![]() |
![]() |
![]() |
![]() |
![]() |
![]() |
![]() |
#1
|
|||
|
|||
![]()
[align=CENTER][tabletext="width:70%;"][cell="filter:;"][align=center] صلي على مُحَمــد <~ دآخلين صيدلية
![]() ميير من الله تحيي هالخشش كل أبوهآ تسآنت حلوة آو شينة مآبوه تفرقة ,, عآد هذي خلقة الله ولا اعترااض ![]() [ بــــدوي فــــي الـــعـــآصمــــــــة ] تأليف و إخراج :- المحشش ( ملف ضآيع ) [/align][align=center] ![]() ![]() ________________________ ________________________ (( حيـــآة الشقى )) كنت ( سابقا ) ساكن في حاره صغيره الى يومكم ماقدروا يحددون مكانها من صغرها وفيها مدرسه مافيها الا سبع طلاب وثلاث مدرسين وواحد منهم ماخذ اجازه من اول السنه يقول بيرتاح نفسيا من هالمدرسه ومن اللي فيها حتى انه كاتب في نموذج الاجازه تحت بخط صغير (عمري ما شفت ناس بالغباء هذا ) ![]() وفيه بقاله ابو يحيى كل المنتجات اللي فيها منتهي تاريخها كل سنه ادخل على ابويحيى والقى نفس البضاعه حتى عنده جبنه البقره الضاحكه تمسك العلبه وتشوف الصوره تلقى البقره لها دقن من قدم العلبه ![]() عندنا ما فيها إلا نخلتين وساقي ويا ليتها نخلتين صاحيه وحده صغيره ومايله والثانيه جمبها طويله ومافيها ورق كل ورقها طايح على هالنخله الصغيره كنها رقاصه وواحد ينقط عليها ![]() المهم عشت في هالحاره خدام لهالنخلتين ![]() اسقيها وانا من قوه النوم احط ( اللي ) في الحوض وارقد جمبها ومقابل هذ الكرف وعدني الوالد ان نجحت اروح للرياض عند ولد عمي <~ من اول الرياض تسنها جنة ![]() المهم وتجي الاختبارات وادخل الاختبار وجلست احل ما في الفصل إلا انا واثنين معي وجلست احل واحل الين جا وقت النتائج ورحت اشوفها ![]() دخلت على المدير وهو جالس ونظاراته اكبر من وجهه طالعه العدسات كنها درايش صالة افراح ![]() قلت له/ استاذ ابي النتيجه قال/ رح شف اسامي الناجحين معلقينها على الجدار ![]() واناظر فيه وانا مستغرب واقول في نفسي وش عندهم الجامعه اللي عدد الطلاب الف وشوي ترى كلنا سبعه لو تكتبنا في ورقه براشيم كفتنا خخخخخخ رحت شفت اسمي و تعبت وانا ادور كانو قاصين نتايج الثانويه اللي في جريده ( عكاظ ) وملزقينها مع اسامينا عشان اللي يدخل يقول يا كثر طلاب هالمدرسه ![]() المهم اني شفت اسمي ولقيت مكتوب ناجح وينقل للصف اللي بعدووووو ![]() الترتيب الرابع على الفصل وحنا ثلاثه ورحت اركض لابوي ودخلت عليه وعطيته الشهاده ناظرها وناظرني وكالعاده قام يسب/ نعنبوك اكيد صاقط ياالهيس ![]() قلت/ يبه قسم بالله اني ناجح : ( ابتسم وقال/ خلاص رح ظف عفشك مع وجهك والحق على السواق عتيق بيمشي لرياض رح معه خله يوصلك طلعت وانا اركض من الحماس صفق وجهي في الباب ![]() على طول سمعت صرخه الوالد يقول/ ارفق على الباب يا حمار<~قهرني ما خاف علي خاف على الباب ![]() دخلت الغرفه وضبطت اغراضي ولبست ثوبي البرتقالي !! (( أحــــدآث الرحلـــة )) ولحقت على السواق لقيته جالس في الونيت وفاصخ شماغه طالع راسه كنه ليمون ![]() وانا اناظر في الونيت لقيته مليان جيت عنده وقلت/ يا عتيق ما فيه مكان قدام << اقطع الخاطر ![]() قال/ اركب في الصندوق وهو يضحك شفت ضروسه هالطويله كنها طلقات رشاش عيار خمسين خخخخخخخخخ قلت/ يا عتيق الونيت مليان خرفان صعبه الجنتله هذي تروح ![]() ضحك وقال/ بالله اي جنتله انت وهالثوب البرتقالي بغيت اصفقه بس هونت وركبت ورا وقلت له سق شوي شوي مشينا بالسياره وكان محمل معي في الصندوق غنم وتيوس احس انهم يضحكون علي المهم اكلنا مطبات وعوائق حتى ان فيه واحد من الخرفان بغى يطيح ومسكت يده ورجعته للصندوق اول ما ركب قالي/ مشكور يا الحبيب وهو يضحك ![]() قلت/ بالله وش تضحك عليه ؟؟ قال/بالله مالقيت غير هالثوب البرتقالي ![]() قلت/ شف ياابو الشباب الثوب هذا قصته قصه هو في الاصل كان لشغاله هنديه عند جيرانا ما بغته واخذته وفصلته ثوب ![]() قلت/ نعم يا خوي خير ما تشوفني ؟؟؟ قالي/ تصدق ما عرفتك من بين هالخرفان ما عرفتك إلا من ثوبك هالبرتقالي ![]() قمت اشوف وجهي في مرايه البرايه اللي معي واشوف وجه الخروف اللي جمبي قلت لعتيق/ حرام عليك فيه فرق في الحواجب ![]() ضحك وقالي/ انزل انت وجهك هذا بيت عمك ((بدآيــة القصــة)) الله واظف عفشي واحول ووقفت عند الباب ودقيت الجرس انفتح الباب وطلع في وجهي عمي ناظرني اول ما شافني قالي/ ماعندنا زباله اليوم تعال بكره <~ يفكرني حق البلديه ![]() قلت/ لاياعمي انا ( طــآرق ![]() مديت يدي ابسلم وهو يناظرني من تحت لفوق ويقول/ عمى ورى شكلك كذا وش فيه شعرك منتفش كنه من اشجارالزينه اللي في الشوارع انت وثوبك هالبرتقالي : ( قلت/ المشكله ياعمي ان الحلاق اللي في حارتنا ماخذ اجازه ووعدنا انه بيجي بعد سته شهور وصار لنا ثلاث سنوات وحنا نحتريه وإلى يومك ما بعد جاء عشان كذا تشوف شعري يوم جاء بيدخل قلت له/ وين سعـــد قال/ سعـــد بـالد اخل قلت/ شكرا ومديت يدي ابسلم عليه ناظرني وقال/ كل تبن وادخل داخل ![]() دخلت الحوش وجلست اضبط الجزمه فصختها وبديت افك الشاش اللي على رجلي وانا افك ناظرني سعــد وقال/ سلامات يا (طآآرق ) عسى ماشر لايكون كسر قلت/ لا يبن الحلال بس ما عندي شراب وقلت شينه البس جزمه بدون شراب عشان كذا لفيت رجلي بشاش ![]() طلع كني ....!! لابس شراب ما امداني اخلص كلامي الا الولد تمدد ضحك وهو يقولي/ بالله وش هالوصخ اللي في ثوبك مار تحت عماره تبنى وطايح عليك سطل بويه برتقاليه افصخ ثوبك خل امي تغسله عشان يرجع ابيض ![]() قلت/ يا ابن الحلال الثوب لونه كذا قال/ تعال امش اعطيك من ثيابي عشان حنا نبي نروح للاستراحه دخلت بيتهم وشفت الرخام وتذكرت بيتنا اللي ارضيته سمنت ![]() والوسادة اللي مرسوم عليه نمر طاقته الشيخوخه النمر هذا عايش اكثر مني في البيت بغيت اصيح وانا اتفرج وانا اناظر رمى علي بنطلون وقال/ البسه وافصخ ثوبك وطلع برى ينتظرني ،شوي قمت اصارخ دخل علي بسرعه وشافني طايح على الارض والبنطلون علي قال/ وش فيك ![]() قلت/ البنطلون ضيق الدم تحجر في فخذي افصخه تكفى عجزت افصخه ![]() قام يناظر وقال/ وش هالمنتفش في البنطلون ![]() وقام يلمس انا صراحه شفت يده تمشي في اماكن انا ما اسمح لنفسي المسها ![]() <~ لا يروح تفكيركم لبعيد سيقاني ما اقدر المسها عشاني ما اطولها ![]() قال/ يا حمار لابس البنطلون على الصروال الطويل قلت/ إيه وتحتهم صروال صغير بعد اجل البسه لحاله ![]() قال/ إيه تلبسه لحاله قلت/ ايه هين كثر منها وإذا انشق من يسترني ![]() قال/ منتب عاقل يا بسكال من الثور اللي بيشوفك من اللي يبغى كبده تحوم ![]() <~ صراحه اقنعني كلامه ![]() قال/ البسه لحاله ولا يكثر بسرعه تاخرنا على الشباب لبسته وطلعت انا وياه وهو يناظر فيني ويقول/ صراحه ما تجي جنز وتي شيرت وشعر كشه قلت/ ليش بالعكس حركه قال/ اي حركه ياشيخ شكلك كنك يوسف الثنيان في بداياته ![]() رحنا للحلاق اول ما شافني سوى نفسه مشغول ![]() وقال لـ سعد / معليش عندي شغل اليوم ضغط <~ خاف من شعري حاس انه بياخذ اجازه من التعب خخخخخخخ لو حلق لي اليوم المهم جلس سعد يقنعه انه يحلق قاله/ شف في مشتل جمبي هنا رح وده لهم لان بصراحه شعر خويك يبغاله خارج دوام مثل خارج دوام حق ارامكو طلعنا من الحلاق ورحنا للمشتل وقام يناظرني المزارع وقال/ شف ابحلقك بس عطني خمس دقايق ابدخل اجيب شي وجاي راح المزارع ورجع بعد خمس دقايق ومعه شنطه مليانه عده لابسها على ظهره مثل حقين الابتدائي ![]() وجاء عند سعد وقاله/ اسمع انا ابنزل في شعر خويك بس شف ثلاثه ايام إذا ما طلعت بلغ اني مفقود زين ![]() المهم حلق الرجل وجلس ثلاث ساعات وهو يقصقص بالمنشار الكهربائي وحق الشجر الين خلا قصه شعري كابوريا صراحه حسيت اني بديت انحرف على يد اللوح سعد ![]() خلص الحلاق وجاه تورم في عضلات يده واصابات ونزيف وقال/ لقيت هياكل عضميه لقمل شكلهم جلسو سنوات ينتظرون الغيث يجيهم شكل خويك ما قد سبح يا سعد حتى اني يوم جيت ابطلع لقيت قمله ميته وهي ساجده كانها تدعي ان الغيث يجي ![]() طلعنا وانا ما نيب مقتنع باللي سويته ![]() قلت/ يا كابتن سعد وش هالقصه الله يهديك قال/ يا بن الحلال مهوب ازين من شعرك اول كنك خروف محد يقدر يشوف وجهك قلت/ اقول وين بتروح الحين قال/ ابد ابوريك حاجات عمرك ما قد شفت مثلها بنلف بالتحلية عشان تشوف العيشه قلت/ احد قالك اني ميت وش اللي اشوف العيشه حلات هالحواجب اللي كنها سكه قطار مهجوره ![]() وانا اتكلم معه وصلنا للتحلية ونزلنا نمشي فيها وطارت عيوني على هالبنات قمت اخمبق واقول وش هذا ما بقى إلا يتفصخون وش هالعبايات ذي ![]() قال/ هذي العبايه المخصره يا طـــارق ,, داري انك ما قد شفت كذا قلت/ من وين اشوف كذا وكل اللي في حارتنا عجز وثيابهم هالمشجره وعباياتهم كنها بيوت شعر من كبرها خخخخخ قلت في نفسي يا الله الرياض تغيرت وين ايام اول امشي فيها مليانة جموس هيئه وناس محتشمه والكل يخاف على عرض الثاني وانا افكر جت وحده جمبنا وزلقت وهي تمشي وطاحت علي ![]() اول ما طاحت قلت/ ما تشوفين شر يا خاله قامت البنت وراحت وهي تناظر فينا ![]() قال سعد / تبي الرقم واناظر وهي تناظر كاننا في فلم مصري قديم بطوله عماد حمدي وفاتن حمامه !!! شوي صديت وخليتها قلت لــ سعد / شف يا خوي ترى جينا نتفرج وبس بعدها سكت وانا اقول في نفسي وين البنات اول ما كانت تقدر تحط نظرها في غير محارمها : ( واليوم حدث ولا حرج <~وش رايكم بهالجمله تحسون اني مدرس لغه عربيه وانا افكر سمعت واحد يقول اثباتك انت وياه ناظرت لقيت واحد مطوع وسعد يتراجف كنه خلاط يخلطون فيه ثلج ![]() انا طلعت اثباتي طبعا بطاقه الوانها رايحه من الشمس حتى ان وجهي سايح فيها كنه ككاو مرمي في سطح ![]() قال المطوع/ وش عندكم مع البنت اللي قبل شوي هاه ؟؟ توني ابتكلم الا يجي المطوع الثاني ويقولي/ انطم ولا كلمه يا فاجر عطيتها الرقم خلاص هاه ؟؟؟؟ المهم سعد انحاش جيت ابنحاش معه انشق البنطلون من ورا ![]() اول ما انشق جلست على البلاط جلست العن في سعد يوم يقول افصخ الصروالين كلها ![]() ![]() "شوي صرخت البنت جت وقالت لهم اني ما سويت لهم شي وبالحسره اقتنعو وجا الاول اعتذرلي والثاني يقولي لعد تعودها حسيت انه متكبر " سالت الاول قلت/ وش فيه خويك كذا قال/ توه ملتزم ومتشدد شوي قلت/ ياخوي ترى الدين تعامل والامر بالمعروف والنهي عن المنكر يكون بالكلمه الحلوه والجانب اللين مهوب باليد والمصارخ والمنافخ ترى هذا اللي يكره الناس في الهيئه الهمجيه من بعض الاخوان قال/ حنا اسفين وتقدر تمشي قلت/ الله لا يهينك ولا عليك امر فيه محل هنود قدامك جبلي قماش عشان اقدر استر به الشق اللي طالع بس تكفى لا يكون القماش برتقالي ![]() اختر اي لون ثاني <~~ متعقد من بدايه القصه من البرتقالي خخخخخخ المهم جاب القماش وتلحفت فيه كني سرلنكيه ممسكوكه في قضية اداب ![]() وجاني سعــــــد وقال/ ابوديك مكان تفحيط يا طاارق بس بعد ما تغير اللبس اللي عليك ناظرته وقلت/ بالله انت كم عمرك؟؟ قال/ اربعة وعشرين سنه قلت/ حرام عليك هذي عقليتك يا خوي غزل وتفحيط وسهر وهبال تدري وش مشكله الشباب ؟ انهم يفهمون الوناسه غلط انها هبال وطهبله وبلطجه هذي نظرت الشباب للشاب الزاحف والمهوي والمهبول واللي يكلم اكثر من بنت واللي يعرف يسيطر على الطاره واكثر واحد يقدر يسهر ويسوي جريات يا خوي إلى متى؟ يا خوي غلط كذا انا جيت ابنبسط عندك بس الظاهر اني منيب قادر اتاقلم على عيشتك انت م راهق وانا على نياتي وجاي من حارتنا <~~عليكم حاره بعد = الــــنـــــهــــــاايــــــة = || خــلآصة القصة || 1 \ الشخص البيتوتي دايمن مآيكون أضحوكة !! 2 \ الدين ليس بالتشدد ولبس الثوب القصير !! 3 \ بناتنا دايمن تشتكون من الشباب ,, طيب ارحموهم شوي خخخخ 4 \ حاول الابتعاد عن الشبهات !! 5 \ القروي دائمـــــــا يعيش الحياة البسيطة !! 6 \لاتلبس ثوب برتقالي وخاصة اذا كان حق شغالة ![]() طبعا كل مااكتب هنا من خيال الكاتب ,, ويتكلم عن أشياء صايرة في مجتمعنا أصغتها بأسلوبي الخآآص <~ عليك أسلوب بعد ![]() للامآنــة \\تم نشر القصة لـ شخص قبل سنة يمكن من الآن وحسيت أنهآ أنتشرت وحصلت نسخة منها في منتديات ,, بس ماقصروا ماحرفوا بالقصة وحاطين القصة لـ صآحبهآ هو اللي انا !! أخوكم \ ملف ضاايع - طارق [/align][/cell][/tabletext][/align] |
![]() |
![]() |
![]() |
![]() |
![]() |
![]() |
![]() |
#2 |
موقوف
![]() |
![]() [align=CENTER][tabletext="width:70%;"][cell="filter:;"][align=center] " نسيت أقلكم معليش على الاطالة
![]() واللي يخش الموضوع ولايرد جعله يطيح بحظن غوريلا جيعانة ![]() ![]() [/align][/cell][/tabletext][/align] التعديل الأخير تم بواسطة ملف ضآيع ; 03-02-2010 الساعة 01:02 AM. |
![]() |
![]() |
![]() |
![]() |
![]() |
![]() |
![]() |
![]() |
![]() |
#3 |
.
![]() |
![]() ما شاء الله تبارك الله
اثاريك هلاس بقووووووووووة هذي مو قصة هذي الف نكته و نكته على شكل قصة ،، كل سطر لا يخلو من تعليق و تشبيه مضحك من فين تجيبها يا سكني الحدبة ،،، ترى ما أكملت القراءة وصلت نصها و الباقي بكرة ليش ما سويتها حلقات ( ماوكلي فتي نخشليلة ) يا حبي لك يا طااارق القروووي ياالبرتقااااااااااااالي محبك / عســاااااف |
![]() |
![]() |
![]() |
![]() |
![]() |
![]() |
![]() |
![]() |
![]() |
#4 |
موقوف
![]() |
![]() ياناس ياعالم انا اطلب من الادارة توقف عضويتي وتطردني براااا ملف ضآيع أنا بسببك ببيع اللاب توب وافصل الانترنت واشتري كيرم 132 سطر يالظالم ؟ مين بيقرا هذا كله؟ والله لو اني سبويه بنفسه بنتحر ماودي اهضم حقك وراح اعرف الناس مين انت ؟! من هو العضو ملف ضآيع ؟ طارق الوآصل الملقب البدوي او الطعس او ابو ركبه القاب كثيره لهذا العضو المتألق ملف ضآيع باختصار هو احد اعضاء الإستراحه المهمين وأيضا يعتبر من المؤسسين هذا القسم يندرج ملف ضآيع من عائله نسمع عنها انها ثرية الا ان تواضح ملف ضآيع يجعل صورة الثراء غير واضحه ملف ضآيع يتميز بزرع الابتسامه على شفاه الجميع حيث يضحك بمصطلحاته وبحركاته وبقصصه الخيالية وذو جسم عضلي حيث سبق وقال انا ماحب يكون بطني مقسم ست اقسام شي سخيف بل احب ان يكون قسمين بالصدر وقسم واحد بالبطن وهذا هو الجسم العضلي << احييك يا ملف ضآيع من مميزات ملف ضآيع مايلي : احسن واحد يزبط التشيز كيك بحفره المندي * احسن واحد يلعب بلاي ستيشن بالعالم *اكثر واحد يفتن المبرقعات في النسيم * حريف كيرم وكان مو راعي حمام * احسن واحد يعرف ينقي زبيريات * احسن واحد بالعالم يلبس فروه * رقم مميز وايميل مميز * احلى واحد بالعالم مهما نقول عن ملف ضآيع ماراح نوفيه حقه جعله ذخر للأمه العربيه والاسلامية الديمقراطية الشعبية ملاحظه: انا عارف أن الكلام هذا راح يخلي ملف ضآيع يرفع خشمه عليكم اكثر من أول بس الحق يقال ياشباب هههههه |
![]() |
![]() |
![]() |
![]() |
![]() |
![]() |
![]() |
![]() |
![]() |
#5 |
موقوف
![]() |
![]() فصة تحكي واقع لها الكثير من الأهداف
والمغازي مصاغة بقالب كوميدي راااائع جداً . كل الشكر أخوي . |
![]() |
![]() |
![]() |
![]() |
![]() |
![]() |
![]() |
![]() |
![]() |
#6 |
![]() |
![]() ابك شرفونا بالكوفي خلونا نتهاوش شويه
|
![]() |
![]() |
![]() |
![]() |
![]() |
![]() |
![]() |
![]() |
![]() |
#7 |
![]() |
![]() زحمه وجوه وناس بس لآسف مافي الزحامه احساس
كل العيون سكوت كل الحكي لاباس>حافظها من مسلسل امرآة لاتشبه القمر ![]() اول شئ مبروك الاشراف ![]() ثاني شئ صدقني اني قريت اول القصه يوم كان معاك ثوب برتقالي وحبيت اختصر الموضوع وانقز للحلقه الاخيرهـ >كسول بس اروق وارجع اقرء وافصفص على موضوعك وبيني وبينك من يوم اعرف نفسي ماتفرج مسلسلات إلا الحلقه الاخيره عشان اختصر واعرف مين البطل ومين يموت ومين هذا المطلق قريت موضوعك وعلى ذمه عبدالمجيد ان القصه 123 سطر يعني 123 حلقه >مسلسل مكسيكي يالاخو ![]() وعساك ع القوهـ |
![]() |
![]() |
![]() |
![]() |
![]() |
![]() |
![]() |
![]() |
![]() |
#8 |
![]() |
![]() الفوائد بالقصه اكثر من الكوميديا ههههههه
تسلم طارق |
![]() |
![]() |
![]() |
![]() |
![]() |
![]() |
![]() |
![]() |
![]() |
#9 | ||||||||||||
![]() |
![]()
يعني تبي تقنعني انك قريتها هفففف حاحا من عقلك افلقني إذا طلعت قريتها .. خابزك من ايام عنادي ![]() |
||||||||||||
![]() |
![]() |
![]() |
![]() |
![]() |
![]() |
![]() |
![]() |
![]() |
#10 |
موقوف
![]() |
![]() ملف ضايع ....
مبدع كعادتك ..... والكلام الي قاله عبدالمجيد عنك كلام سليم وتستاهل اكثر منه كمان .... بس ممكن سؤال : اش حكاية الثوب البرتقالي ......؟؟؟ <<<< برااااااااااا يعطيك ألف عافية ع القصة القميلة قدن قدن .. |
![]() |
![]() |
![]() |
![]() |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|