رااح الحبيب اللي وفاا..رااح الصديق اللي صفاا..رااح اللي رااح..

[قرصوص]

[align=center]حسبي على الدنيا خذت من احبه
لا ونيس يونسني عقب هالفرقا
ولامن ياخذ بخاطري ويريحني
ليتك اخذتني معك بعدك انا مالي وجود
وش هي حياتي بدونك
وش هو طعم الفرح بلياك


لا لا مومعقوله انت تكذب علي صح تكلم الله يخليك تكذب علي
مو مصدقه الحين بتصل عليه ويرد علي اكيد تمزح
ياختي استغفري ربك واطلبي له الرحمه تركي خلاااص ماااات ماااات
صرخت من بين دموعها لاااااااااا تكذب توه مكلمني ويقولي جااي بالطريق
الله يخليك لاتكذب علي ابيه ابي تركي لا مستحيل
وضلت تبكي بحرقه وتصرخ مو مصدقه كلام اخوها ..

حراام عليك اللي تسوينه بحالك قدر الله وماشاء فعل الله يرحمه ويغفر له
ادعي له

لااااااا ودني لتركي خلني اروح له ودني بيتي بروح انتظره هناك هو بيجي بيجي
توه كلمني يقول مشتاقلك ومشتاق اضمك برووح البيت بنتظره
صرخ فيها اخوها ومسكها من كتوفها سااااااااره تركي مااااااات صار له حادث بالطريق وهو جاي
تو جاني اتصال من اخوه ودوه المستشفى بس ماااات ..مااات
يردد هالكلمات عليها وساره المسكينه مو مستوعبه هالكلمات مو مصدقه ان حبيبها وزوجها
خلاااص ماراح تشوفه مره ثانيه
سلطان تركي ماات ماات خلاص يعني مابشوفه مره ثانيه
ومن هول الصدمه طاحت مغمى عليها
وودوها المستشفى
ام سلطان :ياقلبي عليك يابنيتي اااه يالله ياربي يصبر قلبك يالله ياربي يصبر قلبك يابنيتي
سلطان :يمه هدي بالك قدر الله وماشاء فعل اهم شي لما تصحى حاولي تهدينها والله ماقدر اشوفها
قطعت قلبي بالصياح الله يصبرها ويصبرنا وياها
ام سلطان:لاتلومها ياوليدي هذا زوجها وشلون ماتبيها تقطع نفسها بالصياح
ياقلبي على بنتي كانت حامل وتنتظر زوجها يجي من السفر عشان تبشره بالبشاره
سلطان :حاااااامل ؟؟
هنا زاد بكا سلطان على اخته المسكينه واخذ عهد على نفسه انه يهتم باخته وباللي ببطنها
ومايتركها بحاجه احد
طلع الدكتور من غرفه ساره
سلطان :هااه يادكتور طمني على اختي
الدكتور :خير ان شالله اعطينها ابره مهدئه على مايبدو تعرضت لصدمه قويه
سلطان :ايه والله يا دكتور زوجها توفى
الدكتور :لاحول ولاقوه الا بالله الله يصبرها ويصبركم هي حامل ولازم تراعي نفسها وعلى الجنين
سلطان :غصب عليها اللي صار مو سهل عليها
دكتور نقدر ندخل عليها
الدكتور :اكيد بس بهدوء ..
سلطان :يالله يمه ندخل على ساره بس الله يخليك امسكي نفسك
ام سلطان :الله يصبر قلبك يابنتي .
دخلوا على ساره بالغرفه وام سلطان قلبها يتقطع على بنتها وهي تشوفها بالحاله هذي
وسلطان يطالع اخته مخنوق
بعد مرور فتره من الوقت
ساره تصحي وتناظر حولها غرفه غريبه واجهزه وحاجه على ايدها
قامت وتذكرت اللي صار وصارت تطالع حولها شافت امها تقرأ القرأن
واخوها كان برى
ساره :يمه يمه
ام سلطان :لبيه يابعد هالدنيا لبيه يابنتي
ساره ومخنوق صوتها
ساره :تركي مااات يايمه آآآآآآآآآآآآآه يايمه مااات
وضلت تبكي في حضن امها بدموعها الساخنه من هول الموقف
وامها تهدي فيها
ساره :آآآآآآخ يايمه راح ابكي عليه طول العمر يستاهل كل دمعه تنزل من عيوني
رااح الغالي رااح حبيبي رااح
ام سلطان:ارحمي نفسك يابنتي ارحمي اللي ببطنك
ساره :وشلون تبيني ارحم نفسي مالي حياه من دونه مالي فرحه من دونه شلون بيجي الولد بكره
وش راح اقوله اذا سئل عن ابوه شلون يتربى بدون ابوه شلوون
ياليتني ماحملت آآه يمه حاسه قلبي فيه ناار ابي تركي ابيه
ام سلطان :استغفري ربك يابنتي استغفري ربك حرام الكلام اللي تقولينه
هذا اللي ربك كاتبه والمكتوب مامنه مهروب
ساره :ياليته خذاني معاه وارتحت ياليتني مت قبل لايجي هاليوم
خلاص مارااح اشوفه مره ثانيه ماراح اقوله احبك ..مشتاقه لك ..ابغى اضمه مشتاقه اشوف وجهه
المس ايديه
ام سلطان:خلاص يابنتي ارحمي حالك استغفري ربك وادعي له بالرحمه هو بحاجه لدعائك الحين
ادعي له ادعي له
وضلت ساره تبكي بحضن امها وامها تبكي معها
بعد مرور ايام وبعد دفن المرحوم والصلاه عليه وايام العزاء اللي مرت على ساره كانها سنين
حبست ساره حالها بغرفتها ولا راضيه تطلع ابدا
صار القرأن ونيسها وسجادتها مفرها الوحيد لمناجاه ربها والدعاء لزوجها المرحوم
كانت كل ليله بعد ماتصلي اخر الليل وتروح لفراشها تمسك صوره زوجها وتحاكيه وتسولف معاه وتعاتبه
انه راح وخلاها وتضل تبكي وتنام ودموعها على خدها وتتبلل وسادتها بدموعها الساخنه اللي طالعه من قلبها المحروق على حبيبها
وامها تشوف حالتها ومو قادره تسوي اي شي تطالعها بقلب محسور يتقطع على بنتها اللي مو قادره تطلعها من هالحاله
وتذكرت لما توفى ابوسلطان كانت مثل حالتها واكثر
واخوها سلطان اللي كان يترجى اخته ترحم حالها كان يمر عليها ويطلعها غصب من غرفتها تجلس معاهم تاكل معاهم عقب
ماهجرت الاكل وهزل جسمها وتعبت نفسيتها

وبعد مرور فتره سته شهور على وفاه حبيبها الغالي شهور مرت على ساره
مليانه الم وتعب وجراح مالومها فقدت عزيز وغالي على قلبها تركي
اللي كان حلم حياتها كان حلمها في زوج المستقبل اللي تتمناه اي بنت
تذكرت ايام شهر العسل وحياتهم تذكرت كل شي يرتبط في تركي وفي حياتهم
ولو انه فتره زواجهم فتره بسيطه ثلاث سنوات الا انها كانت احلى ثلاث سنوات في حياه ساره
وظروف عمل المرحوم كانت تجبره يسافر بين فتره وفتره
وتذكرت اخر مكالمه بينها وبين تركي في ذاك اليوم المشؤوم
اتصل عليها وكله لهفه وشوق تذكرت لما كان يقول لها مشتاقلك مووت
حبيبتي انا جاي اليوم تذكرت كلمه عالقه بذاكرتها لحد الان
كانت كلمته (تصدقين اني كل مره اسافر ومده السفر مو كثيره بس هالمره حاس اني قلبي بيطير لك
مشتاقلك اول مره احس هالاحساس الغريب )
وتذكرتها ساره وبكت وقالت انا اللي قلبي بيطير اشتقت لك يابعد هالدنيا الله يرحمك ويغفر لك
تذكرت لما كانت في المستشفى وسوت تحاليل واظهرت لها نتيجه الحمل كانت طايره من الفرحه
وكانت راح تخليها مفاجأه لزوجها لما يرجع وكانت تتخيل ملامحه لما تبشره بهالخبر
كانت تتذكر كل لحظه وكل دقيقه من ليله زواجها لحد ماراح عنها
كانت تشوف هالايام وكأنها صفحات تتقلب قدام عيونها
كانت لحظات تضحك على مواقفهم الحلوه اللي مرت عليهم
ولحظات تبكي على المشاكل الصغيره اللي مرت عليهم وكم من اللحظات اللي تهاوشت معاه
وتمنت ترجع هاللحظات عشان تضمه وتبوس على راسه وتقول والله مازعلك بس ارجع لي
مشتاقه اشوف ضحكتك مشتاقه اشوف عيونك اللي مليانه حب وحنان
مشتاقه للمسه ايدك اللي دايما تحسسني بالراحه والامان
مشتاقه لكل لحظه قضيناها مع بعض


ليتـــه حفر قبري قبل لايفارقني ..أكون للقبر اهون من حضن غيره


كانت كل ماحست بضيقه راحت لصوره زوجها اللي تبللت من كثر دموعها على هالصوره
راحت لرسايل زوجها بالجوال وتقراها من جديد وتبكي من قلبها
راحت للبطاقات الصغيره اللي محتفظه فيها ومكتوب فيها كلماته اللي كان يعبر لها عن حبه
راحت لهداياه وكانها تشوفها لاول مره
ولحظات تلمس بطنها وتحاكي جنينها عن ابوه
وكانت تذكر انه كان يحب اسم فيصل
وقالت في خاطرها ان كان ولد راح اسميه فيصل ان شالله
دخل عليها اخوها سلطان مبتسم وجلس معاها يسولف وياخذ اللي بخاطر اخته
وكان هو يتكلم وهي ساكته وسرحانه
سئلها شفيك سرحانه قالت تصدق المرحوم كان يحب اسم فيصل وان شالله بحقق له هالامنيه
واسميه فيصل
تغارقت عيون سلطان وقال ان شالله
وجلس يفكر في اخته وفي حالتها اللي تغيرت 180 درجه من بعد زوجها الله يرحمه


وحان موعد ولاده ساره
قامت ساره كعادتها تصلي الفجر قامت تعبانه لان طول الليل كانت تحس بمغص خفيف
ولما صلت الفجر وهي على سجادتها حست بمغص قوي وطلعت لامها وهي موجوعه
ساره :يمه يمه اااه حاسه اني بولد
ام سلطان :لاتخافين يابنتي لاتخافين ان شالله خير
ساره:لا يمه ااه تعبانه تعبانه مرره
ام سلطان:يالله بجيب عباتك واغراضك ونروح المستشفى
راحت ام سلطان تجهز اغراضها وعلى دخلت سلطان للبيت من عقب ماصلى الفجر الا امه بوجهه
ام سلطان:سلطان اختك ساره بتولد يالله على المستشفى
سلطان :يالله بسرعه
راح لاخته ومسكها من ايدها وفي طريقهم للسياره وهي تناظر اخوها
قالت من بين دموعها تمنيت تركي اللي يوديني لما اولد
اخوها ماقال شي خنقته العبره وركب السياره ووداهم المستشفى
وولدت ساره وجابت ولد بس ساره صار لها نزيف وماتحملت وماتت ...........
ماتت ساره وهي كانت تفكر بتركي زوجها وقلبها يتحسر عليه
ماتت ساره وتركت ولدها اللي بقى في هالدنيا لا اب ولا ام
ماتت ساره ..ماتت ساره ..ماتت ساره ..
طلعت الدكتوره عليهم وهم جالسين بالانتظار ينتظرون بشرى ولادتها بالسلامه
وماكانوا يدرون انها بتزف لهم خبر وفاه ساره
طلعت لهم وقالت مبروك ساره جابت ولد
استبشرت الام وسلطان الله يبشرك بالخير وكانوا فرحانين وسلطان كان اكثر وطاير من الفرح لانه
هالمولود اللي بيغير ساره ويخلي حالتها تتحسن
سلطان:وساره شخبارها
الدكتوره :..............
سلطان :يادكتوره ساره شخبارها ؟؟
الدكتوره :ساره ..ادعوا لها بالرحمه ماتت
ام سلطان صرخت من هول الصدمه
وسلطان يناظر الدكتوره مو مستوعب
طلعت الممرضه وعطت المولود لسلطان خاله
اخذه سلطان وضمه بقوه وجلس يبكي وقال فيصل سميتك فيصل سميتك فيصل
والطفل يبكي بين ايديه وقال سلطان انا لك الابو ولك الام ولك كل شي بهالدنيا
تبكي كأنك داري انك طلعت على هالدنيا يتيم ,,
ماتت ساره من حسرتها على فراق زوجها
ماتت وتركت طفلها بين ايدي امينه مع ابوه وامه وخاله سلطان
سلطان اخذ عهد على نفسه ان يربي فيصل احسن تربيه
ومايخليه لحاجه احد بهالدنيا ابد ,,






حرام من خذا مني حياتي والامان ..حرام ليه انا مالي في هالدنيا مكان ..[/align]

[~ حآمـض حلـو ~]

آلحين من جد تبيني آقرآ هذآ كله

يآخي سوي دسكآون للموضوع

[عبدالرحمن العطاوي]

اختصر الموضوع
لو سمحات
تقبل مروري الكريم

[قرصوص]

اقتباس: المشاركة الأصلية كتبت بواسطة ~ حآمـض حلـو ~      آلحين من جد تبيني آقرآ هذآ كله يآخي سوي دسكآون للموضوع

ههههههههههههه

كل ساعه اقرا لك مقطع

شكرا على مرورك

[قرصوص]

اقتباس: المشاركة الأصلية كتبت بواسطة عبدالرحمن العطاوي      اختصر الموضوع لو سمحات تقبل مروري الكريم

ههههههههههههه

كل ساعه اقرا لك مقطع

تشرفت بمرورك

[الراسية]

بسم الله

أخي الكريم

قصة جميلة فعلاً ولكنها تقطع نياط القلب ..لم أتمالك نفسي فقد إنهمرت دموعي على هذا الحب والوفاء والإخلاص

حب من نوع خاص ...قد لاينتمي لهذا الزمان الذي شحّ فيه الحبيب الذي قد لايجد سلواه خارج نطاق حبيبه ..

قصة أعجبتني وقد إحتفظت بها ..

أرى أن مثل هذه المشاعر لايمكن إختصارها ولا حتى الإستغناء عن كلمة فمابالك بسطر أو إثنين ..إنها الكلمات

التي تخدم النص وترتقي به حتى يعانق العقدة ومن ثم تدرجت حتى وصلت بنا إلى نهاية على الرغم من مأساويتها

إلا أنها النهاية الأروع لقلصة حبيبين من النوع الفريد والفريد جداً ..

عاطفة ولكنها كعمر الزهور..قصيرة المدى .

تشدنا التفاصيل بقوة فنتمنى لو كتب لتركي وسارة أن يعيشا فترة أطول لنستمتع بهذه المشاعر المنثورة على هذا المتصفح ..

نحزن وكأننا نعرفهم ..كيف لا وهما يحاكيان تلك الجماليات في الحياة ويعبران عما بداخلنا بقوة ..

أخي الفاضل ..

ليتك لا تتوقف عن السرد فسردك أجمل من أن يقف عند حدود الموت ..و ليستمر الإبداع القصصي أكثر..

في إنتظار قصة جديدة ......يامبدع..

دمت أخي ولاتحرمنا من جديدك..

[قرصوص]

اقتباس: المشاركة الأصلية كتبت بواسطة الراسية      بسم الله أخي الكريم قصة جميلة فعلاً ولكنها تقطع نياط القلب ..لم أتمالك نفسي فقد إنهمرت دموعي على هذا الحب والوفاء والإخلاص حب من نوع خاص ...قد لاينتمي لهذا الزمان الذي شحّ فيه الحبيب الذي قد لايجد سلواه خارج نطاق حبيبه .. قصة أعجبتني وقد إحتفظت بها .. أرى أن مثل هذه المشاعر لايمكن إختصارها ولا حتى الإستغناء عن كلمة فمابالك بسطر أو إثنين ..إنها الكلمات التي تخدم النص وترتقي به حتى يعانق العقدة ومن ثم تدرجت حتى وصلت بنا إلى نهاية على الرغم من مأساويتها إلا أنها النهاية الأروع لقلصة حبيبين من النوع الفريد والفريد جداً .. عاطفة ولكنها كعمر الزهور..قصيرة المدى . تشدنا التفاصيل بقوة فنتمنى لو كتب لتركي وسارة أن يعيشا فترة أطول لنستمتع بهذه المشاعر المنثورة على هذا المتصفح .. نحزن وكأننا نعرفهم ..كيف لا وهما يحاكيان تلك الجماليات في الحياة ويعبران عما بداخلنا بقوة .. أخي الفاضل .. ليتك لا تتوقف عن السرد فسردك أجمل من أن يقف عند حدود الموت ..و ليستمر الإبداع القصصي أكثر.. في إنتظار قصة جديدة ......يامبدع.. دمت أخي ولاتحرمنا من جديدك..

يعطيك العافيه على هذا الكلام الطيب

[سٍلطأن ألجنؤب]

يا خي والله تعب كا ني اقر صك او كا ني اقرا خريطة العا لم

ســـــــــــــــــــــــــلامات يا صا حبي والله انا ما قريت الا اول شي بس للاسف عيد الموضوع بختصار

هههههههههههههههههههههههههههههههههههههههههههههههههه ههه

[العندليب]

صرخه بها مولود يفتقد أمه
وصرخة قلب بألم

قصة ينبض القلب بها حزناً ..

وبالرغم من الألم والحزن بما يكفي ..
لك الثناء والشكر ..

[الهيثم 07]

الدنيا غداره فأحذرها
يعطيك العافية