تم إستعادة الراس الصغير من سجن(شلة الزهره)مع حرب كوكبيه متوقعه في قادم الأيام ...!!!!

[Mr.RoMaNiStA]

بسم الله الرحمن الرحيم

سلام عليكم ورحمة من الله وبركاته

أسعد الله أيامكم ومسائكم بالخيرات واليمن والمسرات (حقوق المقدمه محفوظه بإسم مجودينتش)

تذكرووون رحلة الراس الصغير لكوكب عطارد ؟؟

الراس الصغير صار له فتره مايدخل المنتدى من بعد سالفته مع الافغانه في عطارد ، وبعد الحسد اللي شافه من كوكب الزهره لما رفضوا يهبون له مويه يشربها .

أنا اليوم رحت لكوكب زحل الخاص بي وخلصت لي كم شغله هناك وقلت بأمر على الراس الصغير واشوف وش عنده ماعد يدخل المنتدى عسى ماشر .

وأنا طالع لزحل بالمسكليته حقتيه ، بنشرت عليه المسكليته وكملت باقي الطريق على أرجولية ، وماوصلت هنياك إلا وانا متذرعـن .

ولما وصلت عطارد دورت له يمين يسار ومالقيته ، حتى الحجاره قلبتها ولالقيته تحتها قلت يمكن مستخبي يدفى .

قلت بيني وبين نفسي ، ياولد وين لقى الراس الصغير؟
لايكون انه تمشكل مع أميرة الاحساس اللي من الزهره واستحلوا كوكبه؟

لالا لو أنهم استحلوا كوكبه كان لقيتهن في الكوكب حقه .
لكن مالي إلا أروح لكوكب الزهره واتلمح له هنياك .

بس قلت ماباروح ذلحين عشان اللي هنياك مايشوفنيه ويقولون وش عندك توطوط عندنا.

واستنيت إلين اغربت ورحت لهم هنياك خفيه ، واتلمح يمين يسار عل وعسى ألقى الراس الصغير .

وفــجــأة :::

لقيت الراس الصغير مربوطا عندهن في الزهره ، ومسكين حالته حاله ،غدا حاسرا مايهبون له زادن ياكله ، ووجهه أصفر وأحزننيه مررره .

ولقيت لي حبل مشنقه عند راسه يبغينه الصبح يطلع وينفذنه حكم الإعدام على الراس الصغير

تلمحت هنيه وهنيه إلا مافي أحد يشوفنيه ، ودعيتوووه..

أنا :: أي أي ،، يالراس الصغير ، يالراس الصغير <<<< قاعد يصفر بالتويد عشان مايسمعنه أميرة الإحساس وشلتها.
إلا والراس الصغير مايسمعنيه .

اقتربت منه ودقيته في كتفه ، وقام خارعن واخرعنيه معه بغى ينفر بعقليه ، وقاعد يصيح وش فيه وش فيه بتشنقننيه ، لالالالا حرام عليكنه .

عودت أنا وحطيت ايديه على خشمه عشان مايقول شيء ويسمعنه الشله ويجينه ويربطننيه جنبه ، وبغى يقطع ايديه عضنيه مهلا اقول له اسكت اسكت لاتفضحنا أنا جارك في زحل .

شويه إلا وهو يوم هدي وقلت له وش سالفتك أنت مربوط هنيه؟
قال : أميرة الإحساس وشلتها شافونيه طالعن من الأرض لعطارد بكرتون قوطه ونقس بصل ويحسبننه اللي تقطعه عليهنه الافغانه وخذونيه وربطونيه وخذوا البصل والقوطه عليه .

قلت له : وش معك حاسرن ووجهك أصفر .
قال لي : مايهبن لي زدن أكله ولاحبه ، مهلا يهبن لي مويه اشربها في الصبحيه ومويه مالحه في الليل عشان اظمى .
قلت له : طيب وين طيارتك؟
قال هو : مدري وين لقّينه بها .
قلت له : طيب اسمعنيه ، أنا بافك القيود اللي ربطوك بها وخلنا نغدي ندور لطيارتك لأن المسكليته اللي اطلع بها من زحل بنشرت علي بالطريق ومالقيت بنشر فاتح .
قال هو : تم .
قلت له : بس مابافكك إلا بشرط .
قال هو : إنالله ، كل يوم وانت بشرط ، قول وريحنا .
قلت له : تاخذني معك في طيارتك عشان مسكليتتيه مبنشره كفرتها .
قال هو : خلاص ابشر بس فكنيه وخلنا نغدي ندور للطياره .

والله وفكيتوه وغدينا انا وياه ندور لطيارته ، ولقيناها بعد طول عناء .

والمشكله مالقيناها إلا بعد ماأصبحت علينا ، وقلت له يالله خلنا نغدي نهبق عشان مايشفننا الشله ويعلنون الحرب .

قال لي : طيب ذلحين بنمشي بس خلني أغدي اخرب عليهنه زروعهنه حقت القوطه والبصل .

قلت : طيب عجل عجل عشان ماانقفط معك .

والله وغدى على مزرعتهنه ولعب فيها لعب وحاسها حوس وجانيه وقال يالله مشينا .

حملنا المسكليته حقتيه في ظهر طيارته وركبنا وجيناكم ماشين إلا والشله يوم بدينه علينا وشفننا مهبقين ، واسمع لي واحده تقول اهو ماجد اللي فكه نحاكي المسكليته في ظهر الطياره ، والله لنوريك أنت وكوكبك زحل .

أنا خرعت على كوكبيه من الهجوم الناري اللي بيجيه منهن ، وقلت للراس الصغير لازم نتصرف ، قال مالك إلا خليل خلنا نغدي عنده في المشتري ونشرح له القصه وهو أدنى ماله بس قول له حرب مايقول لك لا .

رحنا لخليل وتواطينا عنده وشربنا لنا كاسة شاهي بس مشكلته مافيه سكر .

وشرحنا له السالفه من طقطق لاسلام عليكم ، ورسم لنا خارطة الطريق والخطة المستخدمة في حال الهجوم المنتظر من قبل شلة الزهره .

وذلحين فهمنا خطة خليل اللي رسمها لنا ونستنى أي هجوم ذري من الشله حقين الزهره ، والراس الصغير ياهووو حاقدن عليهن .



والمهم إننا استرجعنا الراس الصغير قبل تنفيذ حكم الإعدام ، وبإنتظاره يحكي لنا قصته بالتفصيل

وبإنتظار آخر مستجدات كواكبنا أنا وخليل والراس الصغير

وسلامتكم

[نآي الحزن]

هههههههه هويه ياماجد تالدله اجل ربطوا الرجال هههههههههههه

حلوه حلوه عوآفي هههههههه

[أبوعدي]

حلوووووووووووووووووووهـ

يعطيك العافية

[عبد الكريم العدواني]

هههههههههههههه,اله يعطيك ألف عافية.

[آمـيرهـ بآح ــساسي]

[ALIGN=CENTER][TABLETEXT="width:70%;"][CELL="filter:;"][ALIGN=center]هههههههههههههههههههههههههههههه
هههههههههههههههههههههههههه
اهووه انته ياكعشان اللي فكيته وهربته
طيب ماعليه اهم شي كوكب عطارد سار ملكيه خاااصه لنا خخخ[/ALIGN][/CELL][/TABLETEXT][/ALIGN]

[الهوى والنور]

انتبهوا ااااهم يقولون ان الكواكب ذلحين بتتحرك وااااهي لا تتصادم بكم

والله لتغدون سفن دايز يالفراوله هههههههههههههههههههههههه

واما ذلحين خلوا خليل ينفعكم انتوقوطتكم وبصلكم

[الراس الصغير]

قصتي يوم استاسروني بنات كوكب الزهرة

اقولها بالتفصيل

يوم من الايام كنت نايم في الصندقة وقمت من صوت الباب

وفتحت اباب

واشوف حريم متغطيات يمكن عددهنه خمسن ماقدرت احصيهنه من غطاشن جوف عيوني
وفركت عيوني وقلت خير وشمعكنه يا غلايم
قلنه جينا نسوي معك صلح وجبنا لك زادن تاكله
قلت الله مير يحيكم
ها عدينه
ودخلنه الصندقه وقعدنه يتفرجنه في سطح الصندقه وتم الصلح وخرجنه واكلت من الزاد

اثرهنه حطينه منوم في الاكل وبعد ماصحيت واشوف نفسي مكتفن في كوكب الزهره

هذي خيانه

هذا اللي صار ومزيد من الخراط في حلقات جاية
استنونا مع الخيال تصبحون عل خير