قارعة مجالسي ( عكسية ! ) بن حربي والقافري

[صـ0ـقـ7ـر]

السلام عليكم
حضرت قارعة بين اخوي بن حربي وبين زميليه صالح القافري , واسميتها ( عكسية ) لان القافري بدع ورد بن حربي ورجع بدع بن حربي ورد القافري وعلى ذا المنوال/

بدع ( صالح القافري )
ياراعي التمر في عذقة وتمري ضحالي
مارضى لك التعبة والا المحقرة بك ولا الام
ابيت من صاحبك يوم التشباك ابيته
ابى من الارض والميلان والصك ابى به

الرد ( بن حربي الحسني )
تعبت من وحدة أوجاعي وتمريض حالي
من غيبة الزين جايتني وجوعي والالآم
بالامس يبدي لنا من سـد شباك بيته
واليوم وش صكه الشباك وشصك بابه

البدع ( بن حربي )
الحَب يازارعه في ذرون وفي نخالي
بآسألك كم مرتن فكرت بالطير وش حام
عشانه الطير حَبّك يالمذرّي وزيته
والا الذي ماحمى الحُبَان قل وش نبى به

الرد ( صالح القافري)
ياموترا ريت لمباته وأنا في نخالي
متعطلن ماتشوف الا الصدا فيه وشحام
وريت راعيه في همّن ويلمح لزيته
ومثل ذا الموتر المعدوم قل وش نبى به

البدع ( صالح القافري )
الهرج ياصاحبي بالمنطقي وانت غالي
والي يخاف الوغى ماقلت بيخوف الأسلام
ريت الذي فاد بالقالات واللاش ريته
الناس فادت بعلم الناس والا انت خيبه

الرد ( بن حربي )
المعركة دون نهج اسلامنا والوغى لي
وإلّي بنهجه يقول " إ" له النبي خو فالاسلام
ماهوب لي من عبيد القوم والا شريته
يعزّه الله بعزّ إسلامنا وانتخي به

البدع ( بن حربي )
ماني على فَيق بالآول ولا فَيق تالي
يبغي لنا حكمتن في قابل الوقت و"ا"نظام
ذا القلب شبيت به نار الشيم واحتميته
مابغي يجي له صباحن هَمّ وعشى نشيبه

الرد ( صالح القافري )
ياولد حربي نهار امسي وانا في قتالي
يوم ريت لي شايب عادوه بالظلم وانظام
لك الله اني نزلت ابموقفي واحتميته
عشان صيحته فالاجواد وعشان شيبه

وسلامتكم

[مخاوي الجود]

صح لسان بن حربي وصح لسان القارحي ... وبيض الله وجهك اخوي صـ0ـقـ7ـر على النقل ....


اخوك/ احمد بن عبدالله البشيري

[بن حكمان]

الله الله

والله كلام كبار وشعراء عمالقة

صحت السنتهم

وسلم الناقل