|
|
|
|
|
 |
 |
 |
|
#1
15-08-2010, 09:01 PM
|
||||
|
||||
ولدي وجوالي واشياء اخرى
كل عام وانتوا بخير ياربع الاستراحة .. انا ابغى افهم شي واحد .. الحين ليه الاطفال يعرفون كيف يخربون الاشياء بحيث ماعاد يصير فيها حياه ابد بافهم انا كيف يعرفون ان عدو اي جهاز الكتروني هو الماء يتسلطون على الريموتات والجوالات ويغسلونها بالماء او يسحبون عليها السيفون ! واي سيارة لعبة نهديها لهم اول مايخربون فيها الكفرات ! ليه مثلا مايحطون جزمة الله يكرمكم او اي شي غير اكتروني بالماء والا يخربون تنده السيارات ويتركون الكفرات ! كل هذي المقدمة عشان اقولكم ان ولدي الصعلوك  امس حط جوالي في ذاك مدري وشسمه وغسله تغسيل ابن كـ*** لين قال آآآمينطبعا ماهيب المرة الاوله يسويها وفي كل مره يسويها اضربه لين يعض الارض ومع كذا مايتوب الحين بالله وش اسوي بعمري لا شريحة ولا جهاز  والاشياء الاخرى في الموضوع >> بتطلف الجو  سمعتوا اللي بطاش اليوم كل شوي يكلم الصحفي متعب "ماجد مطرب فواز" وينقله الاخبار لكنته ماهي لكنة زهراني ؟! خاصة يوم قال : مجلس / بترول اسمعوا كلامه وقت إعادة الحلقة .. قسما ً بالله ماكن اسمه الا خضران والا معيض  باقي شي آخر ماقلته  البنات الحلوين .. بالله لا تنسون تمرون على المطبخ ، نباكم تشاركون معنا في المسابقة   التعديل الأخير تم بواسطة الصقر المهاجر ; 18-08-2010 الساعة 01:34 PM. 
|
 |
 |
 |
|
|
|
|
|
15-08-2010, 10:19 PM
|
#2 |
 |
رد: ولدي وجوالي واشياء اخرى
هههههههههههههههههههههههههههههههههههههههههههههههه
دام ولدك كذا اشتري له جوال ان 95 وقولي له ارمه في الماء وشوفي بيرميه ولا لا واذا مارماه قولي ان جوالك جواله عشان مايرميه |
|
|
|
|
|
|
|
|
|
|
|
15-08-2010, 10:25 PM
|
#3 |
|
موقوف
|
رد: ولدي وجوالي واشياء اخرى
وه بث يدنن ولدك....حبيتو ...
 خليه ياخذ راحته ويخرب الي يبي ....  بالنسبة لطاش ...معليش انا ما اتابع مسلسلات برمضان ...<<<تكفين بس ...  وبالنسبة للمسابقة معليش لساتني مبتدأة وماعندي سالفة بالطبخ والحركات هيدي ..<< انتي كل شي معليش معليش ...هع وصلي لولدك بوسااااتي ...  |
|
|
|
|
|
|
|
|
|
|
|
|
15-08-2010, 10:38 PM
|
#4 |
|
رد: ولدي وجوالي واشياء اخرى
الله يحفظة يارب ويخلية لكـ
الطفل بطبعه يحب التخريب وخاصة في السنوات الاولي من عمرة ويحب يكسر الاشياء وينتزعها مثل كفرات السيارات يبي يعرف وش وراها س : الحين بالله وش اسوي بعمري لا شريحة ولا جهاز ج : لا تسوين ولا شئ عادي تحصل عندنا شبه يومي ههههه بالنسبة للريموت عندنا احتياط درج مليان ريموتات للطواري |
|
|
|
|
|
|
|
|
|
|
|
|
15-08-2010, 10:49 PM
|
#5 | ||||||||||||
|
رد: ولدي وجوالي واشياء اخرى
يعني الشغلة عناد عاد كنك داري ان جوالي n95 ياحسافته في قلبي كنت استخدمه كاميرا اكثر من انه جوالوالله ما اشتري له جوالي واني لا اربي عقله بعد اليوم اصلا من زود الذكاء بسم الله عليه يعرف الجوال الصدقي من اللعبي |
||||||||||||
|
|
|
|
|
|
|
|
|
|
|
|
15-08-2010, 10:52 PM
|
#6 | ||||||||||||
|
|
رد: ولدي وجوالي واشياء اخرى
وانا بعد معليش ماراح اوصل له بوساتك >> امزحتسلمين يختي والله يرزقك بمثله مستقبلا يخرب عليك كل شي عشان تعرفين ان الله حق |
||||||||||||
|
|
|
|
|
|
|
|
|
|
|
|
15-08-2010, 10:59 PM
|
#7 | ||||||||||||
|
|
رد: ولدي وجوالي واشياء اخرى
تسلم الله يخليك ويخلي لك عيالك انا اللي قاهرني انه يعرف ان عشان يخرب الجوال او الريموت يكب عليه ماء !!! كان الله في عونكم دامها تصير عندكم بشكل يومي .. لو انا يصير لي كذا كل يوم كان تصدقت به |
||||||||||||
|
|
|
|
|
|
|
|
|
|
|
|
16-08-2010, 01:44 AM
|
#8 |
|
قلم مميز 
|
رد: ولدي وجوالي واشياء اخرى
هذا عشان شياطينهم ماتتصفّد
بعدين يقال الجزاء من جنس العمل ...اتوقع كنتي تحطين " الرادي " حق الوالد الله يرحمه في قدر " الحقينه " وفيه واحد من الاسماء اللي في شريحتك "منحوس " نكب ام الشريحه والجهاز <<< بتجي نسيم تقول وش قصدك وبعدين وش فيك منزعجه ..اللي يسمعك يقول أن ميزانية شركة الاتصال بتهتز ...كلها عشرين ريال في الشهر والباقي كول مي حتى نسيم مسميتك في جوالها " كول مي " والا الاسماء في شريحتك من فئة سيدات المال والاعمال وكبار الشخصيات ...<<تراها مو ناقصتك اسكت خلي الولد ياخذ راحته خاصه ان الجوال ابو كشاف بـ 70 ريال << لا منجد تبغى المشاكل انت هذا بالنسبه للموضوع الاول نجي لطاش ..!! ما انتبهت بس بشوف المسابقه إنتي مشرفه ويجب أن <<< اقول نزل اصبعك وش فيك تأشر ومنفعل قصدي تفتحي المسابقه للرجال والنساء اساساً الرجل لديه " نفس " في الطعام يتفوق فيه على المرأه لذلك " الشيف " الرجل افضل ويتميز عن " الشيفه " << عجبني لقب شيفه لوووول حتى معظم كتب الاطباق ومعظم برامج المطبخ تكون لرجل فـ ....افتحي المسابقه يفتح الله لكم .....لأن لدينا طبق سيطبق الافواه وإنتي خابره طبق السرف هذاك اللي قعدنا يومين نغسل مواعينه صصتر طوق ....تقبلي مروري << اقول افلح قبل تشوف شي مايرضيك |
|
|
|
|
|
|
|
|
|
|
|
|
16-08-2010, 02:09 AM
|
#9 |
|
رد: ولدي وجوالي واشياء اخرى
يعني بالله جبتي شي جديد ذولآء ورعــآناً
., وإلآ لو آنو موآليد حلب وإلآ موآليد بيروت ورب آلكعبه مآيسوي كذآ ., لكن يالله خليه ينبسط وآنآ ضد العنف الاسري <مسوي الدكتور ميسرهـ طآهــر  ع فكرهـ آشتري له جوآل آلو آلو مرحباً شوفي يخليه يسسبح ولإيدآريه |
|
|
|
|
|
|
|
|
|
|
|
|
16-08-2010, 08:26 AM
|
#10 | ||||||||||||
|
مراقبة التراث وسوالف الاولين
|
رد: ولدي وجوالي واشياء اخرى
 بقعا تصوعك لا عاد نسيم منحوسه يالشيف سرف قال شيف قال والله لا شيف ولا شيفه . أما طوق والله أن هذا نصري عليها العام الأول كما ذا اليوم ولدها أخذ جوالي وغسلة تحت البرادة وتبلكم الجوال ماعد ينطق بكلمة . وديته عند مهندس ألكترونيات فلبيني ممتازقالي هذا خلاص كبيه زبالة مافي شغل ثاني و1400 راحت في الزبالة . وجلست تضحك من فعائل ولدها الشقي . أما طاش بصراحة أنا ما عجبني إلا حلقة الضرات الرجال شكلهم تحفه يموت من الضحك وهي تتزوج عليهم كل يوم رجال أقول ياليت ..... وإلا خلوني ساكته أحسن يالله سترك يالله . أشا طوق عندي لك جوال قديم أسمه الرهيب الفين تعالي خذيه أهم شي أنه يشتغل فكيك من المظاهر مابلا من كثر أتصالاتك على قول السرف كول مي . بوسي لي الشئي الصغنون مخرب الأجهزة فديته . |
||||||||||||
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : ولدي وجوالي واشياء اخرى
|
||||
| الموضوع | كاتب الموضوع | المنتدى | مشاركات | آخر مشاركة |
| هل تعرف الطفيــة يا ولدي | عساف | التراث و سوالف الأولين | 28 | 05-03-2010 10:08 AM |
| الف مبرووووووووووك أبو وليد | امير الخيال | مجلس بني حرير | 11 | 31-08-2008 02:15 PM |
| الاماكن ، واشياء اخرى | العرنين | الأدب الساخر | 13 | 16-03-2008 06:13 PM |
