ولى زمآن الأقنعه وبآنت وجيه اصحابها / مصافحه أولى !

[غدر الخناجر]

كيف يغمض لي جفن والهم وياي اجودي
ماغير دمعآتي تونس خآطري ويسلا بها
اشوف فرحي مكبل اليدين فوق مع الجدي
كم له سنه بين النجوم ولا يحسب حسابها
هذي حياتـــــــي ربي كآتبها وانا مافي يدي
غير أشكر اللي زهب الرحله ذهابها وإيابها
فيني مشاعر صامته مدري من وين ابتدي
نويت افك سراحها وفوق الغيوم ارقى بها
من صغر سني أسفه الجهآل والعلم الردي
وبعض العقول الغاويه هوآيتي ألعــــب بها
ليه الغرور واحنا بشر والرآبح اللي مهتدي
وبعض البشر دايم تخون العشره بين احبابها
نفسي عزيزه ما تخآوي الا المطيع المقتدي
والخوه اللي للمصــــــــالح حلفت اقفل بابها
ياحروفي اللي سآكنه قومي اصرخي واستنجدي
ولى زمآن الأقنعه وبآنت وجيه اصحابها
هآج البحر من كذبهم والموج أصبح معتدي
غرقت سفينة طيبتي واستأسرو أربابها

سلامتكم جميع
بقلم / غدر الخنآجر

همسه:
أهدوا الي عيوبي بالكتابه لدي بضع محاولات وهذي من ضمنها أتمنى أن أجد نقد بناء ..

[* كاتلوني *]

صح لسآنك . مآقصرتي .

روعه .. روعه

نص جدآ جميل . آستمعت بقرآئـتـه

آنـتـظر جديدك بكل شوق .

تحيآتي لك

[غدر الخناجر]

صح ابدنك اخوي
لاهنت ع الرد الروعه
الروعه حضورك والجميل مادونته
سلمك الله ولا هنت يالطيب

[طيب القلب]

قصيدة جميلة جداً جداً
ماشاء الله يفترض تكون في الشعر وليست بشعراء المستقبل قصيدة جزلة محبوكة حبكة معلم ..
الف الف شكر على هذا الزخم ..
لك التقدير والإحترام ..

[غدر الخناجر]

طيب القلب
الجمال حضورك وانسكاب حبرك هنا
ربي يسلمك ع الاطراء
ولاهنت والله يعطيك الف عافيه