يا حبيب الروح

[علي السبيّه]

ياحبيب الروح وينك طال صبري وانتضـاري
الفراق ادما الجـروح وسـاق قلبـي للهلاك
.
كل يوم اموت واحيا وانت عنّـي منـت داري
لو يطول البعد قلبـي ياحبيبـي مـا نسـاك
.
ياضنيني يابعد حيّيّ ويا اصحابـي وجـاري
ياهلي يادنيتي يامـن ملـك عمـري هـواك
.
وينك ياغاية مرادي تطفي الهيبـي ونـاري
كيف تهجر قلبي اللي باع غيـرك واشتـراك
.
وانت لي شاطئ ومرسى وانت حدّي والمداري
ما ملك قلبي سواك ولا مـلا عينـي سـواك
.
جنّتي والحب واحه والضنى طـرد البـراري
من سرابً في سراب وشوف عيني ما لقـاك
.
يا مليح الوصف يا ضىّ الليالـي والنهـاري
ما غلب ضىّ الكواكب والنجـوم الا ضيـاك
.
آه ياحوريتـي لا هـزّت الاشـواق طـاري
حلّقت كل الخوافق والهواجـس فـي سمـاك
.
وزاد في قلبي ونينه واعلن حالات الطـواري
وصار من عيني على الخدين للدمع اشتبـاك
.
والمحبين الفراق المُـرّ لـه فيهـم مـواري
تنحـل الاجسـام ويجيهـم متاهـه ورتبـاك
.
يا عويد الخيزرانه يـا غزالـه يـا قمـاري
اعتدل فيك الجمال وشاب شوفي فـي صبـاك
.
في فوادي لك محل وفي عيوني لـك مـزاري
كل ليله يزورني طيفك يسولـف عـن بهـاك
.
شلت قلبي من ورى اضلاعي بكيفي واختياري
وين مـاودك تغادرنـا تـرى قلبـي معـاك

شعر/علي السبيه

[مُـخْ تَلـِفـ]

اقتباس: المشاركة الأصلية كتبت بواسطة علي السبيّه      يا عويد الخيزرانه يـا غزالـه يـا قمـاري اعتدل فيك الجمال وشاب شوفي فـي صبـاك . في فوادي لك محل وفي عيوني لـك مـزاري كل ليله يزورني طيفك يسولـف عـن بهـاك . شلت قلبي من ورى اضلاعي بكيفي واختياري وين مـاودك تغادرنـا تـرى قلبـي معـاك شعر/علي السبيه

سلمت يدك

و
صح لسانك

ابيات ذوق رفيع

[عاشق المستديرة]

صح لسانك

[أبوعدي]

الله يعطيك الف عافية

[فواز المالحي]

علي السبيه شاعر متمكن

راقت ليك ابياتك كثير .. استمتعت بها .. صح لسانك وماقصرت


مع التقدير

[كسرني رحيله]

قصيدة رائعة راقت لي صح لسانك
شكرا لك