ولدي وجوالي واشياء اخرى

[روعه]

انتي عكسي يا طوق

جوالي ما يقربون منه بزورتي

بس طاحو فيني النشالين 3 سنوات كل اخر سنه ينسرق علي جوال

اثنين موديل 73

والاخير 95

والجديد جوال نانسي قريت عليه وحصنته

اما طاش ما شفتها احسهم ما عاد عندهم سالفه

[الســرف]

اقتباس: المشاركة الأصلية كتبت بواسطة نسيم السروات      بقعا تصوعك لا عاد نسيم منحوسه يالشيف سرف قال شيف قال والله لا شيف ولا شيفه . .

سيأتي يوم وتندمين على التقليل من قدراتي وتعتذرين لي على الهواء وانا في برنامج " شيف زهران "

وتقعدي تترجين إني أعلمك اسرار الطبخ ...واقول للمخرج اعطونا المتصله اللبنانيه اللي بعدها

واجي الرياض واسبب زحمه وفلاشات ومعجبين وتواقيع ...إنتي بس اصبري

بعدين انا بس فككت الاسطر وحللت كلام طوق
كانت تبغى تقول شيء في نفسها بس مستحيه
ماتبغى تصدم أحد

ولدها يلاحقك حتى كـ أسم ...حط الجوال في المويه عشان اسمك يغرق

عموما اتوقع هدية العيد منك لطوق جوال i phone

[طوق الياسمين]

اقتباس: المشاركة الأصلية كتبت بواسطة الســرف      هذا عشان شياطينهم ماتتصفّد بعدين يقال الجزاء من جنس العمل ...اتوقع كنتي تحطين " الرادي " حق الوالد الله يرحمه في قدر " الحقينه " وفيه واحد من الاسماء اللي في شريحتك "منحوس " نكب ام الشريحه والجهاز <<< بتجي نسيم تقول وش قصدك وبعدين وش فيك منزعجه ..اللي يسمعك يقول أن ميزانية شركة الاتصال بتهتز ...كلها عشرين ريال في الشهر والباقي كول مي حتى نسيم مسميتك في جوالها " كول مي " والا الاسماء في شريحتك من فئة سيدات المال والاعمال وكبار الشخصيات ...<<تراها مو ناقصتك اسكت خلي الولد ياخذ راحته خاصه ان الجوال ابو كشاف بـ 70 ريال << لا منجد تبغى المشاكل انت هذا بالنسبه للموضوع الاول نجي لطاش ..!! ما انتبهت بس بشوف المسابقه إنتي مشرفه ويجب أن <<< اقول نزل اصبعك وش فيك تأشر ومنفعل قصدي تفتحي المسابقه للرجال والنساء اساساً الرجل لديه " نفس " في الطعام يتفوق فيه على المرأه لذلك " الشيف " الرجل افضل ويتميز عن " الشيفه " << عجبني لقب شيفه لوووول حتى معظم كتب الاطباق ومعظم برامج المطبخ تكون لرجل فـ ....افتحي المسابقه يفتح الله لكم .....لأن لدينا طبق سيطبق الافواه وإنتي خابره طبق السرف هذاك اللي قعدنا يومين نغسل مواعينه صصتر طوق ....تقبلي مروري << اقول افلح قبل تشوف شي مايرضيك

رجك الله رجا رجا حتى تحمرّ عيناك
تراي ماني ناقصة شماته يكفي نسيم كل شوي تذكرني بجوالها اللي غسله ولدي العام وفي رمضان بعد
والله يمكنك صادق ارقام المنحوسات هي اللي اعدمت الدنيا .. لذلك يبغالي اسوي تصفية على الارقام بشريحتي الجديدة
مسكينة شريحتي الاولى لها 12 سنة ماتغيرت ايام كانت الشرايح بـ 3500 ريال ماهو كما ذلحين الشريحة ببلاش لكن باحتفظ فيها ذكريات يمكن ازيد اعرضها في متحف الملك عبدالعزيز ، ورب ضارة نافعه اغيرها بشريحة تدعم الجيل الثالث >> تصبر نفسها
وعليه عني من الفواتير ماتجي الا 700 والا 400 اصلا كووول صحباتي مزعجيني بالكول مي يحسبوني بنت نعمه


والله ماسويت شي طول حياتي مسالمة لا خربت راديو ولا احرقت دولاب المطبخ اصلا طفولتي كلها وحده قضيتها راس الدرجة اسوي لي مطبخ واربي لي عرايس >> ذابحها الشعور بالامومه


اما المسابقة
والله بديت افكر في عرضك بشكل جاد مره
وش ذا ! للحين ماوصلني ولا مشاركة وشكل لين يخلص رمضان مابيوصلني شي .. ياللا توفير يمكن لو خليناها عامه بتصيرون احسن من البنات .. وكيف ننسى طبقك يالسرف ذاك الشي ماينسى ابدا ابدا مسوي حلى بالملح وعصيدة حالية على بالك معصوب وعافس اووم الدنيا ماستفدنا الا المواعين قعدنا دورن نغسلها



مسيو سرف .. شكرا لاصغائكم

[طوق الياسمين]

اقتباس: المشاركة الأصلية كتبت بواسطة كبريآء ملكـ      يعني بالله جبتي شي جديد ذولآء ورعــآناً ., وإلآ لو آنو موآليد حلب وإلآ موآليد بيروت ورب آلكعبه مآيسوي كذآ ., لكن يالله خليه ينبسط وآنآ ضد العنف الاسري <مسوي الدكتور ميسرهـ طآهــر ع فكرهـ آشتري له جوآل آلو آلو مرحباً شوفي يخليه يسسبح ولإيدآريه

والله انك صادق ... ورعانا ماهم ورعان ، شياطين على هيئة اوادم تمشي على الارض
اشتريت له جوال يغني ياطيبة ياطيبة واشتاله ورمى به في الزووباله
ثم شريت له سيارة تويوي هو اختارها على ماقال "بنتن" وتناصل كفرها من ساعتها
واشتريت له مددس على ماقال وبغى يفقع عيون عيال اخوي وكسرته
والله ماخليت ولا صقيعه ماشريتها .. ياخسارة الدراهم بس .. خساير خساير فادحه

[نسيم السروات]

أقول سمي على الولد بالرحمن خلي عنك النمك

وخليه يلعب ويكسر ماهو فوق راسك مامعك إلا هو قطعة ببي وأمتحنتيه

كسر خرب وشلون لو معك عشرة غيره أظنك بتاكلينهم ياشفاعة الله منتي صيحيحة

يوم كانت بنتي صغيرة كما ولدك دخلت الحمام وأنتم بكرامة وفتحت الماء في البانيو

وأخذت كرتون صابون كبير حجم عائلي مدري كيف شالته ونكتته كله فوق الماء وراح كله في المجرى

دخلت عليها أصارخ فيها وأضربها دخل علي زوج وأنا ماسكة بكعشتها عاد هو يحبها ويموت فيها قال

وشفيك على البنت فكيها قلت له سوت كذا وكذا قال خليها من حلال أبوك شي خليها تلعب وطيح وجهي

وقامت تضحك وتطلع لسانها عليه كذا ومن يومها وأنا متبلدة شعوريا من ناحية خراب الأطفال تعبنا .

[الراس الصغير]

اللهم اني صائم

والله يعينك على ولدك لازم انكم تصبرون عليه

(هؤلاء الاطفال زهور الارض --- لا ياشيخ من قلك


واعتقد ان ولدك في المستقبل باقي يصير مهندس زراعي ( وش دراني والله ماحد قلي بس توقعات
باين من الشقاء اللي فيه
الله يحفظه ويخليه لكم



نصيحه حافضي عليه ولا تعودينه على الضرب ترا الاطفال يعاندون اكثر اذا اندبغوا

عندي شلة اطفال تعبت من كثر مانشتري لهم العاب وغالية المشكلة

فجتني فكره اذا طلبوا العاب
اقول لهم تم
اوديه محلات ابو ريالين واقول بصوت مرتفع آنتشرووووووووووووووووووا

ويدخلون محل ابو ريالين ويعثون في المحل عثن عثا ويجمعون ماطاب لهم من الالعاب
ويخرجون فرحين مستبشرين كل واحد معه قرته من االالعاب يعني اقول لهم زيدو ديدوا خذوا

والحساب يارخيص

وطاش ماطاش تابعت بس ما دققت باللهجه

[الراس الصغير]

اقتباس مكرر عذرا

[كبريآء ملكـ]

ع فكرهـ آخبآر وليدك آخآف آنو تلهين في آلمطبخ

ومآتدرين إلآ آلتلفيزون يسسبح في البآنيو

[@العيون الحور@]

اقتباس: المشاركة الأصلية كتبت بواسطة كبريآء ملكـ      ع فكرهـ آخبآر وليدك آخآف آنو تلهين في آلمطبخ ومآتدرين إلآ آلتلفيزون يسسبح في البآنيو

جايه برد الموضوع ومت من الضحك وربك هههههههههههههههههههههههههااااااااااااااااااااي


طووق أأأنا أأموت باليهال بس لايخربوون شي والله أموت أنا

[طوق الياسمين]

مسرعكم شلتوا الفانوس ؟
طيب نرجع لمحور حديثنا