اشهر الكلمات السعوديه!!ادخل وافطس ضحك!!!!

[مــالك القلــــوب]

سلامي ع الجميع..


اشهر الكلمات السعوديه المضحكه


كلمات عامية ..ومعانيها..



اتمنى تعجبكم
الدلخ :


وهذاا إنسان غبي جداااا.ويرفع الضغط ....وينرفز ....


واكثر من يعااني منه المدرسين ....واهله.



المنسم :


ذلك راجع إلى تهريب الهواء من رأسه و السبب


في ذلك هو أن في رأسه فتق لذلك تلقاه دايم يغطس رأسه


في سطل موية عشان يعرف من وين التنسيم .



المهوي :


هو مرحلة متأخرة من التنسيم و المهوي وصل لمرحلة متأخرة جدا


بحيث يفقد أهله الرجاء منه ...



الشخر المخر أو أبو مشخر ! :


من نفس فصيلة المنسم !



السلنتح :


قليل الأدب



. جحلط ( بتشديد اللام ) :


وهم مرحلة متقدمة للسلنتح



مزّلب :


يعني بايعها بتراب !



مسفّح :


يعني طاير في العجّة وهو ما عنده ما عندي جدتي


يعني بالعربي الفصيح من جنب العارضة



الصتيمة :


وهو الشخص اللي ماعنده ماعند جدة جدتي ...!!...


ويصدق أي شيء يقال له



المسبة أو المسبوة :


هو الشخص اللي يكون مروع في صغره لدرجة أنه يصبح شبه فاقد للعقل ... يعني مجنون



الفاهي :


هذا الله يخلف مهما تقول له أو تصارخ عليه تلقاه فاتح فمه و بس


و إذا كلف عمره و تفاعل معك رد عليك و قالك : هه ...



الحقنة :


هو الشخص الغثيث اللي ما يفكك لين تعطيه اللي يبيه منك


و مهما تسوي له عشان تصرفه عن الموضوع حقه ينشب في حلقك


لين يأخذ منك اللي يبيه , وهذا يفسر قول العرب : أغث من حقنة !!....



العلة :


هذا اللي ما تأخذ أنت منه أي شيء و لا عنده استعداد


انه يسمع منك مهما حاولت وهو كالمرض يعلك لين تنفقع مرارتك منه......



العربجي :


يظن معظم الناس أن العربجي هو الشخص الشديد


حق المشاكل


( أسم لطريقة لبس الشماغ عند العرابجة )



و حاط مفاتيحه في سلسلة و لا بس نعال سجاديه و يسحبها تسحيب


لين جاء يمشي و دايم فاتح صدره و راسه على فوق


و كانك ولد أبوك قله شيء بس .





الكحلي :


يطلق مسمى الكحلي على ذوي البشرة السمراء


و لأن ذوي البشرة البيضاء مساكين ما عندهم لقب احتجوا


عند الأمم المتحدة مطالبين باللون الفضي ....



المرجوج :


هذا ما عمره صلح شيء صح في حياته ما يمديك تفتح فمك


إلا و طار في العجة بدون ما يفهم وش السالفة


و الارتجاج الحاصل له يختلف تماما عن مشكلة المسبة أو المسبوة


حيث يكون الارتجاج هنا نتيجة صدمة و ليس نتيجة روعة .



المطفوق :


من فصيلة المرجوج ...


إلا أن مايميزه هو انه اذا مر من عند كاس أو جيك أو ابريق أو أي شيء


فيه سائل لازم يكبه ( أي يسكبه ) برجله وهو مايدري ،،


ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!


أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....



السربوت :


هذا اللي ما يخلي مكان ما يروح له


و قد كان الأولين يطلقون لقب السربوت على من يشرب الدخان


لكن الحين الله يخلف الناس تدخن بيديها و رجليها و لحد يقول لهم شيء.



السمرمدي :


وهو من نفس فصيلة السربوت.



الداشر :


هذا قليل الأدب و لا يحب يماشي إلا السرابيت


و إذا قيل فلان دشر فلان أي خرب أخلاقه لكن في الأردن


الشقيق كلمه دشره تعني أتركه..



الملكع :


أما هذا فيعرف حتى السكني (اي الجن )


و مقطع السمكة و ذيلها و مهما تحاول تلف و تدور معه تراه


فاهم و عارف وش تبي بالضبط فلا تتعب نفسك .



زعّيط :


مسوي نفسه يفهم في كل شيء وهو من جنب العارضة.

[خليل الحريري]

هههههههههههههههههههههههههههه

حلوه
مشكور

[شذى الريحان]

الحقنة من زمان نفسي اعرف ايش معناها
اسمعها وما افهمها احسب انها ابرة او برواز الانسولين
في كلمات كثيرة دوبي سمعت عنهاو فهمتها من قاموسك الرائع
اما الاخيرة تحفة فنية
زعيط كلمة موسيقية
تحياتي

[سما زهران]

مشكووووووووور مالك

بس وش معتى بلحط بضم الباء

[~~سحر انثـى~~]

زعّيط :


مسوي نفسه يفهم في كل شيء وهو من جنب العارضة...

بصرآحهـ كلماات غريبهـ عجيبهـ ....
بس حلوهـ ..

بيس

[مــالك القلــــوب]

نورتوا صفحتي

أشكركم على ردودكم الجميله

[ذكرى المفارق]

كلمات ما أردي وش أساسها و من وين جات
بصراحه كلمات غريبه و عجيبه
يعطيك ألف عافيه عالكلمات الحلوه

[برنس الاحساس]

يعطيكـ العــافية على هالمجهود

من كثر ما صادو علي مواضيع مكررة اعدوني

اخي العزيز : مشاركتك مكركرة قصدي مركره قصدي مكررة

http://www.zahran.org/vb/showthread.php?t=28608

دمت ســـالم