تعالي ..

[نايف علي الزهراني]

السلام عليكم ورحمة الله وبركاته ..
مساكم الله بالخير
هذي قصيدة اتمنى ان تنال اعجابكم


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامعذبتني ويش هذا التغلي=شوفي من الهجران وشلون حالي
أنا سؤال ودوري وين حلي=وأستعجلي لأجلي جواب السؤالي
ماعاد للأفراح فيني محلي =والحزن ماخلى لفرحي مجالي
من يوم ماغبتي وش اللي حصلي=من يوم ماغبتي وش اللي بقالي
مدري متى مزن المواصل يهلي=وتنبت ورود(ن) ظاميه للوصالي
عودي وقولي نايف اليوم خلي=غالي ولا مثله من الناس غالي
درب الهوى لاتحسبينه مسلي=دامه كذا من فرحة الوصل خالي
أخاف قلبي فالمحبه يملي=وأروح لامكسب ولا رأس مالي
جيتك على حسب المواعيد كلي=وإنتي تعالي لو مشاعر تعالي
وشجرة غرامك كانها ماتظلي=الله يقطع شجرة ابلا ظلالي
يامعذبتني ويش هذا التغلي=شوفي من الهجران وشلون حالي[/poem]

وسلامتكم ..

[فهد سعود الزهراني]

صح لسانكـ يانائف

قصيدة جميلة ومرهفة..ولعل الشطر الاول من البيت الثاني فيه خطأ املائي او اني لم اقرأه بالطريقة الصحيحه.

[كسرني رحيله]

صح لسانك ...
يعطيك العافية ع هالقصيدة الرائعة

[نايف علي الزهراني]

اقتباس: المشاركة الأصلية كتبت بواسطة فهد سعود الزهراني      صح لسانكـ يانائف قصيدة جميلة ومرهفة..ولعل الشطر الاول من البيت الثاني فيه خطأ املائي او اني لم اقرأه بالطريقة الصحيحه.

صح بدنك .. شرفني مرورك..
لعلك قرأته بطريقه خاطئه .

[نايف علي الزهراني]

اقتباس: المشاركة الأصلية كتبت بواسطة كسرني رحيله      صح لسانك ... يعطيك العافية ع هالقصيدة الرائعة

صح بدنك .. الله يعافيك..