت اليتيم اياي وانتم تسجون قمت اتشكا عند ربع اعدامــا وجوني على فرقا خليلي يعزون قالوا تزوج وانس لامه بلاما ترى العذارى عن بعضهم يسلون قلت إنها لي وفقت بالولاما ولو جمعتم نصفهن ما iiيسدون ما ظنتي تلقون مثله iiحراما ايضا ولا فيهن على السر iiمامون وأخاف أنا من غاديات الذماما اللي على ضيم الدهر ما iiيتاقون أو خبلة ما عقلها بالتماما تضحك وهي تلذغ على الكبد iiبالهون توذي عيالي بالنهر iiوالكلاما وانا تجرعني من المــــر بصحون والله لولا هالصغار اليتاما وخايف عليهم من الدجه يضيعون لقول كل البيض عقبة حراما واصبر كما يصبر على الحبس مسجون عليه مني كل يوم iiسلاما عدة حجيج البيت واللي يطوفون وصلوا على سيد جميع iiالاناما على النبي يللى حضرتوا تصلون ================================================ بعض العلاقات حمد السعيد بعض العلاقات ما منها ابد فكه يا شينها كان جبتها لك القدره لاجاك دمه ثقيل ومنطقه سكه يضيق صدرك وهو مستاسع صدره لاصرت ضيق الصدر بالي معك صكه لاتجامل الي غييث وشفته ودره زك الخوي من قبل لا تعاشره زكه ترى خوي النشاما صابته ندره وقت الشدايد اذا بتجربه ضكه يمد شوفه وتلقى فزعته حدره الاجودي اجودي ما تلحقه شكه وفرخ النخل ما يجي في قاعدة سدره من رافق اجرب تبي تبدابه الحكه والطير سلم عليه ان صابته جدره باب يجيب الهواء ان طعتني صكه ارقى الرفاع وتجنب كل من حدره ما يبخص شعاب مكه الا اهل مكه الصاحب انشد وتلقى عندهم قدره ================================================ ماهو بكيفك حمد السعيد ماهو بكيفك تواصلني تقطعني اما غلا بين او فضها سيره ياشين لاجيت تقطع لاتوادعني ليتك تحس الوداع شلون تأثيره ياماخذ الحب قل فيني وسمعني حب على كبر صعب ابدل بغيره أبحتفظ فيك وادري مانت نافعني يمكن مع الوقت اقول محبتك خيره والله تدري وش اللي معك دافعني اني معاك انت امارس آخر الغيره واحب فيك البرود اللي يقاطعني لو ماتكلمت صمتك صعب تفسيره ياللي عليك البشر شفها تقاطعني منين ماوجه الهقوات لك سيره ياشينها من الخوي قول اتركه طعني ماغير شره ولا انت بشايفن خيره ياشينها منك لاجيتك توزعني في عذرك اللي على هالظرف تجييره شف كبر صبر البشر ماعاد ياسعني واكبر هموم العباد اشوفها صغيره وش جاك مني خطا يومك تبيعني في سوق ذقها عليك اسوقها جيره انا اذكر انك الا من قلت دلعني القلب هانت علشانك مشاويره يامشغل القلب بين تحبني و يعني شفني عليك احترق ياسيدي حيره مرات اقول اتركك لاشك يمنعني شي يقول أعذره واقبل معاذيره قلت احتفظ فيك وادري مانت نافعني يمكن مع الوقت اقول محبتك خيره ================================================ والله انى كنت ألوم اللى يضيق أن غاب خله .. حمد السعيد والله انى كنت ألوم اللى يضيق أن غاب خله لين جربت المحبه والفراق وقلت توبه لعنبو جد المفارق فيه هم وفيه ذله أثر كل الحب لذه والفراق أكبر عيوبه امس فارقت الغلا ومفارق الخلان عله والعلاج الوصل لا تبلش طبيب ولا حبوبه الزعل هو سبه الفرقا يهز الحب كله ليتنى طولت بالى قبل لا يعلن غروبه وآهني اللى وسيع الصدر.. صدره وسع فله غلطه الصاحب تجى وتروح ماهى بمحسوبه عارفً قدره.. وقدر اللى يحبه فى محله ذاك نفسه لا حشا ماهى على الحب مغصوبه ليش تحسب غلطه الصاحب على الصاحب مذله ليش ماتحسب ميانه لو تجى عشرين نوبه لا وربى.. كنت أحبه حيل مادورت زله لا تشكك فى غلاه ولا تساعد فى هروبه لايمى قبلك تعبت ألوم شعار المجله وكنت مؤمن فى مقوله اعذب الشعر الكذوبه وأثر كلن فى حياته له تجارب مستقله وانت لا تشره على مثلى وتبلا لك بحوبه كان جابتك.. الحميه روح له تكفى وقله لا يخلينى واذا وده يخفف من ذنوبه يستخير وله غلا قلب صدوق مايمله فدوة له كل قلبي من شماله لى جنوبه يوم قفى والخفوق يفوح عقبه فوح دله وسط وقدرة واحد عز الشتاء والسهر دوبه لا تقهوى بارده من برد فنجاله وزله ثم قربها على جال الجمر وأرهى شبوبه وين يدله هالخفوق وكل مايدله يتله طاري اللى ياكثر ماأتعبت رجلى فى دروبه لا طرى جريت ونه من بلاده مستحله مثل ماراحت بلادى مع شعارات العروبه كل هاجوس يجيبه جعل شعرى فدوة له وأعذابى كل ماجبت لى الجبله هبوبه مشغلن قلبي يحبه دون خلق الله من الله هيه ياللى ممتلكنى حسن وأسلوب وعذوبه ماسمعت ان الخوي له بالخوي تسعين زله وانت طوف زلتى ياعل تفداك اللعوبه صاحبي سيف الهجر لا صرت تقدر لا تسله ماتظن ان العفو عند المقدره اكبر عقوبه ايه انا اللى كنت ألوم اللى يضيق ان غاب خله لين جربت المحبه والفراق وقلت توبه ================================================ يا الهموم اللي علي اثقل من هموم الركايب حمد السعيد يا الهموم اللي علي اثقل من هموم الركايب ساعد الله قلبي الي مرتكي لحمول همي يا الظروف الي علي وين ما وجه صعايب ياكثر ما مسحت الدمع منها براس كمي يا الجروح الي يجي هذا وذاك العام طايب كل ما هبت ظروف الوقت شمي وستشمي من عرفت العلم والضحكات ننهبها نهايب لا تقافلنا الزمن قمنا علىت الضحكه نسمي وان ضحك وجه الزمن تقلى مثل شرواي هايب اي اهابك يا زمن وان سقت ضحكاتك يمي منك وانا وان زنت بعيوني يا بو وحهين تايب ادري انك لا ضحكت القاك طاعن ولد عمي تشتكي من سطوتك وتقول من شقر الذوايب وكل جرح يهون غير جروحك مات دمي بس تنزفنا هموم ونضحك بوجه القرايب ومن نشدني مالي الا بخير وهمومي بدمي وانت يالي منك ثلثين الخفوق اصبح خرايب دام بعثرني زمان الذل ما يغيرك لمي لمني تكفى ترى ما عاد فيني لمصايب يا خلف جدي وناس والا يا ريحته امي لا تخليني وانا شفني شباب براس شايب كان انت اقفيت مع هالناس محدن لديمي مثل مال للهم سبة للفرح تبقى سبايب انت يا فرحه ويا ضحكة ويا مدري شسمي انت اخر ما بقى للي في الحياة من الحبايب في زمان ما نشد والله عن مدحي وذمي الزمن كم واحدن قبلي موريه العجايب والمصبيه كانك اللي مع زماني صرت همي ================================================ مات الجمر فيني وقلوب الاحباب حيه حمد السعيد مات الجمر فيني وقلوب الاحباب حيه والموت لا ماتت قلوب الحبايب يا شيشتي لو فيك ذنب وخطيه معاك احس اني عن الناس غايب العام كانوا لي من الاصحاب ميه وقت الرخا لكن جفوا بالنوايب لا هنت يا قلب شكا من خويه كم راس من طعنات الاصحاب شايب مرات اقول ان الخبل يا هنيه ولقيتهم يشكون ظلم القرايب ومرات اقول النذل لا رحم حيه واثر النذل في بعض الاوقات صايب يا نفس شيليها على السامريه شيلت طرب ما عاد فيها طلايب وش لي بتنيهه القلوب العميه وحنا في هالدنيا دروب وركايب ابتغزل في هذيك البنيه بنت تفل القلب فل الذوايب كم بعثرتني وجمعتني هنيه بنفس المكان اللي جمعنا غرايب يا ضعفها معهم وعندي قويه منها غدى ثلثين قلبي خرايب مرباعها بين العيون الشقيه ومقيضها بين الجروح العطايب ما قول يذبح زينها بس هيه تلفت لها قلب عن الحب تايب ولا قول مغروره ولا هي خليه فيها دلع طفل تبناه شايب جمال نجد وفتنة حايليه وش جمع الثنتين فيها عجايب اليا قبلت بين حسنات وسيه يا كثر ذنبي بين طيب وغصايب وليا دبرت في دمعتين نديه قلب معاها وقلب في الصدر ذايب راح العمر ما بين روحه وجيه يا كثر غلطاتي ولا نيب هايب شب الجمر ما دام الاشواق حيه وطف العتب والعمر ضحك ومصايب ================================================ 
|
 |
 |
 |
|
|
|
|
|
31-10-2008, 08:36 AM
|
#2 |
|
قلم مميز 
 |
رد: أشعــــار..
الله عليك الله ..
أطربتنا بإختيارك الرفيع .. مبدع أخوي البدااادي حتى بإختيارك .. لاجديد سوا كلمة شكر من الأعماق .. |
|
|
|
|
|
|
|
|
|
|
|
31-10-2008, 04:44 PM
|
#3 |
|
رد: أشعــــار..
يقطـعـك دنـيـا مـا لـهـا أول iiوتالى
لـو اضـحكـت تبكى وتوريك iiالاتعــاس ابوحسن يعطيك العافيه |
|
|
|
|
|
|
|
|
|
|
|
|
31-10-2008, 04:46 PM
|
#4 |
|
|
رد: أشعــــار..
لا خـاب ظـنـى بالرفيــــج الموالى
مـالك مشـاريـه عـــلى باقي الناس |
|
|
|
|
|
|
|
|
|
|
|
|
01-11-2008, 06:47 PM
|
#5 | ||||||||||||
|
رد: أشعــــار..
الله يعطيك العافية ومشكور.. |
||||||||||||
|
|
|
|
|
|
|
|
|
|
|
|
01-11-2008, 06:48 PM
|
#6 | ||||||||||||
|
|
رد: أشعــــار..
يعطيك العافية وعساك ياسر إن شاء الله.. |
||||||||||||
|
|
|
|
|
|
|
|
|
|
|
|
01-11-2008, 06:50 PM
|
#7 | ||||||||||||
|
|
رد: أشعــــار..
يعطيك العافية وأنت شكلك تسمع محمد عبدة كثير.. |
||||||||||||
|
|
|
|
|
|
|
|
|
|
|
|
01-11-2008, 10:43 PM
|
#8 | |||||||||||
|
|
رد: أشعــــار..
من اجمل القصائد للامير محمد السديري الف شكر اخوي البدادي على القصائد المختارة |
|||||||||||
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
