|
|
|
|
|
 |
 |
 |
|
#1
24-01-2009, 01:11 AM
|
||||
|
||||
الألفيه
السلام عليكم ورحمة الله وبركاته ..
صبحكم الله بالخير هذي قصيده اتمني ان تنال على رضاكم وإستحسانكم [poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"] ألفن أببدى بسم ربي قصيده = ياجعلها بين القصايد فريده = تنفع مدونها وترفع رصيده = يوم القيامه يوم تفريق الأوزان = والباء بعد ماشفت حالي وحالك = ياللي طريق الخير ماهو قبالك = أدركت بإني هالكن وأنت هالك = لاصار مانبني على الحق بنيان = والتاء ترى درب الهداية على طول = مفتوح للي يحسن الفعل والقول = اللي فوأده صار بالخير مشغول = تايب بعد ماكان فالدرب غلطان = والثاء ثقيل الحمل لكن يشيله = منهو درى بعقاب ربي وويله = واللي حسب دنياه يومن وليله = واللي تحزم بالتوكل والإيمان = والجيم جيت أعلم اللي سواتي = أحزنه كثر الذنب والمعصياتي = يبدل فعول الشر بالطيباتي = من قبل مايصبح على الوقت ندمان = والحاء حذاري صحبتن ماتفيدك = على فعول الشر ترفع رصيدك = ماهمها غير المعاصي تزيدك = حذراك تخدعك المظاهر والأعيان = والخاء خيال الفكر لا لا يوديك = في درب فيه الوهم لازم يعنيك = خل القناعه رأس مالك تخليك = عايش حياتك في سعاده ورضوان = والداء دليلك للحياة السعيدة = طاعة إلهك فالرخاء والشديدة = رب السماء والأرض رازق عبيدة = محصي جميع أعمالنا دون نسيان = والذاء ذليل اللي تخلى عن الدين = مادام ماهو في صفوف المصلين = ماهو عزيزن لو رصيده ملايين = العز في دينن بقى بين الأديان = والراء رجيت اللي عليه إتكالي = إنه يخليني من أهل المعالي = يوم الحقيقه ماعليها جدالي = من جاه بإحسانن تجازى بالأحسان = والزاء زهور العمر ماهي بحيه = مادمت تسقيها بذنب وخطيه = واللي بغى يحيى حياتن هنيه = يوفي فعول الخير من دون نقصان = والساء سراج الدرب نور الهدايه = اللي بضوه زاح ظلمة خطايه = منه أبتدي وأحسب حساب النهايه = اللي بها يحكم على كل إنسان = والشاء شرور النفس لافاقت الخير = تتعب جسدها وإتعدى على الغير = واللي يطوعها بعقل وتفاكير = ماهو بمهمومن ولاهو بحزنان = والصاء صلاتك هي مكاسب حياتك = وإهي الحصيله يوم تأتي وفاتك = فإحرص عليها قبل حزة مماتك = وأحرص عليها مع جماعات الإخوان = والضاء ضياع الوقت والله مصيبه = بلوة كبيره تتعب اللي تصيبه = تأخذ فوايد دنيته بالغصيبه = والعمر دينن له بعد وقت ديان = والطاء طلبتك يامجيب الدعاوي = تهدي لدربك كل من كان غاوي = من سفرة العصيان عود شقاوي = راجيك تمحي كل ذنبه بغفران = والظاء ظلمت النفس ياللي تماديت = وأقفيت مع جملة ذنوبك وصديت = عن ديرة الخيرات والطيب شديت = منته بلاقي غير همك والأحزان = والعاء عسى ينفعك ماقلت ياللي = ضيف النصيحه جاك وأنته تهلي = منته عن دروب الفوايد مولي = حتى ولو جتك النصايح بقيفان = والغاء غرور النفس لا لايصيبك = مهما رزقك الله وجمل نصيبك = لإنه مرض يقضي على كل طيبك = حاول تواضع وأجتهد قدر الإمكان = والفاء فجوج الخير والله كبيره = تاسع جميع الناس ماهي صغيره = أختار لك فيها وحدد مسيره = يفتح لك الله قاسم الرزق بيبان = والقاء قوافل من مشوا فالضلاله = البعض عود والبعض شان حاله = واللي بقى مافيه شين بقاله = تايه يدور له وطن بين الأوطان = والكاف كرمنا إلهي بالأسلام = وأنزل كتابن ماتغيره الأقلام = من ماقرابه مالقى غير الأوهام = يقيفي به الوسواس مع كل شيطان = واللام لاتحسب مخاسير دنياك = أحسب ذنوبك وأنتبه من خطاياك = هذي هي اللي تحتسب من بلاياك = في طاعة المعبود منته بخسران = والميم ماتبنيه من غير تأسيس = يطيح في جية هل الشر وأبليس = حتى ولو زودت كل المقاييس = البيت مايبنى على غير الأركان = والنون نلت المكرمه والسعاده = ياللي تهمك فالحياه العباده = واللي زرع لازم يجيله حصاده = العمر كنه للمصلين بستان = والهاء هروجك لايجي كذب فيها = أحسب حسابك قبل ماتبتديها = كلمتك لازم بالفعل تحتميها = الكذب خلى صاحبه دوم منهان = والواء وصايا قلتها بالقوافي = على حروف الشعر فيها اختلافي = أبغى الدعاء من قلب صادق وصافي = ماأسعى وراء قولي ولاأرجي للأثمان = والياء يقول اللي وصل للختامي = صلو على المختار فآخر كلامي = اللي بنور الدين زاح الظلامي = شفيعنا في يوم للحق ميزان = [/poem] وسلامتكم0000 التعديل الأخير تم بواسطة نايف علي الزهراني ; 24-01-2009 الساعة 01:18 AM. 
|
 |
 |
 |
|
|
|
|
|
24-01-2009, 03:53 PM
|
#2 |
|
شاعر 
 |
رد: الألفيه
اللهم صلي وسلم على محمد ،،
صح لسـانـك يا السمي وصايا ذهبيه جزاك الله خير يا غالي ودمت في حفظ الرحمن |
|
|
|
|
|
|
|
|
|
|
|
24-01-2009, 06:26 PM
|
#3 |
|
شاعرة قلم مميز 
|
رد: الألفيه
[align=center][align=center]يعطيك العافيه اخي الكريم
قصيده ناطقه بكل النصائح والحكم الحياتيه عساك على القوه يارب وصح لساانك دمت بخير [/align][/align] |
|
|
|
|
|
|
|
|
|
|
|
|
31-01-2009, 05:55 PM
|
#4 | ||||||||||||
|
رد: الألفيه
صح بدنك ياسمي وشرفني مرورك |
||||||||||||
|
|
|
|
|
|
|
|
|
|
|
|
31-01-2009, 05:57 PM
|
#5 | ||||||||||||
|
|
رد: الألفيه
صح بدنك يا أختي الكريمه وشرفني مرورك |
||||||||||||
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : الألفيه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيده اسمها الألفيه | جبل الدمام | الشعر المنقول | 7 | 16-03-2008 05:22 PM |
