خواطر متشابكه ورومنسيات حادة هههههه

[الراس الصغير]

كان الديك مبسوط وشايف حاله عنده اربع دجاجات يدافع عنهم ويحميهم من الشريرين الاوغاد الثعالب

وفي يوم اتى ثعلب يلهث من العطش والجوع ودخل على الدجاج وصعصعهم والديك اخينا نايم

سمع الديك الازعاج وقام ويشوف الثعلب يحوس في الصندقه ابتاعت عيلتوه هههههه

المهم كان الديك فوق البيت ساكن ماقلنا لكم شايف نفسه مغرور مايبغى ينام تحت عند الحريم ولا يحب ازعاج الصغار


نزل الديك وعلى الصندقه يبغى يشوف من الحيوان هذا يتلفت يمين شمال

ويشوف الثعلب جمع البيض كله في خيشه وماشي يقول انعم الله عليهم


حلا فوضه هي وين عايشين يابو الشباب ههههههه

الدجاجات الاربع خارج الصندقه مع الصغار صياح ونياح وفعل وترك والسراق واللي يقول ياملعون الجدف

الديك نزل الشماغ وفك الكبكات من الثوب وشمر على ساعديه


ويتلازم مع الحيوان هذا ويقول اقلك فك البيض والثعلب يقول لا

يقول اما اجمعه وانت تبي تفتكه مني فأمعصي روح ازرع بصل يابابا


الديك يقول اقولك فكه

الثعلب لا مابافكه


الديك الى الان مافقد اعصابه يقول لو سمحت فك البيض

وصار صراع ونقاش لمدة ساعه وكلها فك ولا تفك


الديك قال لحضه بس انت تفك والا لا

الثعلب اقول طير بس


الديك في هذي اللحضه شوي ويبكي تكفى فك البيض ده ابتاعي

ويبكي ويقول ارقوك اديني هوه ارقوك دول عيالي


الثعلب شاف الديك يبكي وجلس بجانبه يبكي ههههههه

شوي دخلت دجاجه من الدجاجات وكانت عليها نضارت طبيه لانها ماتشوف زين

تبي تعرف وش فيهم متاخرين ماانحلت المشكله

ويوم انها دخلت شافت الموقف بكاء من الطرفين وما فهمت ايش السالفه


المهم

قربت منهم وقالت وش فيكم خير وش معكم تبكون

الثعلب قال مو شغلك يلا فارقي برا

الديك غار على الدجاجه عندما هزاءها الثعلب ويتفل في وجه الثعلب ويقول انت قليل أدب ههههههه

الثعلب مسح التفله وقال اغنية قال فيها :ياحبيبي ياحبيبي انت عندي وانا عندك ليه تتفل

وقال قصيدة طويلة بختصرها في بيت قال منها

تفلتك تفله مالها عندي جواب



قال الديك اطلع انت برا وسيب البيض تراهي واصله حدي



ونكمل بعدين

[العندليب]

ههههههههههههههههههههههههههههه
الله يسعدك يالراس الصغير ..

<< فاطس من الضحك ..

ننتظر تكملة القصه وش صار بالبيض خخخخخخ

[البرنسيسة]

متاااابعيييين..أسعد الله قلبك...

[نسيم السروات]

أفزع أفزع يالرأس الصغير الثعلب أكل دجاجاتك شوفه مطلع لسانه مما أكل .

ومنتظرينك تكمل باقي القصة مشتاقين . أعجبني الديك اللي أنهانت كرامته من الثعلب وهو كان متغطرس.

الله يعطيلك العافية على الإبداع .

[عبادددي]

^^

هههههههههههههههههههه


يالراس الكوووباخش

مواضيعك وربي حلوووه

بنتظار الابيات

يسلمووو

[العندليب]

اقتباس: المشاركة الأصلية كتبت بواسطة نسيم السروات      أفزع أفزع يالرأس الصغير الثعلب أكل دجاجاتك شوفه مطلع لسانه مما أكل . ومنتظرينك تكمل باقي القصة مشتاقين . أعجبني الديك اللي أنهانت كرامته من الثعلب وهو كان متغطرس. الله يعطيلك العافية على الإبداع .

هههههههههههههه
أبو الله أفزع قوااام ماشوف الأ ريش الدجاج

<< قايلكم إن الراس الصغير أبو الرومنسيات كلها

فديت خشمك ياشيخ ..!

[Mr.RoMaNiStA]

يلا وين التكمله مشتاقين نقرأ القصه قبل النوووم

[الراس الصغير]

اقتباس: المشاركة الأصلية كتبت بواسطة العندليب      ههههههههههههههههههههههههههههه الله يسعدك يالراس الصغير .. << فاطس من الضحك .. ننتظر تكملة القصه وش صار بالبيض خخخخخخ

ابشر بسعدك نكمل القصة بس ابغى منك طلب تثبت الموضوع لاني زعلان ما قد ثبتم لي موضوع
هويه ماتثبتون موضوعيه وشفيه ماهب هيلن يعني


ترا انا ضيقن انا اتعب واكتب واجيب خرابيط وحكايات وماتثبتونها كما ذولاك اللي فوق باللون الاحمر اللي قدام موضوعهم مكتوب مثبت
هويه هم زيدين عنيه والا واسطات

ترا اعرف واحد في بريد المندق يتوسطليه في المنتدى ويثبته بالقوة

والا ترا بشتكيكم في المركز

انا تعبت كلما كتبت لي قصة الاقيها في خسفت النوا

اقعد ادور لها من صفحه في الثانيه لين الاقيها وازيد اكمل

صراحه انا تعبت راسيه ياجعنيه ماعيني ازيد اكتب ولزنه مرة ثانيه الا بعد ما تثبتونها

ها سمعت جوابيه

لاتزيد تقول ماقلي الراس الصغير وقل ميد أديب وقلب من ذهب وبنت الوادي يثبتون خرابيطيه
( ترجمة ولزنه يا كت كاته يعني ولا شي او لا حثرة او تقال معيني ازيد هههههه بس


المهم باكمل القصة تحت بس خلني ارد على الاخوان والاخوات اللي شرقوني في صفحتي الرومنسيه هههههه

[آمـيرهـ بآح ــساسي]

هههههههههههههههههههههه
هههههههههههههه هههههههههههههههههه
ترى موتي على يدك انا متأكده
ههههههههههههههههههه

[الراس الصغير]

اقتباس: المشاركة الأصلية كتبت بواسطة البرنسيسة      متاااابعيييين..أسعد الله قلبك...

تابعوا بس اسعدكم الله

يشرفني انني اكون مساهم في اسعاد الاخرين