--- تـسـجـد أبــيــات الــقــصـيـد ---

[برق الغمام]

--- تـسـجـد أبــيــات الــقــصـيـد ---

لو كان ما في خاطري هاجوس يقدح بالقصيد
و يزخرف ابيات الهوى و يحلها بيض الثياب

ما كان زال الضيق و الاوجاع من عصرٍ مديد
ولا كسرت الحاجز اللي صد عن سطر العتاب

يا حرفي اللي قد كستك العاطفة ثوبٍ جديد
و ابهرت حتى حطك النقاد عنوان الكتاب

حيرت شعار العرب ما بين ميعاد و وعيد
في بيت واحد توجز المطلوب عن مية خطاب

حسبك من الله في يدك وردة و قبضة من حديد
من عادتك ما قد عزفت الطيب باوتار العذاب

ضاعت بحور الشعر ما بين المودّع و الفقيد
و القاف يا جمع البشر ما بين مجروح و مصاب

اخفيت شعار النقايض تحت قيعان الجليد
و اذهلت من فوق الثرى و ابهرت من تحت التراب

لحرف واحد من بيوتك تسجد ابيات القصيد
و لـ شطر واحد تخضع الوديان في ظلّ السحاب

خالد الزهراني ،،،، 🌹

[Mansour Al-zahrani]

مشكووووووووووووور والله يعطيك العافيه على النقل الأكثر من رائع

[ال يتيم العلي الدوسي]

[علي بن الحبين اليحمدي]

صح لسانك أبيات جميله ..
لكن ليش حاطها في "شعراء المستقبل"

[برق الغمام]

صحت ابدااانكم
علي اليحمدي ،، م ادري والله لقيت المنتدى و نزلتها فيه ،، وش المنتدى الصحيح خلني انقلها ):

[علي بن الحبين اليحمدي]

شعر النظم في منتدى الشعر الشعبي
وشعر العرضه او الشقر في منتدى الموروثات الشعبيه ..

[برق الغمام]

الله يعطيك العافية جاري النقل