ذولا رجال الدين ياكلب الاحـواش<<>>الله مكرمـهـم بمـلـه حنـيـفـه (قصيدة في اوباش طاش)

[ابو دوس]

هذه قصيدة للشاعر : نايــف بن عرويل
عن مسلسل طاش ماطاش


[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
البارحة كن الفضاء غرفـة انعـاش=وانا المريض الـي حياتـه كسيفـه

والهـم ذيـب ٍ للمعاليـق عـراش=والقلب شيخ ٍ واعظم الحزن ضيفـه

واليا نشدنـي واحـدٍ قلتلـه مـاش=مابـه جديـدٍ للقـديـم بنضيـفـه

ياليتها ضيق ٍ فـالأرزاق واعتـاش=اعتاش لو ما القى بعمري وضيفـه

وليت السبب حب ٍ للأطراف رعاش = كـم ٍ وليـف ٍ ماحصلـه وليـفـه

مير البـلا لاشفـت للديـن نهـاش=امن النفـوس الحاقـدات الضعيفـه

ومن عادتي لا جبتها جبتهـا كـاش=والي زعل يزعل على كيـف كيفـه

هذا جوابٍ عاجل لطـاش ماطـاش=يخزي وجه ناصر ويخـزي حليفـه

مانقبل الصـوره بتفكيـر حشـاش=لأهل القلوب الطاهـرات الشريفـه

لا عاش من يشتم هل الدين لا عاش=ولا عاش من يشهر على الدين سيفه

ذولا هل التوحيد يالغـادر الغـاش=ريفك وريف الي خذا الوقت ريفـه

اقلوبهم بيضا وابيض مـن الشـاش=وافعالهـم عنـد المعـادي كليـفـه

ذولا رجال الدين ياكلب الاحـواش=الله مكرمـهـم بمـلـه حنـيـفـه

ولا انت ضايع بايع الديـن ببـلاش=بصيرتـك بيـن البصايـر كفيفـه

بكره ليا جتك المنيه علـى فـراش=ومرت حياتك قدم عينـك عصيفـه

وحسيت في روحك تراقى مع الجاش=ودموع عينك فـوق خـدك ذريفـه

عرفت بأنك مرتكيلك علـى قشـاش=وانك ضلمت اهل القلوب النضيفـه

في وقتها مالك من الموت منحـاش=بيحاسبـك راع العـدل والنصيفـه

ولحدن بمرمش لا توفيـت برمـاش=جيفه ومن يبكي من النـاس جيفـه؟

ان عشت يا خفاش وان مت خفـاش=مايفقـدك غيـر العقـول الخفيفـه

وختامهـا مانـي بجايـك برشـاش=لأنا بحكم اهـل السيـوف الرهيفـه

مير افهم الموضوع ياطاش ماطاش=واترك تفاهـات اليهـود السخيفـه[/poem]


القصيدة موجودة بملف صوتي في المنتدى العام طرحها الاخ ذيب زهران
http://www.zahran.org/vb/showthread.php?t=434

[العتمه]

ابو دوس الف شكر

[العرنين]

رائعة يابو دوس
وكعادتك في الطرح لاترح المتميز
قصيدة جميلة بروح قائلها
صح لسانه مليون وفعلا جابها كاش
.
.
دمت بالف خير

[ملك زهران]

ابو دوس

ألف شكر لك
يعطيك الله العافيه

وصح لسان قايلها

------------
والشكر موصول للأخ ذيب زهران