إلى مقام خادم الحرمين الشريفين

[خالد رجب]

يا ابو متعب تراني رغم هذا العدل في مملكتنا
عايش(ن) تحت سيف الذل ماني عايش(ن) في هنا
واقدر احلف ثلاث أيمان ما قد بت ليله هنيه
واقدر احلف ثلاث أيمان ما لي ذنب فيما جرى
يا طويل العمر واللي يجرعني من المر سقايم
لاتوجهت له بالله زاد المر سم(ن) زعاف
والمصيبه اني اتعوذ منه لكن ما فيه فيده
راسه انشف من الصخره وقلبه قطعة(ن) من حديد
وإيده الله يجيرك من حمم من نار ما هي كما أي يد
لو هوت فوق راس الضلع ما بقت من الضلع شي
وانا يا سيدي بالرغم من ظعفي ومن قل حيلي
احتملته لنا عشرين عام إن كان ماهي بزود
واشتكيته على الحكام قالوا ما لنا فيه حيله
ما دام الفقر خصمك فإن ما عد لك سنع عندنا
قلت طيب ومن يقدر يساعدني ويكسب دعايه
قالوا في الحاله هذي مالك إلا الله ثم الملك
وتوجهت لك ياسيدي والحكم والامر بايدك
انت ابونا وسيدنا وحاكمنا ومحبوبنا
اما تمسح دموع اطفالي الرضع وتظمد جراحي
وإلا تحظر مع العالم جنازتنا وتدعي لنا

خالد رجب

[تأبط شراَ]

صح بنانك يا رائع لقد ابدعت اخي الفاضل وفعلا من خصمه الفقر ما له الا الله ثم ملك القلوب

دمت بخير

[العرنين]

صح لسانك مليون في مليون
مبدع في العرضه والنبط يا خالد
دمت بالف خير

[ابو نضال الدوسي]

فعلارائع يا خالد تصوير صادق بدون تكلف او تزلف

[العتمه]

اخوي خالد



والله يعطيك العافيه ...