النساء مع الأسف ولكن.......؟

[عيوني لك]

بسم الله الرحمن الرحيم
السلام عليكم ورحمة الله وبركاته
الله يمسيكم بالخير جميعا

اولا :- وقبل قرأة الموضوع ارجو عدم الانزعاج خصوصا من سيداتي السيدات لأن هذا الموضوع يمكن فيه مايسبب الزعل لهن لكن هو الواقع ويارب اكون غلطان ,
ثانياً:- أنا اقبل الرد الذي يحمل في جنباته النقد الهادف والتوجيه البناء واتقبل ردود الجميع بكل رحابة صدر .

النساء مع الأسف ولكن.......؟

انتهى موسم الصيف وانتهت كل الافراح والمناسبات مع انتهاء آخر لليلة فرح والمناسبات والزواجات خصوصاً هي اكثر موسم لصرف المال او بالاحرى هدر المال خصوصا من اخواتنا السيدات وهذا امر متعارف عليه عند الكثير من الناس .
مكياج ... ملابس..... فساتين سهرات..... فساتين افراح......
عطورات ...... ادوات التجميل ...... زيارات الى الكوفيرات ...
ووووووووالخ . كل هذه الاشياء ليست في الموسم الواحد فقط يعني ليس في طول موسم الصيف لالالالالالالالا بل ان في بعض الاحيان قد تكون في خلال اسبوع وانتم اعرف . طيب ليش هذه المصروفات الكبيره وعلى ايش ؟؟؟؟؟؟
نفسي اعرف ليش الوحده منهم لما تلبس ثوب أو فستان في مناسبه ماتحضر به في المناسبه الثانيه ؟؟ ليش في كل مناسبه ثوب والافستان جديد ؟؟ طيب هذا ماهو هدر للمال وضياع للجهد والوقت؟؟؟ والله حرام اللي قاعد يصير واحد من الناس انا اعرفه معرفة تامه يقولي ان معدل مايصرفه خلال الصيفيه بس في مايخص مصروفات الحريم اللي عنده يعني زوجته وبناته مايقارب مصروف ثلاثة اشهر من المواد الغذائيه بس يعني لو افترضنا انه يصرف حوالي 1500 ريال شهريا مصاريف مواد غذائيه يعني خلال ثلاثة اشهر كم تطلع احسبوها عاد وشوفو قد ايش حريمنا الله يجزاهم خير يصرفون .
انا ما اعترض على هذا الشي اذا كان في وسع الرجل ان ينفق ولديه القدرة الماليه على ذلك . بعض الرجال الله معطيه خير والله يزيده ماعنده مشاكل يقدر يوفر كل المتطلبات لكن بعضهم ماعنده شي بس على الله وعلى كم قرش اللي يجونه في نهاية كل شهر وحريمنا يطالبون بالكماليات وكنهم نسو (( لينفق ذوسعة من سعته)).
تعالو شوفو الضحايا اللي خلفتها الصيفيه بعض الحريم بالحنه خلو رجالهم يتدينون واللي تحمل دين بس عشان ليش عيال فلان ماهم احسن منُا ولا والادهى والامر في الاخير يطلعون في المنتديات وفي المواقع الرسميه ويسووون علينا حملة وقالت ايش قالت خلوووووووووه يلبس طيب يلبس من فين وانتي خذيتي اللي قدامه واللي وراه على شان تلبسين فساتين وتشترين مكياج آخر صيحه .
انا اسف معاشر النساء ولكن هذا الواقع اللي نعيشه وانا متأسف جدا اذا كان ضايقت شقائق الرجال اتمنى لكم طيب الاقامه في متصفحي .

والسلام عليكم ورحمة الله وبركاته

[الجنوبى11]

مشكوووووور والله يعطيك الف عافيه

[حكــ حنين ــآية]

اقتباس: المشاركة الأصلية كتبت بواسطة الجنوبى11      مشكوووووور والله يعطيك الف عافيه

بدايتا اعتذر عن الاقتباس ولاكن الجهاز لدي لايسمح لي بالرد في المواضيع الا بعد ان اقتبس رد ...


اخي الكريم بارك الله فيك انت لم تقل شي خطا وكل ماذكرته للاسف صحيح ولاكن الحمد لله وابشرك ان هاولاء النسوه الاتي تتحدث عنهم هن قليلات جدا اما البقيه فلا اعتقد كذالك فكل بنت وزوجه واخت تحرص دائما لمراعات ضروف من يعولها وحتى ان كانت الضروف الماديه تسمح فليس هناك حاجه لما ذكرت من هدر اموال كثيره للفستان والمكياج ,
انا واحد من هاولاء النسوه ولن اقول بانني لا اشتري ملابس للاعراس والصيف وايضا بعضا من المكياج ولاكن بحدود المعقول ولله الحمد والانثى بطبيعتها لاتحتاج لمثل ماذكرت من المبالغه في شراء الفساتين والماكياج فهي انثى ولاتحتاج سوى بعض اللمسات البسيطه لتكتمل انثوتها اما عكس ذالك فأسال الله لهن الهدايه والصلاح ...

الف شكر اخي لما تطرقت اليه ويعطيك العافيه..

[شموخ ابها]

كلام واقعى وصحيح 00لكن الغلاء لة دور كبير حتى اسوأ الفساتين بالشئ الفلانى

وعدم وضع ميزانية من بداية السنة وهذة مهمة الرجل فى المقام الاول 00

لى كلمة بالنسبة لااخواتى النساء فالثقة بالنفس وعدم النظر الى الاشياء التافة وابراز مالدى المرأة من علم وثقافة عامة

هو مايفرض على الاخرين احترامها والنظر الى عقلها وليس لبسها 00دمت بخير

[لغة العيون]

اصبت الهدف وكتبت عما يقلق كثير من الناس
بعد ان عجزوا على الفتك بالرجل ونزع الغيرة والدين من قلبة
وبعد حاولوا استدراج الرجل الى الشبهات ومع ما وقعنا فيه
معشر الرجال الا اننا صمدنا امام واكبر الظروف وبقينا نحتفظ
بشئ ولو كان يسير من قوتنا في الحفاظ على مجتمعنا
نظروا لنا نظرة قوية اصابة ما اصابة فينا
النساء مكياج ولبس و...............ز وكثير مما يجعل الرجل يضيع
النساء حرية راي وخروج عن المالوف وعن ديننا الحنيف وعن عاداتنا

[أمير الرومنسية]

كلامك عين الصواب
ونسأل الله الهدايه لهن وتفهم المسؤليه الحقه التي ابتلي الرجل بها
شكرا لما طرحت

[عدوانيه]

انا راح اتكلم عن نفسي واقول وجهه نظري
طبعاا كل صيف لازم نشتري فستان او اثنين هذا غير اكسسواراتهم

انا اش اسوي { اذا كان الزواج لأحد يقرب لي اشتري فستان غالي شوي واذا ما يقرب لي اشتري اي فستان بس يكون كشخه وغالباا يكون قصير لانها احلى وارخص ونقدر نتحرك فيهاا

انا اقول في نفسي ليه اشتري فستان بأألف ريال وارميه ثاني يوم مع اني اقدر اشتريه بس اقول حرام

{ طبعاا اقول للحريم مو كل شي غالي حلو بس في ناس يشترون اي شي اهم شي يكون غالي عشان تتفشخر وتقول فستاني بكذا

تقبل مروري وشوكراا لك

[شذى الريحان]

صعب تحكم على كل الحريم والبنات
بالعكس في حريم تحضر بالفستان الاخضر في كل محضروكل مناسبة
بالنسبة للرجل اللي مايبقى من راتبه شي الله يعوضه خير وللاسف الاسعار صارت نار
انا افضل انه الوحدة تخيط فستانين او3 (في اوقات متفاوتة وقت ماتكون الامور متيسرة لزوجها او والدها) وتحتفظ بها في الدولاب لوقت افراح الاجازة والمناسبات طول العام هذا اذا حافظت على وزنها ومايتغير لابالزيادة ولاالنقصان علشان لاتضطر ترجع للخياط وتوسع ولاتضيق

واذا فيها كلفة ومنحرجة من فلانة وعلانة تجلس في بيتها مو لازم تحضر كل مناسبة تبارك لهم بالتلفون او تزورهم زيارة خفيفة في بيتهم احسن علشان لاترهق زوجها ويوفر للبجامة اللي راح يلبسها وقت النوم زي ماطالبوا الاخوات قبل كذا
اشكرك الله يعطيك العافية

[* كاتلوني *]

كلآمك في الصميم . . زيآده الأسعآر من هنا والنسوآن من هنآ . . وماراح فيها الا الرجآل المسآكين ههههه

شكرا لك أخوي .

[روعه]

مشكوووووور والله يعطيك الف عافيه