إلى علي (آخر العنقود)

[عبدالله الطنيني]

إلى عليــ...............(آخر العنقود)

[poem=font="Simplified Arabic,6,green,bold,normal" bkcolor="transparent" bkimage="" border="double,7,purple" type=1 line=0 align=center use=ex num="0,black""]

يا الله من في حكمته دار الفـَلـك= وكلّ شيٍ في الوجود بشيـّته
تغفر خطايا عبدك الي يسألك = وتعوّضه عن كل خيرٍ فوّته
وتجنـّبه درب الرّزايا والعـَـلـَك=حتى يبوح القلب بالي جوّته
عندي نصايح ياعليوي لي ولك = ما يرفع الرجال غير مروّته
من جنب اهل الفاينة يمشي ملك = ومن ساير الهافي طمى في هوّته
والي يخالف شرعة المولى هـَلــَـك =ويصاب من سهم الخطر من بيـّته
وايلا حفظت الدين يرفع منزلك =والدين به تحيا قلوبٍ ميـّتة
ينجى على درب الهداية من سلك =والمنحرف لازم تحيطه سيـته
سِر ياعلي في سيرة الي ينفعك= واحذر تساير من تضرّك خوّته
واترك حسودٍ لا نخيته يخذلك= كن العطا والصرف من ماليـّته
واحذر عن الضيفان تغلق منزلـَـك = والضيف جنـّب لومته وزْريـّته
واحذر من الشيطان لا يستغفلـَك= عوذاك بالرحمن تكسر قوّته
واحذر تقلـّد غربي فيضلـّلك= ما ينعرف دينه ولا جنسيـّته
لاتآمن المحتال مهما ضحك لك = تكشف لك الأيام عن مطويـّته
بالسن يضحك لك ودسّ السـّمّ لك = لاحانت الفرصة ينجـّح كيـّته
خاو الشجاع ايلا بِلِيت يْثور لك= أواترك جبانٍ يفتزع من فيـّته
والربع واخوانك وخال وعمّ لك= قدّر كبير السـّن واكرم جيـّـته
ربعك عضودك ياعلي من دون شكّ=أسعِد بدربٍ والقبيلة سوّته
قطيعة ارحامك تجي بالبعد لك= عن كل خيرٍ تحتري في جيّته
والجار يوم تقدّره فيقدّرك = لا تعتمد في ضيمته وأذيـّته
درب الجميل ان سرت فيه يجمّلَك=والبخل معروفٍ بمنقوديـّته
والصدق في الرجـّال خيرة ما ملك =فعله وقوله مثلما في نيـّـته
والكاذب ايلا جا لزومك ينكرك= لا تحتزم به واتركه في غيـّـته
والكبر ينزل صاحبه تحت الدَّرك=تحت القدم تنداس محسوبيـّته
واللاش لا قاربت لاشٍ علعلك=ماهي تشرّف خوّته وعنوّته
وتر المرابي في الخسارة مشترك=كل الربى ما زاد مليونيـّته
سِرْ في الحلال وخذ منه ما لذ ّ لك =وجنـّب المشكوك في شرعيـّته
وقبل اختـّمها وزيت العلم بك=والوالد احفظ هرجته واوصيـّته
وصلاة ربي عدما دار الفلك =على الذي نمشي بهدي نبوّته[/poem]

الحقوق محفوظة

وسلامتكم

[انا السليمي]

نسال الله ان يحفظ علي واخوانه وان يصلحهم
ابيات رائعه ونصائح ثمينه قدمها شاعرنا الرائع الاستاذ عبدالله
صح لسانك استاذ عبدالله على القصيده الرائعه التي راقت لي كل ابياتها
ونتمنى مثل هذي الابيات صراحه
وفقك الله

[عبدالله الطنيني]

اقتباس: المشاركة الأصلية كتبت بواسطة انا السليمي      نسال الله ان يحفظ علي واخوانه وان يصلحهم ابيات رائعه ونصائح ثمينه قدمها شاعرنا الرائع الاستاذ عبدالله صح لسانك استاذ عبدالله على القصيده الرائعه التي راقت لي كل ابياتها ونتمنى مثل هذي الابيات صراحه وفقك الله

********************

أنا السليمي

هذا والله من لطفك ونبلك ، وذوقك الراقي

أشكرك على كرمك وثنائك الغاليين ، يا غالي

[علي بن الحبين اليحمدي]

الله الله صح لسانك ..
نصائح أبويه جليله ناخذ بها ..
تحياتي لك ..

[عبدالله الطنيني]

اقتباس: المشاركة الأصلية كتبت بواسطة علي بن الحبين اليحمدي      الله الله صح لسانك .. نصائح أبويه جليله ناخذ بها .. تحياتي لك ..

***************

أخي الشاعر المتألق : علي اليحمدي

شكرا لك على مرورك الكريم وثنائك الراقي

[احمد صعمود]

الله يحفظه ويصلحه

ابداع متواصل ياشاعرنا القدير وكلمات حانيه تفيض بالمشاعر

تقديري

[عبدالله الطنيني]

وشكري وتقديري لك أنت أخي : بن صعمود

وفقك الله

[جمعان مفرح (ابو طلال)]

نصائح تسجل بما الذهب كل بيت يعدل قصيدة حفظ الله لك أبناءك ورزقك برهم وأطال الله في عمرك ولا عدمناك يالغالي
ماشاء الله قرأت القصيدة أكثر من مرة نظرا لجودتها
دمت في حفظ الله

[عبدالله الطنيني]

حياك الله وبياك أخي الأستاذ : جمعان

وجودك وشرواك وقراءتكم لأبياتي والثناء عليها وسام افتخر به

فلك مني جزيل الشكر والعرفان

وفقك الله ورعاك

[محمد الساهر]

نصيحة جيدة تشكر عليها

صح لسانك