الجمل والناقه....... هههههه

[زهرانية أبا ًعن جد]

[align=center]بسم الله الرحمن الرحيم
السلام عليكم ورحمة الله وبركاته

جبت لكم قصة الجمل والناقه ان شاء الله تعجبكم[/align]


[align=justify]المكان: الصمان
الزمان: فصل الربيع
يكثر في فياض الصمان الابل لكبر المساحه وحسن المرعى وكثرة الربيع وقت الامطار( الله يجيب السيل) وايضاً وجود الدحول التي تختزن الماء في الصيف(الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار)

من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله( ولا رامي عيّاش)كل همه يتندح بين هالنياق الصغار ويضمنها لا هيئة ولا شي المهم00

مرّت الايام وهو على هالحال همه أكل وشرب وغزلي في هالنياق00 يوم جا ذاك اليوم على عادته الى هاك الناقه واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقرلا تروحين للدحل وانا فيه على غير اهلها ماتجيب راس مالها0
شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلت هالدحل وعلي هالخف الكعب يزلّق!! (زمله : يعني سريعة السير او خفيفة الحركة )

قال الحاشي :
على شانك تحملت الصعايب ** اذوق المر لأجل رضاك حالي0

ابتسمت الناقه وصكّته بذيك النظره اللي بغت تجيب اجله0

تنهّد وقال:
الله اكبر كيف يجرحن العيون ** كيف مايبرى صويب العين ابد
احسب أن الرمش لا سلهم حنون ** واثر رمش العين ماياوي لاحد
يوم روّح لي نظر عينه بهون ** فزّله قلبي وصفّق وارتعد0

ضحكت الناقه ودرت انها لعبت في سستمه00 ومشت على هونها 00 وهي تدلع في المشيه تروح يمين ويسار وقلبه يروح يمين ويسار 0

00قال آآآآآآه
وانعطف هاك الشعر فوق المتون ** وانثنى عوده وقفى وابتعد0

000 طال الليل على خوينا الحاشي متى يجي الصبح؟ 00كل شوي يطالع في ساعته الريموندويل ماصدق اانه يسمع صوت الراعي يأذن00طمر من محلّه وراح يدور عند الشبك وهو يطقق خفوفه 00 طبعاً ماله أصابع00
ويروح ويجي لين طلع النور وجاالراعي وفتح لهم 00 هو يقاله صغير والا الأبل مايصّك عليها00 ماصدق خبر وراح عند الوايت يحتريها تشرب 00 جا الراعي

قال : خير انشاالله وش جايبك انت وخشّتك كل ذا ضما؟؟

تلعثم الحاشي00 قال : هاه لااا أبد مافيه شي بس طاح كبكي امس هنا وجيت ادوره0

قال الراعي:اقول بلا استهبال كبك وانت عليك ثوب ساده يالله ظف وجهك مع البعارين لا ألكمك!!

لٌقّط وجهه خوينا وراح0
قال: خيره انها ماسمعت وش قال لي الراعي كان طحت من عينها ولا عطتني وجه00المهم وهو يكلم نفسه الا هذي رفيقته تقابله يوم شهق من الفرح
( أمّا بعير يشهق كثّر منها)

وقال :
كفاني عذاب الله يجازيك بافعالك ** جرحت الضمير ولا طرالك تداويني

ضحكت الناقه ذيك الضحكة اللي شلعت قلبه وقالت:

ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لا شك ماطاع ** ماطاع يدله والليالي تلوعه
أثر الموّلع دمعته تجرح القاع ** والى ذكر مافات هلت دموعه

اييييييييه00 الحين تاكد الحاشي انها تبادله نفس الشعور00 ارتاح خاطره واسفهلّ وماعاد خذته الدنيا00 مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس 00 وفي يوم من الايام وهم قاعدين على ذاك الطعس الا يوم مرت ذيك الناقه العفراء00 طيّر عيونه رفيقنا مشبّه عليها00مهوب قصده شي! انتبهت له الناقه خويته وطمرت من محلها قالت خلها تنفعك الله يبارك لك ا00 انتبه خوينا انه اخطأ ولحقها
وقال: وّقفي اشرح لك الموضوع 00التفتت عليه وقالت:

مدام قلبي لك شفوق وميلاف ** وراك ياخلي قليل المروفه
قلّي عسى مابه على الخاطر خلاف ** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجرالعين وقّاف ** لاانت بماسكها ولاهي ذروفه


تحسّف ابو الشباب ودرى انه غلطان رد عليها وقال :


لك حق تزعل ثم لك حق نرضيك ** مااقوى زعل حبيب قلبي وعيني
مدام قلبي ياريش العين مغليك ** اطلب ولك روحي ومافي يديني
يوم الله احسن صورتك خصّني فيك ** فيك الجمال وصادق الحب فيني


وقفت وتبسمت 00 وارتاح خاطرها00 وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات0(نياق بس لغرض الوزن)0[/align]

[align=center]تقبلوا تحياتي[/align]

[بيبسي تلقيمه]

هذا الحب وأفعاله
لايغرك الضحكه ترى كلي جروح.(هذا حال الجمل وحالنا)

[عادل بن قشاش]

والله مشوار يايخته....

طويله قصتك تيه مرة

بعدين ارجع واقراها....

[فــيوقـ14]

وقفت وتبسمت 00 وارتاح خاطرها00 وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات0(نياق بس لغرض الوزن)0

اهم شئ طاح الحطب





ملاحظه\ليه اكثر مواضيعك قصص وحيوانات هههههه وعادل قشاش صور(فيه سر )

[زهرانية أبا ًعن جد]

اقتباس: المشاركة الأصلية كتبت بواسطة بيبسي تلقيمه      هذا الحب وأفعاله لايغرك الضحكه ترى كلي جروح.(هذا حال الجمل وحالنا)

اقرب مستشفى ضمد جروحك
شكرا على المرور

[زهرانية أبا ًعن جد]

اقتباس: المشاركة الأصلية كتبت بواسطة عادل بن قشاش      والله مشوار يايخته.... طويله قصتك تيه مرة بعدين ارجع واقراها....

وشمعك توك جاين من السودان مع احترامي لاخواننا السودانيين <<<خوافه

طيب في انتظار قرائتك للقصه

[زهرانية أبا ًعن جد]

اقتباس: المشاركة الأصلية كتبت بواسطة استمتع بحياتك      [COLOR="Red"] اهم شئ طاح الحطب ملاحظه\ليه اكثر مواضيعك قصص وحيوانات هههههه وعادل قشاش صور(فيه سر )

وش تيه النصبه ماكتبت الا قصه واحده وسويتها قصص

هااااااه هو ترا بس يعني لانه ا ا ا السر تبغا السر روح جزر الوقواق وابحث هناك عن السر واتحداك ان لقيت السر
لا تدقق مشي مشي تراها صدف <<<خايفه ينكشف السر الخطيييييير


شكرا على المرور

[زهرانية أبا ًعن جد]

شكراً لمروركم جميعاً

[علي صالح]

[align=center]موضوع جميل جدا ومن الحب ماقتل [/align]

[عادل بن قشاش]

اقتباس: المشاركة الأصلية كتبت بواسطة زهرانية أبا ًعن جد      وشمعك توك جاين من السودان مع احترامي لاخواننا السودانيين <<<خوافه طيب في انتظار قرائتك للقصه

لا توني جاي من الوادي كنت ازرع وقلع الله يعين.........ههههههههه


وبعدين هذي قصتك الي اشغلتينا فيها...........؟؟؟

نياق وبعارين ومغاتير..........هههههههه

لكن حلوة جداً تصلح لبعض الناس.....

اشكرك على جهودك